హైలైట్స్
- నేడు చైనాలో లాంచైన Redmi K60 సిరీస్
- స్నాప్ డ్రాగన్ 8+ జెన్ 1 చిప్, 5500 ఎంఏహెచ్ బ్యాటరీ, 67 వాట్ ఫాస్ట్ చార్జింగ్ తో వచ్చిన Redmi K60 డివైజ్
- చైనా లో Redmi K60 ధర రూ.29,700 నుంచి ప్రారంభం
చైనాలో నేడు Redmi K60 సిరీస్ లాంచైంది. ఈ లైనప్ లో Redmi K60, Redmi K60 Pro, Redmi K60e డివైజెస్ ఉన్నాయి. రెడ్మీ కే-సిరీస్ కి భారత్ లో ఎంతోమంది అభిమానులున్నారు. వారంతా కే60 సిరీస్ లాంచ్ కోసం చాలా రోజులుగా వేచి చూస్తున్నారు. అయితే ప్రస్తుతం చైనాలో మాత్రమే అందుబాటులో ఉన్న ఈ సిరీస్ త్వరలోనే భారత్ లో లాంచ్ కానుంది.
ప్రస్తుతం మనం Redmi K60 మోడల్ గురించి తెలుసుకుందాం. Redmi K60 డివైజ్ 6.67-ఇంచ్ 2కే అమోలెడ్ డిస్ప్లే, 120 హెర్ట్జ్ రిఫ్రెష్ రేట్, 1400 నిట్స్ పీక్ బ్రైట్నెస్ తో లాంచైంది. సరే, ఓసారి Redmi K60 యొక్క ధర, పూర్తి స్పెసిఫికేషన్స్ ఎలా ఉన్నాయో చూద్దాం పదండి.
Redmi K60 ధర
Redmi K60 5G ఐదు వేరియంట్స్ లో లభిస్తుంది. 8GB + 128GB, 8GB + 256GB, 12GB + 256GB, 12GB + 512GB, 16GB + 512GB. ఈ వేరియంట్స్ ధరలు వరుసగా 2499 యువాన్లు (సుమారు రూ.29,700), 2,699 యువాన్లు (సుమారు రూ.32,200), 2,999 యువాన్లు (సుమారు రూ.35,700), 3,299 యువాన్లు (సుమారు రూ.39,300), 3599 యువాన్లు (సుమారు రూ.42,900).
Redmi K60 స్పెసిఫికేషన్స్
Redmi K60 లో 6.67-ఇంచ్ 2కే అమోలెడ్ డిస్ప్లే, 120 హెర్ట్జ్ రిఫ్రెష్ రేట్, హోల్-పంచ్ కటౌట్, 1400 నిట్స్ పీక్ బ్రైట్నెస్ ఉన్నాయి. ఈ డివైజ్ స్నాప్ డ్రాగన్ 8+ జెన్ 1 చిప్సెట్ తో వచ్చింది. ఇందులో 5500 ఎంఏహెచ్ బ్యాటరీ ఉంటుంది. ఇది 67 వాట్ ఫాస్ట్ చార్జింగ్, 30 వాట్ వైర్లెస్ చార్జింగ్ కి సపోర్ట్ చేస్తుంది.
Redmi K60 యొక్క కెమెరా విభాగం గురించి తెలుసుకుందాం. ఈ డివైజ్ లో ట్రిపుల్ రియర్ కెమెరా సెటప్ ఉంటుంది. ఇందులో 64ఎంపి ఓఐఎస్ ప్రైమరీ లెన్స్, 8ఎంపి అల్ట్రావైడ్ యాంగిల్ లెన్స్, 2ఎంపి మ్యాక్రో సెన్సర్ ఉంటాయి. Redmi K60 ఫోన్ ఆండ్రాయిడ్ 13 ఓఎస్ ఆధారిత ఎంఐయూఐ 14 కస్టమ్ స్కిన్ పై పని చేస్తుంది.
Redmi K60e స్పెసిఫికేషన్స్
ఇక Redmi K60e విషయానికి వస్తే ఇది మీడియాటెక్ డైమెన్సిటీ 8200 చిప్సెట్ తో వచ్చింది. ఇది 67 వాట్ ఫాస్ట్ చార్జింగ్ సపోర్ట్, 5500 ఎంఏహెచ్ బ్యాటరీ ఉంటుంది. ఈ డివైజ్ లో ట్రిపుల్ రియర్ కెమెరా సెటప్ ఉంటుంది. ఇందులో 48ఎంపి ప్రైమరీ కెమెరా, 8ఎంపి అల్ట్రావైడ్ కెమెరా, 2ఎంపి మ్యాక్రో కెమెరా ఉంటాయి.
Redmi K60e లో 6.67-ఇంచ్ అమోలెడ్ 2కే రెజుల్యూషన్ డిస్ప్లే, 120 హెర్ట్జ్ రిఫ్రెష్ రేట్ ఉంటాయి. ఈ ఫోన్ యొక్క డిస్ప్లే హోల్-పంచ్ కటౌట్ తో వచ్చింది. బ్లూటూత్, వై-ఫై, జీపీఎస్, 5జీ, 4జీ వొల్టీ వంటి బేసిక్ కనెక్టివిటీ ఫీచర్లు ఈ ఫోన్ లో ఉంటాయి.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.