హైలైట్స్
- తన నెక్ట్స్ ఫ్లాగ్షిప్ డివైజ్ ని లాంచ్ చేసేందుకు సిద్ధమవుతోన్న Redmi
- చైనాలో డిసెంబర్ 27 న లాంచ్ అవుతోన్న Redmi K60 సిరీస్
- స్నాప్ డ్రాగన్ 8 జెన్ 2 చిప్, 2కే స్క్రీన్, సోని ఐఎంఎక్స్800 కెమెరాతో వస్తోన్న Redmi K60
రెడ్మీ కంపెనీ తన తదుపరి ఫ్లాగ్షిప్ డివైజ్ ని లాంచ్ చేసేందుకు సిద్ధమవుతోంది. చైనాలో Redmi K60 సిరీస్ ని లాంచ్ చేయనున్నట్లు సమాచారం. ఈ ఏడాది చివర్లో ఈ ఫోన్ లాంచ్ కానుందని రీసెంట్ గా ఓ రూమర్ బయటకు వచ్చింది. రీసెంట్ గా రెడ్మీ ఫ్లాగ్షిప్స్ ని షావోమి టీజ్ చేయడంతో వీటి లాంచ్ కన్ఫర్మ్ అయ్యింది. ఈసారి పెర్ఫామెన్స్ పై ఫోకస్ పెట్టినట్లు తెలుస్తోంది. తాజాగా Redmi K60 సిరీస్ యొక్క లాంచ్ తేదీ, సేల్ టైమ్ లైన్ రివీల్ అయ్యాయి.
యూట్యూబర్ సాహిల్ కరౌల్ Redmi K60 సిరీస్ డిసెంబర్ 27 న లాంచ్ అవుతుందని తెలిపాడు. అలాగే ఈ టిప్స్టర్ Redmi K60 సిరీస్ యొక్క కొన్ని ముఖ్యమైన విషయాలను వెల్లడించాడు. అవేంటో తెలుసుకుందాం పదండి.
వచ్చే వారం లాంచ్ కానున్న Redmi K60 సిరీస్ (లీక్డ్)
Redmi K60 సిరీస్ లాంచ్ డేట్ అఫీషియల్ గా ప్రకటించాల్సి ఉంది. షావోమి సంస్థ ఈ సిరీస్ ని డిసెంబర్ 27 న లాంచ్ చేయనుందని సమాచారం. కరౌల్ చెబుతున్న దాని ప్రకారం చైనాలో డిసెంబర్ 31 నుంచి Redmi K60 సేల్ మొదలవుతుందని తెలుస్తోంది.
Redmi K60 సిరీస్ లో స్నాప్ డ్రాగన్ 8 జెన్ 2 చిప్, 2కే స్క్రీన్, ఇన్-డిస్ప్లే ఫింగర్ ప్రింట్ సెన్సర్, సోని ఐఎంఎక్స్800 మెయిన్ కెమెరా ఉంటాయి.
ఈ లైనప్ లో Redmi K60, Redmi K60 Pro, Redmi K60e అనే మూడు డివైజెస్ లాంచ్ కానున్నాయి. Redmi K60 స్నాప్ డ్రాగన్ 8 జెన్ 2 చిప్, Redmi K60 Pro ని 8+ జెన్ 1 చిప్సెట్ తో లాంచ్ చేయనున్నట్లు సమాచారం. ఇక కే60ఈ స్మార్ట్ ఫోన్ మీడియాటెక్ డైమెన్సిటీ 8200 చిప్సెట్ తో లాంచ్ కానున్నట్లు ఇదివరకే స్పష్టమైంది.
Redmi K60 స్మార్ట్ ఫోన్ 6.67-ఇంచ్ క్యూహెచ్డీ+ డిస్ప్లే, 120 హెర్ట్జ్ రిఫ్రెష్ రేట్ తో రానున్నట్లు సమాచారం. ఈ ఫోన్ 5500 ఎంఏహెచ్ బ్యాటరీని కలిగి ఉంటుంది. ఇది 67 వాట్ ఫాస్ట్ చార్జింగ్, 30 వాట్ వైర్లెస్ చార్జింగ్ సౌకర్యం ఈ ఫోన్ లో ఉంటుంది.
Redmi K60 కెమెరా విభాగం ఎలా ఉందో చూద్దాం. ఇందులో 64ఎంపి ప్రైమరీ కెమెరా, 8ఎంపి అల్ట్రావైడ్ యాంగిల్ కెమెరా, 2ఎంపి మ్యాక్రో కెమెరా ఉంటాయి. సెల్ఫీలు, వీడియో కాల్స్ కోసం 16ఎంపి ఫ్రంట్ కెమెరా ఉంటుంది. మరోవైపు Redmi K60 Pro డివైజ్ 2కే 120 హెర్ట్జ్ డిస్ప్లే, 67 వాట్ ఫాస్ట్ చార్జింగ్, వైర్లెస్ చార్జింగ్ సామర్థ్యంతో వస్తున్నట్లు సమాచారం.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.