ప్రముఖ స్మార్ట్ ఫోన్ కంపెనీ Xiaomi యొక్క సబ్-బ్రాండ్ అయిన రెడ్మీ చైనా మార్కెట్ లో Redmi K60 Ultra (రెడ్మీ కే60 ఎక్స్ట్రిమ్ ఎడిషన్) స్మార్ట్ ఫోన్ ని లాంచ్ చేసింది. చైనాలో జరిగిన లాంచ్ ఈవెంట్ లో ఈ డివైజ్ తో పాటు ఇంకా Xiaomi MIX Fold 3, Pad 6 Max, Band 8 Pro డివైజెస్ లాంచ్ అయ్యాయి. Redmi K60 Ultra విషయానికి వస్తే, ఈ ఫోన్ మెరుగైన ఫీచర్లు, స్పెక్స్ తో వచ్చింది. సరే, ఓసారి Redmi K60 Ultra యొక్క పూర్తి స్పెసిఫికేషన్స్, ధర తదితర వివరాలు తెలుసుకుందాం పదండి.
Redmi K60 Ultra ధర
Redmi K60 Ultra స్మార్ట్ ఫోన్ చైనాలో 5 స్టోరేజీ ఆప్షన్స్ లో లాంచ్ అయ్యింది.
- 12జిబి ర్యామ్ + 256జిబి స్టోరేజీ వేరియంట్ ధర CNY 2599 (సుమారు రూ.30,000) గా ఉంది.
- 16జిబి ర్యామ్ + 256జిబి స్టోరేజీ మోడల్ ధరను CNY 2799 (సుమారు రూ.32,000) గా నిర్ణయించారు.
- 16జిబి ర్యామ్ + 512జిబి స్టోరేజీ వేరియంట్ ధర CNY 2,999 (సుమారు రూ.34,500) గా ఉంది.
- 24జిబి ర్యామ్ + 1టిబి స్టోరేజీ టాప్ మోడల్ ధరను CNY 3599 (సుమారు రూ.41,200) గా నిర్ణయించారు.
- Redmi K60 Ultra స్మార్ట్ ఫోన్ గ్రీన్, బ్లాక్, వైట్ కలర్ ఆప్షన్స్ లో లభిస్తుంది. ఆగస్టు 16 నుంచి ఈ డివైజ్ సేల్ మొదలవుతుంది.
Redmi K60 Ultra స్పెసిఫికేషన్స్
- స్క్రీన్: Redmi K60 Ultra స్మార్ట్ ఫోన్ లో 6.67-ఇంచ్ ఓఎల్ఈడీ డిస్ప్లే, 2712*1220 పిక్సెల్స్ రెజుల్యూషన్, 144 హెర్ట్జ్ రిఫ్రెష్ రేట్, 2600 నిట్స్ పీక్ బ్రైట్నెస్ ఉన్నాయి.
- చిప్సెట్: Redmi K60 Ultra లో మీడియాటెక్ డైమెన్సిటీ 9200+ ప్రాసెసర్ వాడారు. దీంతో పాటు x7 డిస్ప్లే చిప్ ని కూడా అందించారు.
- మెమొరీ: Redmi K60 Ultra లో 24జిబి వరకు ఎల్పీడీడీఆర్5ఎక్స్ ర్యామ్, 1టిబి వరకు యూఎఫ్ఎస్ 4.0 స్టోరేజీ ఉన్నాయి.
- కెమెరా: Redmi K60 Ultra లో ట్రిపుల్ రియర్ కెమెరా సెటప్ ఉంది. ఇందులో 50ఎంపి సోని ఐఎంఎక్స్800 ప్రైమరీ కెమెరా, 8ఎంపి అల్ట్రావైడ్ యాంగిల్ లెన్స్, 2ఎంపి మ్యాక్రో కెమెరా ఉన్నాయి. సెల్ఫీస్, వీడియో కాల్స్ కోసం 20ఎంపి సోని ఐఎంఎక్స్596 సెన్సర్ ని అందించారు.
- బ్యాటరీ: Redmi K60 Ultra డివైజ్ లో పవర్ బ్యాకప్ కోసం 5000 ఎంఏహెచ్ బ్యాటరీ అందించారు. ఇది 120 వాట్ ఫాస్ట్ చార్జింగ్ కి సపోర్ట్ చేస్తుంది.
- డైమెన్షన్స్, వెయిట్: Redmi K60 Ultra డివైజ్ 162.15 మి.మీ పొడవు, 75.7 మి.మీ వెడల్పు, 8.49 మి.మీ మందం, 204 గ్రాముల బరువు ఉంటుంది.
- ఇతర ఫీచర్లు: Redmi K60 Ultra లో డ్యూయల్ సిమ్ 5జీ, బ్లూటూత్ 5.3, వై-ఫై 7, ఐపీ68 రేటింగ్ ఉన్నాయి.