ప్రముఖ స్మార్ట్ఫోన్ బ్రాండ్ Redmi నుంచి కే-సిరీస్ లో ఒక కొత్త ఫోన్ లాంచ్ అయ్యింది. Redmi K70 Ultra పేరుతో వచ్చిన ఈ డివైజ్ చైనా మార్కెట్ లోకి ఎంట్రీ ఇచ్చింది. ఈ ఫోన్ ఎన్నో ఆకట్టుకునే ఫీచర్లతో వచ్చింది. ఈ డివైజ్ లో 6.67-ఇంచ్ అమోలెడ్ స్క్రీన్, 24జిబి వరకు ర్యామ్, 50ఎంపి ట్రిపుల్ రియర్ కెమెరా, ఐపీ68 రేటింగ్, డైమెన్సిటీ చిప్సెట్ వంటి స్పెసిఫికేషన్స్ ఉన్నాయి. ఓసారి ఈ ఫోన్ ధర మరియు పూర్తి స్పెసిఫికేషన్స్ ఎలా ఉన్నాయో తెలుసుకుందాం.
Redmi K70 Ultra ధర, కలర్ ఆప్షన్స్
Redmi K70 Ultra స్మార్ట్ఫోన్ 5 వేరియంట్స్ లో లాంచ్ అయ్యింది. వీటి ధరలు ఎలా ఉన్నాయో చూద్దాం.
Redmi K70 Ultra 12జిబి ర్యామ్ + 256జిబి స్టోరేజీ మోడల్ ధరను 2599 యువాన్లు (సుమారు రూ.29,900) గా పెట్టారు.
Redmi K70 Ultra 12జిబి + 512జిబి వేరియంట్ ధర 2899 యువాన్లు (సుమారు రూ.33,300) గా ఉంది.
Redmi K70 Ultra 16జిబి ర్యామ్ + 512జిబి స్టోరేజీ మోడల్ ధర 3199 యువాన్లు (సుమారు రూ.36,800) గా ఉంది.
Redmi K70 Ultra 16జిబి + 1టిబి వేరియంట్ ధరను 3599 (సుమారు రూ.41,400) గా ఉంది.
Redmi K70 Ultra సుప్రీమ్ చాంపియన్ ఎడిషన్ 24జిబి+1టిబి వేరియంట్ ధరను 3999 యువాన్లు (రూ.46,000) గా ఉంది.
Redmi K70 Ultra డివైజ్ అల్ట్రా బ్లాక్, స్నో వైట్ మరియు ఐస్ బ్లూ కలర్ ఆప్షన్స్ లో లభిస్తుంది. రెడ్మీ కే70 అల్ట్రా సుప్రీమ్ ఎడిషన్ ఆరెంజ్ మరియు గ్రీన్ కలర్స్ లో లభిస్తుంది.
Redmi K70 Ultra స్పెసిఫికేషన్స్
డిస్ప్లే: Redmi K70 Ultra లో 6.67-ఇంచ్ 1.5కే ఓఎల్ఈడీ స్క్రీన్, 144 హెర్ట్జ్ రిఫ్రెష్ రేట్, 2712*1220 పిక్సెల్స్ రెజుల్యూషన్, 480 హెర్ట్జ్ టచ్ శాంప్లింగ్ రేట్, 3840 హెర్ట్జ్ అల్ట్రా హై ఫ్రీక్వెన్సీ పీడబ్ల్యూఎమ్ డిమ్మింగ్, హెచ్డీఆర్10+, డాల్బీ విజన్, షావోమి షీల్డ్ గ్లాస్ ప్రొటెక్షన్ ఉన్నాయి.
ప్రాసెసర్: Redmi K70 Ultra లో మీడియాటెక్ డైమెన్సిటీ 9300+ చిప్సెట్ వాడారు. ఇది 4 నానోమీటర్ ఫ్యాబ్రికేషన్ పై తయారైంది. ఇమ్మోర్టాలిస్-జీ720 జీపీయూ గ్రాఫిక్స్ను ఈ ఫోన్ లో వాడారు.
మెమొరీ: Redmi K70 Ultra డివైజ్ 12జిబి/16జిబి/24జిబి ఎల్పీడీడీఆర్5ఎక్స్ ర్యామ్, 256జిబి/512జిబి/1టిబి యూఎఫ్ఎస్ 4.0 స్టోరేజీ ఆప్షన్స్ లో లభిస్తుంది.
కెమెరా: Redmi K70 Ultra లో ట్రిపుల్ రియర్ కెమెరా సెటప్ ఉంది. ఇందులో 50ఎంపి సోని ఐఎంఎక్స్906 ప్రైమరీ ఓఐఎస్ కెమెరా, 8ఎంపి అల్ట్రావైడ్ లెన్స్, 2ఎంపి మ్యాక్రో కెమెరా ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 20ఎంపి ఫ్రంట్ కెమెరా అందించారు.
బ్యాటరీ: Redmi K70 Ultra లో పవర్ బ్యాకప్ కోసం 5500 ఎంఏహెచ్ బ్యాటరీ ఇచ్చారు. ఇది 120 వాట్ ఫాస్ట్ చార్జింగ్ కి సపోర్ట్ చేస్తుంది.
సాఫ్ట్వేర్: Redmi K70 Ultra డివైజ్ ఆండ్రాయిడ్ 14 ఓఎస్ ఆధారిత హైపర్ఓఎస్ కస్టమ్ స్కిన్ పై పని చేస్తుంది.
కనెక్టివిటీ: Redmi K70 Ultra లో డ్యూయల్ సిమ్, 5జీ, 4జీ, బ్లూటూత్ 5.4, వై-ఫై 7, 5జీ ఎస్ఏ/ఎన్ఎస్ఏ, డాల్బీ అట్మాస్, ఐపీ68 రేటింగ్, హై-రెజ్ ఆడియో వంటి ఆప్షన్స్ ఉన్నాయి.
బరువు, చుట్టుకొలత: Redmi K70 Ultra డివైజ్ 160.38 మి.మీ పొడవు, 75.14 మి.మీ వెడల్పు, 8.39 మి.మీ మందం, 211 గ్రాముల బరువు ఉంటుంది.