Xiaomi సబ్-బ్రాండ్ Redmi నుంచి త్వరలో K70 సిరీస్ లాంచ్ కానుంది. ఈ లైనప్ లో Redmi K70, Redmi K70 Ultra అనే ఫోన్లు మార్కెట్ లోకి రానున్నాయి. Redmi K70 Ultra డివైజ్ గ్లోబల్గా Xiaomi 14T Pro పేరుతో లాంచ్ అయ్యే అవకాశం ఉంది. తాజాగా ఈ ఫోన్ చైనాకు చెందిన సర్టిఫికేషన్ వెబ్సైట్ 3సీ పై లిస్ట్ అయ్యింది. ఓసారి ఆ వివరాలు తెలుసుకుందాం పదండి.
Redmi K70 Ultra 3సీ లిస్టింగ్
Redmi K70 Ultra స్మార్ట్ఫోన్ 3సీ లిస్టింగ్ పై 2407FRK8EC అనే మోడల్ నంబర్ తో లిస్ట్ అయ్యింది. ఒక రిపోర్ట్ ప్రకారం, కే70 అల్ట్రా గ్లోబల్ మార్కెట్స్ లో షావోమి 14టీ ప్రో పేరుతో లాంచ్ కానుందని తెలుస్తోంది.
Redmi K70 Ultra యొక్క 3సీ సర్టిఫికేషన్ లిస్టింగ్ ద్వారా MDY-14-ED, MDY-160EB మోడల్ నంబర్లు గల చార్జర్స్ రివీల్ అయ్యాయి. ఈ చార్జర్లు 15వాట్, 27 వాట్, 66 వాట్, 120 వాట్ పవర్ ఔట్పుట్ కి సపోర్ట్ చేస్తాయి. అంటే త్వరలో లాంచ్ కాబోయే ఈ ఫోన్ 120 వాట్ ఫాస్ట్ చార్జింగ్ సపోర్ట్ తో రానుందని అర్థమవుతోంది.
Redmi K70 Ultra డివైజ్ rothko అనే కోడ్ నేమ్ కలిగి ఉందని భావిస్తున్నారు. అలాగే ఈ స్మార్ట్ఫోన్ మీడియాటెక్ డైమెన్సిటీ 9300 చిప్సెట్ తో వస్తున్నట్లు సమాచారం. ఇది 4 నానోమీటర్ ఫ్యాబ్రికేషన్ పై తయారైన చిప్సెట్. దీంతో పాటు మాలి-జీ720 ఇమ్మోర్టాలిస్ ఎంపీ12 జీపీయూ గ్రాఫిక్స్ ని జత చేయనున్నారు.
Redmi K70 Ultra స్మార్ట్ఫోన్ 24జిబి వరకు ఎల్పీడీడీఆర్5టీ ర్యామ్, 1టిబి వరకు యూఎఫ్ఎస్ 4.1 స్టోరేజీ, 144 హెర్ట్జ్ రిఫ్రెష్ రేట్, 5000 ఎంఏహెచ్ బ్యాటరీతో రానుందని అంచనా వేస్తున్నారు.
Redmi K70 Ultra స్మార్ట్ఫోన్ గతేడాది వచ్చిన కే60 అల్ట్రాకి సక్సెసర్గా వస్తోంది.
Redmi K60 Ultra స్పెసిఫికేషన్స్
స్క్రీన్: Redmi K60 Ultra స్మార్ట్ ఫోన్ లో 6.67-ఇంచ్ ఓఎల్ఈడీ డిస్ప్లే, 2712*1220 పిక్సెల్స్ రెజుల్యూషన్, 144 హెర్ట్జ్ రిఫ్రెష్ రేట్, 2600 నిట్స్ పీక్ బ్రైట్నెస్ ఉన్నాయి.
చిప్సెట్: Redmi K60 Ultra లో మీడియాటెక్ డైమెన్సిటీ 9200+ ప్రాసెసర్ వాడారు. దీంతో పాటు x7 డిస్ప్లే చిప్ ని కూడా అందించారు.
మెమొరీ: Redmi K60 Ultra లో 24జిబి వరకు ఎల్పీడీడీఆర్5ఎక్స్ ర్యామ్, 1టిబి వరకు యూఎఫ్ఎస్ 4.0 స్టోరేజీ ఉన్నాయి.
కెమెరా: Redmi K60 Ultra లో ట్రిపుల్ రియర్ కెమెరా సెటప్ ఉంది. ఇందులో 50ఎంపి సోని ఐఎంఎక్స్800 ప్రైమరీ కెమెరా, 8ఎంపి అల్ట్రావైడ్ యాంగిల్ లెన్స్, 2ఎంపి మ్యాక్రో కెమెరా ఉన్నాయి. సెల్ఫీస్, వీడియో కాల్స్ కోసం 20ఎంపి సోని ఐఎంఎక్స్596 సెన్సర్ ని అందించారు.
బ్యాటరీ: Redmi K60 Ultra డివైజ్ లో పవర్ బ్యాకప్ కోసం 5000 ఎంఏహెచ్ బ్యాటరీ అందించారు. ఇది 120 వాట్ ఫాస్ట్ చార్జింగ్ కి సపోర్ట్ చేస్తుంది.
డైమెన్షన్స్, వెయిట్: Redmi K60 Ultra డివైజ్ 162.15 మి.మీ పొడవు, 75.7 మి.మీ వెడల్పు, 8.49 మి.మీ మందం, 204 గ్రాముల బరువు ఉంటుంది.
ఇతర ఫీచర్లు: Redmi K60 Ultra లో డ్యూయల్ సిమ్ 5జీ, బ్లూటూత్ 5.3, వై-ఫై 7, ఐపీ68 రేటింగ్ ఉన్నాయి.