హైలైట్స్
- భారత మార్కెట్ లో లాంచైన Redmi Note 12 5G
- 6.67-ఇంచ్ సూపర్ అమోలెడ్ డిస్ప్లే, డీసీఐ-పీ3 కలర్ గేముత్, స్నాప్ డ్రాగన్ 4 జెన్ 1 చిప్సెట్ తో వచ్చిన Redmi Note 12 5G
- భారత్ లో Redmi Note 12 5G ప్రారంభ ధర రూ.17,999
భారత్ లో నేడు Redmi Note 12 సిరీస్ లాంచ్ అయ్యింది. ఈ లైనప్ లో Redmi Note 12 5G, Redmi Note 12 Pro, Redmi Note 12 Pro+ ఫోన్లు ఉన్నాయి. రెడ్మీ నోట్ 11 సిరీస్ కి సక్సెసర్ గా నోట్ 12 సిరీస్ మార్కెట్ లోకి వచ్చింది. నోట్ 12 సిరీస్ లో మరికొన్ని మోడల్స్ ని లాంచ్ చేసేందుకు ప్లాన్ చేస్తున్నట్లు కంపెనీ వెల్లడించింది.
బేస్ వేరియంట్ అయిన Redmi Note 12 5G గురించి మాట్లాడితే, ఇది 6.67-ఇంచ్ సూపర్ అమోలెడ్ డిస్ప్లే, 120 హెర్ట్జ్ రిఫ్రెష్ రేట్, 240 హెర్ట్జ్ టచ్ శాంప్లింగ్ రేట్, 100 పర్సెంట్ డీసీఐ-పీ3 కలర్ గేముత్, 1200 నిట్స్ పీక్ బ్రైట్నెస్ తో వచ్చింది. సరే, ఓసారి Redmi Note 12 5G యొక్క పూర్తి స్పెసిఫికేషన్స్, ధర మరియు ఇతర వివరాల గురించి తెలుసుకుందాం.
Redmi Note 12 5G స్పెసిఫికేషన్స్
Redmi Note 12 5G స్మార్ట్ ఫోన్ లో 6.67-ఇంచ్ శాంసంగ్ జీఓఎల్ఈడీ ఫుల్ హెచ్డీ+ డిస్ప్లే, 120 హెర్ట్జ్ రిఫ్రెష్ రేట్, 240 హెర్ట్జ్ టచ్ శాంప్లింగ్ రేట్, 1200 నిట్స్ పీక్ బ్రైట్నెస్ ఉన్నాయి. ఈ ఫోన్ లో 5000 ఎంఏహెచ్ బ్యాటరీ ఉంది. ఇది 33 వాట్ ఫాస్ట్ చార్జింగ్ కి సపోర్ట్ చేస్తుంది. ఆండ్రాయిడ్ 12 ఆధారిత ఎంఐయూఐ కస్టమ్ స్కిన్ పై ఈ ఫోన్ పని చేస్తుంది.
Redmi Note 12 5G స్మార్ట్ ఫోన్ లో 8జిబి వరకు ఎల్పీడీడీఆర్4ఎక్స్ ర్యామ్, 256జిబి వరకు యూఎఫ్ఎస్ 2.2 స్టోరేజీ అందించారు. ఈ డివైజ్ లో స్నాప్ డ్రాగన్ 4 జెన్ 1 ప్రాసెసర్ వాడారు. 5జీ, 4జీ, డ్యూయల్ సిమ్, బ్లూటూత్, వై-ఫై, జీపీఎస్ వంటి బేసిక్ కనెక్టివిటీ ఫీచర్లు ఈ ఫోన్ లో ఉన్నాయి. ఇప్పుడు ఈ ఫోన్ యొక్క కెమెరా విభాగం గురించి తెలుసుకుందాం.
Redmi Note 12 5G లో ట్రిపుల్ రియర్ కెమెరా సెటప్ ఉంది. ఇందులో 48ఎంపి మెయిన్ కెమెరా, 8ఎంపి అల్ట్రావైడ్ యాంగిల్ లెన్స్, 2ఎంపి మ్యాక్రో సెన్సర్ ఉన్నాయి. సెల్ఫీలు, వీడియో కాల్స్ కోసం 13 మెగా పిక్సెల్ ఫ్రంట్ కెమెరా అందించారు.
Redmi Note 12 5G ధర
Redmi Note 12 5G స్మార్ట్ ఫోన్ 4జిబి ర్యామ్ + 128జిబి స్టోరేజీ ధర రూ.17,999 గా ఉంది. 6జిబి ర్యామ్ + 128జిబి స్టోరేజీ ధర రూ.19,999 గా ఉంది. ఐసీఐసీఐ బ్యాంక్ కార్డ్స్ లేదా ఈఎంఐ ద్వారా జరిపే కొనుగోళ్ళపై షావోమి రూ.1,500 వరకు డిస్కౌంట్ ఆఫర్ చేస్తోంది. ఫస్ట్ సేల్ జనవరి 11 వ తేదీన మధ్యాహ్నం 12 గంటలకు ఎంఐ.కామ్, ఎంఐ హోమ్ స్టోర్స్, అమెజాన్ ఇండియా మరియు రిటైల్ స్టోర్స్ ద్వారా మొదలవుతుంది. ఈ ఫోన్ మ్యాట్ బ్లాక్, మిస్టిక్ బ్లూ మరియు ఫ్రాస్టెడ్ గ్రీన్ కలర్ ఆప్షన్స్ లో లభిస్తుంది.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
