హైలైట్స్
- పోకో స్మార్ట్ ఫోన్ గా రానున్న Redmi Note 12 5G
- లాంచ్ కి ముందు బీఐఎస్ వెబ్సైట్ పై కనిపించిన Redmi Note 12 5G
- స్నాప్ డ్రాగన్ 4 జెన్ 1 చిప్ ని కలిగి ఉన్న Redmi Note 12 5G
షావోమీ ఇటీవలె Redmi Note 12 సిరీస్ ని చైనాలో లాంచ్ చేసింది. ఈ లైనప్ లో మొత్తం నాలుగు డివైజెస్ ఉంటాయి. అవి: Redmi Note 12 5G, Redmi Note 12 5G Pro, Redmi Note 12 Pro+, Redmi Note 12 Explorer Edition. వీటిలో Redmi Note 12 Pro+ 5G భారత్ లో Xiaomi 12i HyperCharge పేరుతో లాంచ్ కానుందని సమాచారం. అయితే దీనిపై షావోమీ నుంచి ఎటువంటి ప్రకటన రాలేదు. ఇక దీని భారత వేరియంట్ బ్యూరో ఆఫ్ ఇండియన్ స్టాండర్డ్స్ (BIS) పై 22101316UP అనే మోడల్ నంబర్ తో కనిపించింది. అలాగే మరొక నోట్ 12 సిరీస్ ఫోన్ కూడా రీబ్రాండ్ అయి లాంచ్ కానుందని సమాచారం. Redmi Note 12 5G భారత్ లో POCO బ్రాండింగ్ తో ఎంట్రీ ఇవ్వనుందని వార్తలు వినిపిస్తున్నాయి.
ఈ నెలలో Redmi Note 12 5G స్మార్ట్ ఫోన్ POCO ఫోన్ గా భారత్ లో లాంచ్ అయ్యే అవకాశం ఉంది. చైనాలో లాంచ్ అయిన Redmi Note 12 5G యొక్క మోడల్ నంబర్ 22101317C గా ఉంది. M17 దీని కుదింపబడిన మోడల్ నంబర్. భారత్ లో పోకో ఫోన్ గా లాంచ్ అవ్వనున్న Redmi Note 12 5G స్మార్ట్ ఫోన్ బీఐఎస్ డేటాబేస్ పై కనిపించింది. ఈ POCO ఫోన్ 22111317PI అనే మోడల్ నంబర్ తో కనిపించింది. ఈ మోడల్ నంబర్ కి చైనా వర్షన్ నంబర్ కి తేడా ఉంది. కానీ, షార్ట్ వర్షన్ మోడల్ నంబర్ మాత్రం ఒకే విధంగా ఉంది.
Redmi Note 12 5G స్పెసిఫికేషన్స్
Redmi Note 12 5G స్మార్ట్ ఫోన్ 6.67-ఇంచ్ ఫుల్ హెచ్డీ+ ఓఎల్ఈడీ డిస్ప్లే, 120 హెర్ట్జ్ రిఫ్రెష్ రేట్, 1200 నిట్స్ పీక్ బ్రైట్నెస్ ని కలిగి ఉంది. ఫ్లాట్ స్క్రీన్, హోల్ పంచ్ కౌటౌట్ ని గమనించవచ్చు. ఈ ఫోన్ లో స్నాప్ డ్రాగన్ 4 జెన్ 1 చిప్సెట్ అమర్చారు. Redmi Note 12 5G లో 5000 ఎంఏహెచ్ బ్యాటరీ ఉంది. ఇది 33 వాట్ ఫాస్ట్ చార్జింగ్ కి సపోర్ట్ చేస్తుంది.
ఇప్పుడు Redmi Note 12 5G యొక్క కెమెరా విభాగం గురించి తెలుసుకుందాం. ఈ ఫోన్ లో 48 మెగా పిక్సెల్ మెయిన్ కెమెరా, 2 మెగా పిక్సెల్ డెప్త్ సెన్సర్ ఉన్నాయి. Redmi Note 12 5G లో 8 మెగా పిక్సెల్ ఫ్రంట్ కెమెరా అందించారు. ఈ డివైజ్ ఆండ్రాయిడ్ 12 ఓఎస్ ఆధారిత ఎంఐయూఐ 13 కస్టమ్ స్కిన్ పై పని చేస్తుంది.
షావోమీ Redmi Note 12 5G స్మార్ట్ ఫోన్ ని చైనాలో CNY 1199 (రూ.13,600) ధరతో లాంచ్ చేసింది. ఈ ఫోన్ బేస్ మోడల్ 4జిబి ర్యామ్, 128జిబి స్టోరేజీ తో లాంచ్ అయ్యింది. ఈ డివైజ్ 6జిబి ర్యామ్ + 128జిబి స్టోరేజీ, 8జిబి ర్యామ్ + 128జిబి స్టోరేజీ, 8జిబి ర్యామ్ + 256జిబి స్టోరేజీ ఆప్షన్స్ లో కూడా లభిస్తుంది. భారత్ లో 8జిబి ర్యామ్ ఆప్షన్ లో లాంచ్ అయ్యే అవకాశం ఉంది. Redmi Note 12 5G వైట్, బ్లూ, బ్లాక్ కలర్ ఆప్షన్స్ లో లభిస్తోంది. ఈ ఫోన్ 188 గ్రాముల బరువు, 7.98 మిల్లీ మీటర్ల మందం ఉంటుంది.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
