హైలైట్స్
- రేపు భారత్ లో లాంచ్ అవుతోన్న Redmi Note 12 సిరీస్, ఎంతగానో వేచి చూస్తోన్న రెడ్మీ లవర్స్
- ఈ లైనప్ లో లాంచ్ కానున్న Redmi Note 12, Redmi Note 12 Pro, Redmi Note 12 Pro+
- 200 మెగా పిక్సెల్ కెమెరా, 120 వాట్ హైపర్ చార్జింగ్ ఈ సిరీస్ ప్రత్యేకతలు
భారతదేశంలోని రెడ్మీ ఫ్యాన్స్ రేపు (జనవరి 5) లాంచ్ కాబోవు Redmi Note 12 సిరీస్ లాంచ్ కోసం ఎదురు చూస్తున్నారు. ఈ సిరీస్ లో మొత్తం మూడు డివైజెస్ లాంచ్ అవుతున్నాయి. అవి: Redmi Note 12 5G, Redmi Note 12 Pro, Redmi Note 12 Pro+. ఈ మూడు ఫోన్లు విభిన్న బడ్జెట్ శ్రేణుల్లో లాంచ్ అవుతున్నాయి. వీటి ధరలు దాదాపు అందరికీ అందుబాటులోనే ఉంటాయని చెప్పవచ్చు.
200 మెగాపిక్సెల్ శాంసంగ్ సెన్సర్ తో వస్తోన్న Redmi Note 12 Pro+ ధర ఈ మూడింట్లో కెల్లా ఎక్కువగా ఉండనుంది. అందరి చూపు ప్రధానంగా ఈ ఫోన్ పైనే ఉంది. తక్కువ బడ్జెట్ లో మంచి ఫీచర్లున్న ఫోన్ కొనాలనుకునే వారికి ఈ టాప్ ఎండ్ ఫోన్ చక్కటి ఆప్షన్ గా నిలవనుంది. Flipkart ద్వారా ఈ ఫోన్లను కొనుగోలు చేయవచ్చు.
రెడ్మీ నోట్ 12 సిరీస్ ఫోన్ ఎందుకు సరైన ఎంపిక అవుతుంది?
ఎందుకంటే తక్కువ బడ్జెట్ లో ఎక్కువ ఫీచర్లను అందించే బ్రాండ్ గా రెడ్మీకి పేరుంది. షావోమి కంపెనీ రెడ్మీ బ్రాండ్ పై తక్కువ ధరలో ఫ్లాగ్షిప్ స్థాయి ఫీచర్లున్న ఫోన్లను తీసుకొస్తుంటుంది. అందుకోసమే ప్రత్యేకించి రెడ్మీ ఫోన్లకు జనాల్లో మాంచి గిరాకీ ఉంటుంది. ఇప్పుడు రాబోవు Redmi Note 12 సిరీస్ కూడా సూపర్బ్ ఫీచర్లతో వస్తుండటంతో జనాల కన్ను ఈ ఫోన్లపై పడింది. ఎప్పుడు లాంచ్ అవుతుందా, ఎప్పుడు కొందామా అని ఎదురు చూస్తున్నారు.
రెడ్మీ నోట్ 12 సిరీస్ స్పెసిఫికేషన్స్
Redmi Note 12 5G: Redmi Note 12 5G స్మార్ట్ ఫోన్ లో 6.67-ఇంచ్ శాంసంగ్ జీఓఎల్ఈడీ ఫుల్ హెచ్డీ+ డిస్ప్లే, 120 హెర్ట్జ్ రిఫ్రెష్ రేట్, 240 హెర్ట్జ్ టచ్ శాంప్లింగ్ రేట్, 1200 నిట్స్ పీక్ బ్రైట్నెస్ ఉన్నాయి. ఈ ఫోన్ లో 5000 ఎంఏహెచ్ బ్యాటరీ ఉంది. ఇది 33 వాట్ ఫాస్ట్ చార్జింగ్ కి సపోర్ట్ చేస్తుంది. ఆండ్రాయిడ్ 12 ఆధారిత ఎంఐయూఐ కస్టమ్ స్కిన్ పై ఈ ఫోన్ పని చేస్తుంది. ఈ ఫోన్ లో స్నాప్ డ్రాగన్ 4 జెన్ 1 చిప్ వాడారు.
5జీ, 4జీ, బ్లూటూత్, వై-ఫై, డ్యూయల్ సిమ్, జీపీఎస్ వంటి కనెక్టివిటీ ఫీచర్లు ఈ ఫోన్ లో ఉన్నాయి. 5000 ఎంఏహెచ్ బ్యాటరీ, 33 వాట్ ఫాస్ట్ చార్జింగ్ తో ఈ ఫోన్ వస్తోంది. ఈ ఫోన్ లో 48ఎంపి+2ఎంపి రియర్ కెమెరా, 8ఎంపి ఫ్రంట్ కెమెరా ఉంటాయి. ఈ ఫోన్ ధర రూ.14,000 నుంచి రూ.20,000 మధ్యలో ఉంటుంది.
Redmi Note 12 Pro: ఈ ఫోన్ స్నాప్ డ్రాగన్ 778జి చిప్సెట్ ని కల్గి ఉంటుంది. ఇందులో 6.67-ఇంచ్ ఫుల్ హెచ్డీ+ ఓఎల్ఈడీ డిస్ప్లే, 120 హెర్ట్జ్ రిఫ్రెష్ రేట్, 240 హెర్ట్జ్ టచ్ శాంప్లింగ్ రేట్ ఉంటాయి. ఈ ఫోన్ లో 5000 ఎంఏహెచ్ బ్యాటరీ, 67 వాట్ ఫాస్ట్ చార్జింగ్, ఎన్ఎఫ్సీ, బ్లూటూత్, వై-ఫై, 108ఎంపి మెయిన్ కెమెరా, 8ఎంపి వైడ్ యాంగిల్ కెమెరా, 2ఎంపి మ్యాక్రో కెమెరా, 16ఎంపి ఫ్రంట్ కెమెరా ఉన్నాయి. ఈ ఫోన్ ధర రూ.20,000 నుంచి రూ.24,000 మధ్య ఉంటుంది.
Redmi Note 12 Pro+: ఈ డివైజ్ లో 6.67-ఇంచ్ ఫుల్ హెచ్డీ+ ఓఎల్ఈడీ డిస్ప్లే, 120 హెర్ట్జ్ రిఫ్రెష్ రేట్, 240 హెర్ట్జ్ టచ్ శాంప్లింగ్ రేట్, డాల్బి విజన్, హెచ్డీఆర్ 10+, 900 నిట్స్ పీక్ బ్రైట్నెస్ ఉంటాయి. ఈ డివైజ్ లో మీడియాటెక్ డైమెన్సిటీ 1080 చిప్సెట్ వాడారు. 200ఎంపి మెయిన్ కెమెరా, 8ఎంపి అల్ట్రావైడ్ కెమెరా, 2 ఎంపి మ్యాక్రో లెన్స్, 16ఎంపి ఫ్రంట్ కెమెరా ఈ ఫోన్ లో ఉంటాయి.
5000 ఎంఏహెచ్ బ్యాటరీ, 120 వాట్ ఫాస్ట్ చార్జింగ్ ఈ ఫోన్ లో ఉంటాయి. ఈ ఫోన్ ధర 24,999 నుంచి ప్రారంభమవుతుంది.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.