షావోమి సబ్-బ్రాండ్ రెడ్మీ తన కొత్త స్మార్ట్ ఫోన్ Redmi Note 12R ని హోమ్ మార్కెట్ చైనాలో లాంచ్ చేసింది. ఇది క్వాల్కమ్ స్నాప్ డ్రాగన్ 4 జెన్ 2 చిప్ తో వచ్చిన ప్రపంచపు తొలి స్మార్ట్ ఫోన్. క్వాల్కమ్ సంస్థ ఇటీవలె స్నాప్ డ్రాగన్ 4 జెన్ 2 చిప్ ని లాంచ్ చేసింది. ఇకపోతే Redmi Note 12R డివైజ్ 8జిబి ర్యామ్, 256జిబి స్టోరేజీ, 18 వాట్ ఫాస్ట్ చార్జింగ్, 5000 ఎంఏహెచ్ బ్యాటరీతో మార్కెట్ లోకి ఎంట్రీ ఇచ్చింది. సరే, ఓసారి Redmi Note 12R స్మార్ట్ ఫోన్ విశేషాలేంటో తెలుసుకుందాం.
Redmi Note 12R స్పెసిఫికేషన్స్
- 6.79-ఇంచ్ ఫుల్ హెచ్డీ+ డిస్ప్లే
- 90హెర్ట్జ్ రిఫ్రెష్ రేట్
- 8జిబి ర్యామ్ + 256జిబి స్టోరేజీ
- 50ఎంపి రియర్ కెమెరా
- 18వాట్ చార్జింగ్
- 5000mAh బ్యాటరీ
డిస్ప్లే: Redmi Note 12R స్మార్ట్ ఫోన్ లో 6.79-ఇంచ్ డిస్ప్లే, పంచ్-హోల్ కటౌట్, ఫుల్ హెచ్డీ+ రెజుల్యూషన్, ఐపీఎస్ ఎల్సీడీ ప్యానెల్, 90 హెర్ట్జ్ రిఫ్రెష్ రేట్ ఉంటాయి.
ప్రాసెసర్: Redmi Note 12R స్మార్ట్ ఫోన్ లో క్వాల్కమ్ స్నాప్ డ్రాగన్ 4 జెన్ 2 చిప్సెట్ వాడారు. ఇది 4 నానోమీటర్ ప్రాసెస్ పై తయారైన ఆక్టా-కోర్ ప్రాసెసర్. ఈ చిప్ 2.2 గిగాహెర్ట్జ్ క్లాక్ స్పీడ్ కలిగి ఉంటుంది.
మెమొరీ: Redmi Note 12R స్మార్ట్ ఫోన్ మూడు వేరియంట్స్ చైనాలో లాంచ్ అయ్యాయి. ఇందులో 4జిబి ర్యామ్, 6జిబి ర్యామ్, 8జిబి ర్యామ్ మోడల్స్ ఉన్నాయి. ఈ మూడు ఫోన్లు కూడా 128జిబి మరియు 256జిబి స్టోరేజీ ఆప్షన్స్ లో అందుబాటులో ఉంటాయి.
కెమెరా: Redmi Note 12R స్మార్ట్ ఫోన్ లో డ్యూయల్ రియర్ కెమెరా సెటప్ ఉంటుంది. ఇందులో 50ఎంపి ప్రైమరీ కెమెరా, 2ఎంపి మ్యాక్రో లెన్స్ ఉంటాయి. సెల్ఫీస్, వీడియో కాల్స్ కోసం ఈ ఫోన్ లో 5ఎంపి కెమెరా అందించారు.
బ్యాటరీ: Redmi Note 12R స్మార్ట్ ఫోన్ లో పవర్ బ్యాకప్ కోసం 5000 ఎంఏహెచ్ బ్యాటరీ ఉంది. ఇది 18 వాట్ ఫాస్ట్ చార్జింగ్ కి సపోర్ట్ చేస్తుంది.
Redmi Note 12R ధర
Redmi Note 12R స్మార్ట్ ఫోన్ చైనాలో 4 వేరియంట్స్ లో లాంచ్ అయ్యింది. బేస్ వేరియంట్ అయిన 4జిబి ర్యామ్ + 128జిబి స్టోరేజీ మోడల్ ధర CNY 999 (సుమారు రూ.11,300) గా ఉంది. 6జిబి+128జిబి వేరియంట్ ధర CNY 1099 (సుమారు రూ.12,400), 8జిబి + 256జిబి వేరియంట్ ధర CNY 1799 (సుమారు రూ.20,300) గా ఉంది.