షావోమి సబ్-బ్రాండ్ Redmi త్వరలో Redmi Note 13 5G డివైజ్ ని భారత్ లో లాంచ్ చేయనుంది. ఇటీవలె రెడ్మీ సంస్థ చైనాలో Note 13 సిరీస్ ని విడుదల చేసింది. భారత్ లోని రెడ్మీ లవర్స్ Redmi Note 13 సిరీస్ లాంచ్ కోసం ఆసక్తిగా ఎదురు చూస్తున్నారు. ఈ సమయంలో Redmi Note 13 5G డివైజ్ బ్యూరో ఆఫ్ ఇండియన్ స్టాండర్డ్స్ (బీఐఎస్) వెబ్సైట్ పై లిస్టైంది. ఓసారి ఆ విశేషాలేంటో తెలుసుకుందాం పదండి.
Redmi Note 13 5G బీఐఎస్, ఎన్బీటీసీ లిస్టింగ్
- Redmi Note 13 5G బీఐఎస్ సర్టిఫికేషన్ సైట్ పై 2312DRAABI అనే మోడల్ నంబర్ తో లిస్టైంది.
- బీఐఎస్ సర్టిఫికేషన్ ద్వారా మరే ఇతర వివరాలు వెల్లడి కాలేదు. అయితే Redmi Note 13 5G డివైజ్ త్వరలోనే భారత మార్కెట్ లో లాంచ్ అవుతుందని ఈ లిస్టింగ్ తెలియజేస్తోంది.
- ఇక ఎన్బీటీసీ సర్టిఫికేషన్ పై కూడా Redmi Note 13 5G లిస్టైంది. ఈ లిస్టింగ్ ద్వారా 5జీ సపోర్ట్ కన్ఫర్మ్ అయ్యింది.
- 2312DRAABG అనే మోడల్ నంబర్ తో ఎన్బీటీసీ సైట్ పై Redmi Note 13 5G డివైజ్ లిస్టైంది. ఈ మోడల్ నంబర్ గ్లోబల్ లాంచ్ ని సూచిస్తోంది.
- మోడల్ నంబర్ మరియు పేరు తప్పా.. మరే ఇతర స్పెసిఫికేషన్స్ ఎన్బీటీసీ సర్టిఫికేషన్ ద్వారా బయటకు రాలేదు. Redmi Note 13 5G చైనా వేరియంట్ యొక్క స్పెసిఫికేషన్స్ ఎలా ఉన్నాయో తెలుసుకుందాం పదండి.
Redmi Note 13 5G స్పెసిఫికేషన్స్ (చైనా)
- స్క్రీన్: Redmi Note 13 5G లో 6.67-ఇంచ్ అమోలెడ్ డిస్ప్లే, 120 హెర్ట్జ్ రిఫ్రెష్ రేట్, 1000 నిట్స్ బ్రైట్నెస్, 1920 హెర్ట్జ్ పీడబ్ల్యూఎమ్ డిమ్మింగ్, 10-బిట్ కలర్ డెప్త్, కార్నింగ్ గొరిల్లా గ్లాస్ 5 ఉన్నాయి.
- ప్రాసెసర్: Redmi Note 13 5G లో మీడియాటెక్ డైమెన్సిటీ 6080 చిప్సెట్ వాడారు. గ్రాఫిక్స్ కోసం మాలి-జీ57 ఎంసీ2 జీపీయూ వినియోగించారు.
- మెమొరీ: Redmi Note 13 5G డివైజ్ 12జిబి వరకు ర్యామ్, 256జిబి వరకు స్టోరేజీకి సపోర్ట్ చేస్తుంది.
- కెమెరా: Redmi Note 13 5G లో డ్యూయల్ రియర్ కెమెరా సెటప్ ఉంది. ఇందులో 100ఎంపి ప్రైమరీ కెమెరా, 2ఎంపి డెప్త్ సెన్సర్ ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 16ఎంపి ఫ్రంట్ కెమెరా ఉంది.
- బ్యాటరీ, చార్జింగ్: Redmi Note 13 5G లో పవర్ బ్యాకప్ కోసం ఈ ఫోన్ లో 5,000 ఎంఏహెచ్ బ్యాటరీ అందించారు. ఇది 33 వాట్ ఫాస్ట్ చార్జింగ్ కి సపోర్ట్ చేస్తుంది.
- ఓఎస్: Redmi Note 13 5G డివైజ్ ఆండ్రాయిడ్ 13 ఓఎస్ ఆధారిత ఎంఐయూఐ 14 కస్టమ్ స్కిన్ పై పని చేస్తుంది.
- ఇతర ఫీచర్లు: Redmi Note 13 5G లో డ్యూయల్ సిమ్, 5జీ, 4జీ, వై-ఫై, బ్లూటూత్ 5.3, జీపీఎస్ ఉన్నాయి.