రెడ్మీ నోట్ సిరీస్ కి భారతీయ మార్కెట్ లో ఎంతో డిమాండ్ ఉంది. నోట్ సిరీస్ లో కొత్త ఫోన్లు ఎప్పుడు లాంచ్ అవుతాయానని రెడ్మీ లవర్స్ ఎదురు చూస్తుంటారు. ఇప్పుడు భారతీయ వినియోగదారులు కూడా Redmi Note 13 Pro సిరీస్ కోసం వేచి చూస్తున్నారు. ఈ లైనప్ లో Redmi Note 13 Pro మరియు Redmi Note 13 Pro+ డివైజెస్ లాంచ్ కానున్నాయి. తాజాగా Redmi Note 13 Pro సిరీస్ టీడీఆర్ఏ సర్టిఫికేషన్ పై లిస్ట్ అయ్యింది. దీంతో గ్లోబల్ లాంచ్ త్వరలోనే ఉంటుందని అర్థమవుతోంది.
Redmi Note 13 Pro, Redmi Note 13 Pro+ సర్టిఫికేషన్ వివరాలు
- Redmi Note 13 Pro, Redmi Note 13 Pro+ స్మార్ట్ఫోన్లు టీడీఆర్ఏ సర్టిఫికేషన్ పొందాయి.
- Redmi Note 13 Pro డివైజ్ 231DRA50G అనే మోడల్ నంబర్ కలిగి ఉంది. మరోవైపు, Redmi Note 13 Pro+ ఫోన్ 23090RA98G అనే మోడల్ నంబర్ తో టీడీఆర్ఏ సైట్ లో లిస్ట్ అయ్యింది.
- ఈ మోడల్ నంబర్స్ లో కనిపిస్తోన్న G అక్షరం గ్లోబల్ మోడల్ అని తెలియజేస్తుంది. అంటే ఈ రెండు ఫోన్లు కూడా గ్లోబల్ మార్కెట్ లోకి త్వరలోనే ఎంట్రీ ఇవ్వబోతున్నాయి.
Redmi Note 13 Pro, Redmi Note 13 Pro+ స్పెసిఫికేషన్స్
- డిస్ప్లే: Redmi Note 13 Pro, Redmi Note 13 Pro+ డివైజెస్ లో 6.67-ఇంచ్ 1.5కే ఫుల్ హెచ్డీ+ అమోలెడ్ స్క్రీన్, 120 హెర్ట్జ్ రిఫ్రెష్ రేట్, 1,800 నిట్స్ పీక్ బ్రైట్నెస్, కార్నింగ్ గొరిల్లా గ్లాస్ ఉన్నాయి.
- ప్రాసెసర్: Redmi Note 13 Pro+ లో మీడియాటెక్ డైమెన్సిటీ 7200 అల్ట్రా చిప్సెట్ వాడారు. Redmi Note 13 Pro లో స్నాప్ డ్రాగన్ 7 జెన్ 2 చిప్ వాడారు.
- ర్యామ్, స్టోరేజీ: Redmi Note 13 Pro+ డివైజ్ 16జిబి వరకు ర్యామ్, 512జిబి వరకు స్టోరేజీని ఆఫర్ చేస్తుంది. మరోవైపు, Redmi Note 13 Pro డివైజ్ 16జిబి వరకు ర్యామ్, 512జిబి వరకు స్టోరేజీని ఆఫర్ చేస్తుంది.
- కెమెరా: Redmi Note 13 Pro మరియు Redmi Note 13 Pro+ డివైజెస్ లో 200ఎంపి శాంసంగ్ ఐసోసెల్ హెచ్పీ3 ప్రైమరీ ఓఐఎస్ కెమెరా, 8ఎంపి అల్ట్రావైడ్ యాంగిల్ లెన్స్, 2ఎంపి మ్యాక్రో కెమెరా ఉన్నాయి. సెల్ఫీస్, వీడియో కాల్స్ కోసం వీటిలో 16ఎంపి ఫ్రంట్ కెమెరా అందించారు.
- బ్యాటరీ: Redmi Note 13 Pro+ లో పవర్ బ్యాకప్ కోసం 5,000 ఎంఏహెచ్ బ్యాటరీ ఉంది. ఇది 120 వాట్ ఫాస్ట్ చార్జింగ్ కి సపోర్ట్ చేస్తుంది. Redmi Note 13 Pro డివైజ్ లో పవర్ బ్యాకప్ కోసం 5,100 ఎంఏహెచ్ బ్యాటరీ ఉంది. ఇది 67 వాట్ ఫాస్ట్ చార్జింగ్ కి సపోర్ట్ చేస్తుంది.
- ఓఎస్: Redmi Note 13 Pro+, Redmi Note 13 Pro డివైజెస్ ఆండ్రాయిడ్ 13 ఆధారిత ఎంఐయూఐ 14 కస్టమ్ స్కిన్ పై పని చేస్తాయి.
- ఇతర ఫీచర్లు: Redmi Note 13 Pro, Redmi Note 13 Pro+ ఫోన్లలో 3.5ఎంఎం ఆడియో జాక్, ఐఆర్ బ్లాస్టర్, డ్యూయల్ సిమ్ 5జీ, వై-ఫై 6, బ్లూటూత్ 5.3, ఎన్ఎఫ్సీ, ఐపీ68 రేటింగ్, ఇన్-డిస్ప్లే ఫింగర్ ప్రింట్ స్కానర్ ఉన్నాయి.