షావోమి సంస్థ రీసెంట్ గా చైనాలో ఒక లాంచ్ ఈవెంట్ ని నిర్వహించింది. ఆ ఈవెంట్ లో Xiaomi Mix Fold 3, Redmi K60 Ultra, Xiaomi Pad 6 Max, Xiaomi Band 8 Pro డివైజెస్ ని లాంచ్ చేసింది. Redmi Note 12R డివైజ్ ని Redmi 12 5G పేరుతో భారతీయ మార్కెట్ లో రెడ్మీ సంస్థ లాంచ్ చేసింది. త్వరలోనే షావోమి సబ్-బ్రాండ్ రెడ్మీ Redmi Note 13 సిరీస్ ని లాంచ్ చేయనున్నట్లు తెలుస్తోంది.
గతంలో Redmi Note 13 సిరీస్ ఈఈసీ సర్టిఫికేషన్ సైట్, ఐఎంఈఐ, ఎంఐయూఐ సర్వర్స్ పై కనిపించింది. ఒక టిప్స్టర్ రీసెంట్ గా Redmi Note 13 సిరీస్ నమూనా చిత్రాలను రివీల్ చేశారు. అలాగే Redmi Note 13 Pro+ డివైజ్ ప్రైమరీ కెమెరా వివరాలు కూడా బయటకు వచ్చాయి. మరొక టిప్స్టర్ కెమెరా విభాగం పూర్తి స్పెసిఫికేషన్స్, చిప్సెట్ వివరాలను రివీల్ చేశారు.
లీకైన Redmi Note 13 Pro+ చిప్సెట్, కెమెరా స్పెసిఫికేషన్స్
Redmi Note 13 Pro+ డివైజ్ యొక్క ప్రధాన స్పెసిఫికేషన్స్ ని టిప్స్టర్ Kacper Skrzypek రివీల్ చేశారు. టిప్స్టర్ ప్రకారం, Redmi Note 13 Pro+ డివైజ్ మీడియాటెక్ చిప్సెట్ తో వస్తోంది. రెడ్మీ కే60 అల్ట్రా లో వాడబడిన మీడియాటెక్ డైమెన్సిటీ 9200+ ప్రాసెసర్ ని Redmi Note 13 Pro+ లో వాడనున్నారని టిప్స్టర్ అంచనా వేశారు.
అంటుటు బెంచ్ మార్క్స్ లో Redmi Note 13 Pro+ డివైజ్ 1,774,714 పాయింట్లు స్కోర్ చేసిందని కంపెనీ చెబుతోంది. ఇప్పటివరకు ఏ స్మార్ట్ ఫోన్ కైనా ఇదే అత్యధిక స్కోర్ అని తెలుస్తోంది. Redmi Note 13 Pro+ లో 200ఎంపి ప్రైమరీ రియర్ కెమెరా ఉంటుందని టిప్స్టర్ క్యాస్పర్ అంచనా వేశారు. Redmi Note 13 Pro+ లో 8ఎంపి సోని ఐఎంఎక్స్355 అల్ట్రావైడ్ యాంగిల్ లెన్స్, 2ఎంపి ఒమ్నీవిజన్ ఓవీ2బీ10 మ్యాక్రో/డెప్త్ సెన్సర్ ఉండే అవకాశం ఉంది.
- స్క్రీన్: Redmi Note 13 Pro+ లో 6.7-ఇంచ్ ఓఎల్ఈడీ ప్యానెల్, 1.5కే రెజుల్యూషన్, 120 హెర్ట్జ్ రిఫ్రెష్ రేట్ ఉంటాయి.
- ప్రాసెసర్: Redmi Note 13 Pro+ లో మీడియాటెక్ డైమెన్సిటీ 9200+ చిప్, ఏఆర్ఎమ్ ఇమ్మోర్టలిస్-జీ715 జీపీయూ ఉంటాయి.
- సాఫ్ట్వేర్: Redmi Note 13 Pro+ డివైజ్ ఆండ్రాయిడ్ 13 ఓఎస్ ఆధారిత ఎంఐయూఐ 15 కస్టమ్ స్కిన్ పై పని చేస్తుంది.
- రియర్ కెమెరా: Redmi Note 13 Pro+ లో 200ఎంపి శాంసంగ్ హెచ్పీ3 సెన్సర్, 8ఎంపి సోని ఐఎంఎక్స్355 అల్ట్రావైడ్ యాంగిల్ లెన్స్, 2ఎంపి ఒమ్నీవిజన్ ఓవీ2బీ10 మ్యాక్రో/డెప్త్ సెన్సర్ ఉంటాయి.
- ఫ్రంట్ కెమెరా: Redmi Note 13 Pro+ స్మార్ట్ ఫోన్ లో 16ఎంపి ఒమ్నీవిజన్ ఓవీ16ఏ1క్యూ సెన్సర్ ఉండే అవకాశం ఉంది.
- బ్యాటరీ: Redmi Note 13 Pro+ లో పవర్ బ్యాకప్ కోసం 5000 ఎంఏహెచ్ బ్యాటరీ ఉంటుంది. ఇది 120 వాట్ ఫాస్ట్ చార్జింగ్ కి సపోర్ట్ చేస్తుంది.
