షావోమి సబ్-బ్రాండ్ Redmi త్వరలో భారతీయ మార్కెట్ లో Redmi Note 13 Pro+ డివైజ్ ని లాంచ్ చేయనుంది. ఇప్పటికే ఈ ఫోన్ చైనీస్ మార్కెట్ లో లాంచ్ అయ్యి, కొనుగోలుకి అందుబాటులో ఉంది. దీంతో భారత్ లో Redmi Note 13 Pro+ ఎప్పుడు లాంచ్ అవుతుందా? అని రెడ్మీ లవర్స్ ఎదురు చూస్తున్నారు. ఈ తరుణంలో రెడ్మీ కంపెనీ నుంచి ఓ శుభవార్త వచ్చింది. భారతీయ మార్కెట్ లో Redmi Note 13 Pro+ డివైజ్ ని 2024 జనవరిలో లాంచ్ చేయనున్నామని అధికారికంగా ప్రకటించింది. ఆ విశేషాలేంటో తెలుసుకుందాం పదండి.
Redmi Note 13 Pro+ ఇండియా లాంచ్ ఖరారు
- 2024 జనవరి నెలలో భారత్ లో Redmi Note 13 Pro+ డివైజ్ లాంచ్ కానుంది.
- ఆశ్చర్యకరమైన విషయం ఏంటంటే, Redmi 13C ఇండియా లాంచ్ ఈవెంట్ని పూర్తిగా Redmi Note 13 Pro+ తోనే షూట్ చేశారు. 200ఎంపి కెమెరా సెన్సర్ ఈ ఫోన్ లో ఉంది.
- Redmi Note 13 Pro+ తో పాటు, Redmi Note 13 Pro కూడా లాంచ్ అవుతుందని మేం అంచనా వేస్తున్నాం.
- ఇప్పటికే చైనాలో Redmi Note 13 Pro+ లాంచ్ అయినందున ధర, స్పెసిఫికేషన్స్ వివరాలు మనకు తెలుసు. మరోసారి వాటిపై ఓ కన్నేద్దాం పదండి.
Redmi Note 13 Pro+ ధర (చైనా వేరియంట్)
ఇప్పటికే చైనాలో Redmi Note 13 Pro+ లాంచ్ అయ్యింది. అక్కడ 3 స్టోరేజీ ఆప్షన్స్ లో కొనుగోలుకి అందుబాటులో ఉంది. వాటి ధరలు ఏ విధంగా ఉన్నాయో చూద్దాం.
- 12జిబి ర్యామ్ + 256జిబి స్టోరేజీ వేరియంట్ ధర CNY 1,999 (సుమారు రూ.22,800)
- 12జిబి ర్యామ్ + 512జిబి స్టోరేజీ మోడల్ ధర CNY 2,199 (సుమారు రూ.25,000)
- 16జిబి ర్యామ్ + 512జిబి స్టోరేజీ వేరియంట్ ధర CNY 2,299 (సుమారు రూ.26,200)
Redmi Note 13 Pro+ స్పెసిఫికేషన్స్
- డిస్ప్లే: Redmi Note 13 Pro, Redmi Note 13 Pro+ డివైజెస్ లో 6.67-ఇంచ్ 1.5కే ఫుల్ హెచ్డీ+ అమోలెడ్ స్క్రీన్, 120 హెర్ట్జ్ రిఫ్రెష్ రేట్, 1,800 నిట్స్ పీక్ బ్రైట్నెస్, కార్నింగ్ గొరిల్లా గ్లాస్ ఉన్నాయి.
- ప్రాసెసర్: Redmi Note 13 Pro+ లో మీడియాటెక్ డైమెన్సిటీ 7200 అల్ట్రా చిప్సెట్ వాడారు. Redmi Note 13 Pro లో స్నాప్ డ్రాగన్ 7 జెన్ 2 చిప్ వాడారు.
- ర్యామ్, స్టోరేజీ: Redmi Note 13 Pro+ డివైజ్ 16జిబి వరకు ర్యామ్, 512జిబి వరకు స్టోరేజీని ఆఫర్ చేస్తుంది. మరోవైపు, Redmi Note 13 Pro డివైజ్ 16జిబి వరకు ర్యామ్, 512జిబి వరకు స్టోరేజీని ఆఫర్ చేస్తుంది.
- కెమెరా: Redmi Note 13 Pro మరియు Redmi Note 13 Pro+ డివైజెస్ లో 200ఎంపి శాంసంగ్ ఐసోసెల్ హెచ్పీ3 ప్రైమరీ ఓఐఎస్ కెమెరా, 8ఎంపి అల్ట్రావైడ్ యాంగిల్ లెన్స్, 2ఎంపి మ్యాక్రో కెమెరా ఉన్నాయి. సెల్ఫీస్, వీడియో కాల్స్ కోసం వీటిలో 16ఎంపి ఫ్రంట్ కెమెరా అందించారు.
- బ్యాటరీ: Redmi Note 13 Pro+ లో పవర్ బ్యాకప్ కోసం 5,000 ఎంఏహెచ్ బ్యాటరీ ఉంది. ఇది 120 వాట్ ఫాస్ట్ చార్జింగ్ కి సపోర్ట్ చేస్తుంది. Redmi Note 13 Pro డివైజ్ లో పవర్ బ్యాకప్ కోసం 5,100 ఎంఏహెచ్ బ్యాటరీ ఉంది. ఇది 67 వాట్ ఫాస్ట్ చార్జింగ్ కి సపోర్ట్ చేస్తుంది.
- ఓఎస్: Redmi Note 13 Pro+, Redmi Note 13 Pro డివైజెస్ ఆండ్రాయిడ్ 13 ఆధారిత ఎంఐయూఐ 14 కస్టమ్ స్కిన్ పై పని చేస్తాయి.
- ఇతర ఫీచర్లు: Redmi Note 13 Pro, Redmi Note 13 Pro+ ఫోన్లలో 3.5ఎంఎం ఆడియో జాక్, ఐఆర్ బ్లాస్టర్, డ్యూయల్ సిమ్ 5జీ, వై-ఫై 6, బ్లూటూత్ 5.3, ఎన్ఎఫ్సీ, ఐపీ68 రేటింగ్, ఇన్-డిస్ప్లే ఫింగర్ ప్రింట్ స్కానర్ ఉన్నాయి.
