ప్రముఖ స్మార్ట్ఫోన్ బ్రాండ్ Redmi నుంచి త్వరలో Note 14 5G సిరీస్ లాంచ్ కానుంది. తాజాగా బేస్ మోడల్ Redmi Note 14 5G చైనాకు చెందిన సర్టిఫికేషన్ వెబ్సైట్ 3సీ పై లిస్ట్ అయ్యింది. దీంతో ఫోన్ యొక్క వివరాలు బయటకు వచ్చాయి. అయితే ఈ సిరీస్ లాంచ్ కి సంబంధించిన ప్రకటన కంపెనీ నుంచి రావాల్సి ఉంది. సరే, ఓసారి Redmi Note 14 5G యొక్క 3సీ సర్టిఫికేషన్ వివరాలు తెలుసుకుందాం.
Redmi Note 14 5G 3సీ సర్టిఫికేషన్ వివరాలు
Redmi Note 14 5G డివైజ్ 3సీ సర్టిఫికేషన్ పై 24090RA29C మోడల్ నంబర్ తో లిస్ట్ అయ్యింది. గతంలో ఇదే మోడల్ నంబర్ తో ఐఎంఈఐ డేటాబేస్ పై Redmi Note 14 5G లిస్ట్ అయ్యింది. దీంతో గ్లోబల్ మరియు ఇండియా లాంచ్ కన్ఫర్మ్ అయ్యింది. ఈ సర్టిఫికేషన్ ద్వారా 45 వాట్ వైర్డ్ ఫాస్ట్ చార్జింగ్ సపోర్ట్ రివీల్ అయ్యింది.
గత మోడల్ Redmi Note 13 5G 33 వాట్ ఫాస్ట్ చార్జింగ్ సపోర్ట్ తో వచ్చింది. త్వరలో రాబోవు Redmi Note 14 5G 45 వాట్ ఫాస్ట్ చార్జింగ్ తో వస్తుండటం మంచి అప్గ్రేడ్ అని చెప్పవచ్చు.
Redmi Note 14 5G డివైజ్ 3సీ సర్టిఫికేషన్ పై 5జీ కనెక్టివిటీ, హైపర్ఓఎస్, ఆండ్రాయిడ్ 14 ఓఎస్ తో లిస్ట్ అయ్యింది.
Redmi Note 14 5G స్మార్ట్ఫోన్ ఓఎల్ఈడీ డిస్ప్లే, సెంటర్డ్ పంచ్ హోల్ కటౌట్, 1.5కే రెజుల్యూషన్ వంటి ఫీచర్లతో వస్తోందని లీక్స్ ద్వారా తెలుస్తోంది. ఈ లైనప్ లో Redmi Note 14 Pro 5G మరియు Redmi Note 14 Pro+ 5G స్మార్ట్ఫోన్లు కూడా లాంచ్ కానున్నాయి. ప్రో వేరియంట్ స్నాప్డ్రాగన్ 7ఎస్ జెన్ 3 చిప్సెట్ తో రానుంది. ప్రో ప్లస్ వేరియంట్ మీడియాటెక్ డైమెన్సిటీ 7350 ప్రో చిప్సెట్ తో వస్తోందని సమాచారం.