రిలయన్స్ జియో సంస్థ తన కస్టమర్లను ఆకర్షించేందుకు, స్మార్ట్ టీవీల కోసం JioTV+ యాప్ను తీసుకొచ్చింది. గతంలో ఈ యాప్ కేవలం జియో సెట్-టాప్ బాక్స్ ద్వారా మాత్రమే అందుబాటులో ఉండేది. మరో విషయం ఏంటంటే, ఈ యాప్, Jio Air Fiber లేదా JioFiber కనెక్షన్ తో కలిపి వచ్చేది. ఈ యాప్ ప్రత్యేకత ఏంటంటే, 10 కి పైగా భాషల్లో 800 డిజిటల్ చానల్స్ ను అందిస్తుంది. అంతేకాదు, యూజర్లు 13 కి పైగా ఓటీటీ యాప్స్ను సింగిల్ లాగిన్ తో యాక్సెస్ అవ్వొచ్చు. JioTV+ గురించి మరింత సమాచారం తెలుసుకోండి.
JioTV+ యాప్ లభ్యత మరియు ఇతర వివరాలు
JioTV+ యాప్.. ఆండ్రాయిడ్ టీవీ, ఆపిల్ టీవీ, మరియు అమెజాన్ ఫైర్ ఓఎస్-పవర్డ్ టీవీలపై అందుబాటులో ఉంటుంది.
ఇప్పటివరకు జియో సెట్ టాప్ బాక్ లకే పరిమితమైన JioTV+ యాప్, ఇకపై మేజర్ స్మార్ట్టీవీ ఓఎస్ లపై కూడా ఉచితంగా డౌన్లోడ్ చేసుకుని వాడుకోవచ్చు.
JioTV+ యాప్ 10 కి పైగా భాషల్లో.. 800 కి పైగా డిజిటల్ టీవీ చానళ్ళను, 20 కి పైగా జోనర్లలో అందిస్తుంది. అదనంగా, యూజర్లు 13 కి పైగా ఓటీటీ యాప్లను సింగిల్ లాగిన్ పై యాక్సెస్ అవ్వవొచ్చు.
ఏయే ప్లాన్స్ పై JioTV+ యాప్ అందుబాటులో ఉంటుంది?
జియో ఫైబర్ మరియు జియో ఎయిర్ ఫైబర్ కస్టమర్లు ఈ కొత్త యాప్ ను వాడుకోవచ్చు. ఈ యాప్ వాడుకునేందుకు, యూజర్లు సబ్స్క్రిప్షన్ తీసుకోవాల్సి ఉంటుంది. జియో ఫైబర్ యూజర్లకు రూ.599, రూ.899 పోస్ట్పెయిడ్ ప్లాన్లు అందుబాటులో ఉన్నాయి. రూ.999 అంతకన్నా ఖరీదైన ప్రీపెయిడ్ ప్లాన్స్ తీసుకున్న వారికి JioTV+ కి యాక్సెస్ లభిస్తుంది.
JioTV+ ని ఎలా యాక్సెస్ చేయాలి?
JioTV+ యాప్ను.. ఆండ్రాయిడ్ టీవీ, ఆపిల్ టీవీ మరియు అమెజాన్ ఫైర్ టీవీ స్టిక్ లపై యాప్ స్టోర్ ద్వారా డౌన్లోడ్ చేసుకోవచ్చు. మీరు జియోఫైబర్/జియోఎయిర్ఫైబర్ రిజిస్టర్డ్ మొబైల్ నంబర్ ద్వారా యాప్ లోకి లాగిన్ అవ్వాల్సి ఉంటుంది. లాగిన్ తర్వాత, మీరు యాప్ పై కంటెంట్ చూడవచ్చు.
JioTV+ యాప్ పై ఏయే ఓటీటీలు అందుబాటులో ఉంటాయ్?
జియో సినిమా ప్రీమియమ్, డిస్నీ+ హాట్స్టార్, సోనిలివ్, జీ5, సన్నెక్స్ట్, హొయ్చొయ్, డిస్కవరీ+, లయన్స్గేట్ ప్లే, ఫ్యాన్కోడ్, ఈటీవీ విన్, షెమారూమీ, ఇరోజ్ నౌ, ఆల్ట్ బాలాజీ ఓటీటీ బెనిఫిట్స్ JioTV+ పై లభిస్తాయి.
JioTV+ పై లభించే చానల్స్
కలర్స్ టీవీ, ఈటీవీ, సోని సబ్, స్టార్ ప్లస్, జీ టీవీ, ఆజ్ తక్, ఇండియా టీవీ, టీవీ9 భరత్వర్ష్, ఏబీపీ న్యూస్, న్యూస్18, సోని టెన్, స్పోర్ట్స్18, స్టార్ స్పోర్ట్స్, యూరోస్పోర్ట్, డీడీ స్పోర్ట్స్, బీ4యూ మ్యూజిక్, 9ఎక్స్ఎమ్, ఎమ్టీవీ, జూమ్, పోగో, కార్టూన్ నెట్వర్క్, నిక్ జూనియర్, డిస్కవరీ కిడ్స్, జీ బిజినెస్, సీఎన్బీసీ టీవీ18, ఈటీ నౌ, సీఎన్బీసీ ఆవాజ్, ఆస్తా, భక్తి టీవీ, పీటీసీ సిమ్రన్, సంస్కార్, తదితర చానల్స్ JioTV+ పై అందుబాటులో ఉంటాయి.