Exynos 850 చిప్, 90Hz డిస్ప్లే తో లాంచ్ అయిన Samsung Galaxy A04s

హైలైట్స్:

• భారత్ లో లాంచ్ అయిన బడ్జెట్ ఫ్రెండ్లీ స్మార్ట్ ఫోన్ Samsung Galaxy A04s
• రూ.13,499 ధరతో లాంచ్ అయిన Samsung Galaxy A04s
• Exynos 850 చిప్ తో వస్తోన్న Samsung Galaxy A04s

Samsung కంపెనీ తాజాగా ఓ బడ్జెట్ ఫోన్ లాంచ్ చేసింది. Samsung Galaxy A04s ఫోన్ భారత్ లోకి ఎంట్రీ ఇచ్చింది. Samsung Galaxy A04s ఆక్టాకోర్ ఎగ్జినోస్ చిప్సెట్, ట్రిపుల్ రియర్ కెమెరా తో లాంచ్ అయ్యింది. Samsung Galaxy A04s గతంలో ఎన్నో సర్టిఫికేషన్ లిస్టింగ్స్ లో కనిపించి వార్తల్లో నిలిచింది. ఎట్టకేలకు ఇండియాలో లాంచ్ అయ్యింది.

భారత్ లో Samsung Galaxy A04s ధర, లభ్యత, బ్యాంక్ ఆఫర్లు

Samsung Galaxy A04s 4జిబి ర్యామ్ + 64జిబి స్టోరేజీ వేరియంట్ రూ.13,499 ధరతో లాంచ్ అయ్యింది. బ్లాక్, కాపర్, గ్రీన్ కలర్ ఆప్షన్స్ లో ఈ ఫోన్ లభించనుంది. నేటి నుంచి రిటైల్ స్టోర్స్, శాంసంగ్.కామ్, లీడింగ్ ఈ-కామర్స్ ప్లాట్ఫామ్స్ ద్వారా ఫోన్ ని కొనుగోలు చేయవచ్చు.

ఇంట్రడక్టరీ ఆఫర్ క్రింద ఎస్బీఐ క్రెడిట్ కార్డ్, వన్ కార్డ్, స్లైస్ ట్రాన్సాక్షన్స్ పై శాంసంగ్ రూ.1,000 క్యాష్ బ్యాక్ అందిస్తోంది. ఎన్బీఎఫ్‌సీ ద్వారా నెరిపే లావాదేవీలపై రూ.1,000 వరకు డిస్కౌంట్ రానుంది. ఈ ఆఫర్స్ తో Samsung Galaxy A04s ధర రూ.12,499 కి తగ్గనుంది.

Samsung Galaxy A04s స్పెసిఫికేషన్స్

Samsung Galaxy A04s లో 6.5-ఇంచ్ హెచ్డీ+ ఇన్ఫినిటీ-వీ డిస్ప్లే ఉంది. ఇది 90 హెర్ట్జ్ రిఫ్రెష్ రేట్ కలిగి ఉంది. ఈ ఫోన్లో ఆక్టాకోర్ ఎగ్జినోస్ 850 చిప్ అమర్చారు. Samsung Galaxy A04s లో 4జిబి ర్యామ్ + 64జిబి స్టోరేజీ ఉన్నాయి. మైక్రోఎస్డీ కార్డ్ ద్వారా 1టీబీ వరకు మెమొరీని ఎక్స్‌పాండ్ చేసుకోవచ్చు. Samsung Galaxy A04s పై ర్యామ్ ని 8జిబి వరకు పెంచుకోవచ్చు. అయితే ఇంటర్నల్ స్టోరేజీని వెచ్చించడం ద్వారా ర్యామ్ ని పెంచుకునే అవకాశం ఉంటుంది.

ఇప్పుడు Samsung Galaxy A04s యొక్క కెమెరా విభాగం గురించి తెలుసుకుందాం. Samsung Galaxy A04s లో ట్రిపుల్ రియర్ కెమెరా సెటప్ ఉంది. ఇందులో 50 మెగా పిక్సెల్ ప్రైమరీ కెమెరా, 2 మెగా పిక్సెల్ డెప్త్ సెన్సర్, 2 మెగా పిక్సెల్ మ్యాక్రో లెన్స్ ఉన్నాయి. Samsung Galaxy A04s లో సెల్ఫీలు, వీడియో కాల్స్ కోసం 5 మెగా పిక్సెల్ కెమెరా అందించారు.

Samsung Galaxy A04s లో 5000 ఎంఏహెచ్ బ్యాటరీ ఉంది. ఇది 15 వాట్ అడాప్టివ్ ఫాస్ట్ చార్జింగ్ కి సపోర్ట్ చేస్తుంది. 4జీ ఎల్టీఈ, వై-ఫై, బ్లూటూత్ వర్షన్ 5.0, యూఎస్బీ టైప్-సీ పోర్ట్ వంటి కనెక్టివిటీ ఆప్షన్స్ ఉన్నాయి. Samsung Galaxy A04s లో భద్రత కోసం సైడ్-మౌంటెడ్ ఫింగర్ ప్రింట్ స్కానర్ అందించారు.