ప్రముఖ స్మార్ట్ఫోన్ బ్రాండ్ Samsung గెలాక్సీ ఏ05 స్మార్ట్ఫోన్ ధరను తగ్గించింది. Samsung Galaxy A05 లో 6జిబి వర్చువల్ ర్యామ్, 50ఎంపి కెమెరా, 5000 ఎంఏహెచ్ బ్యాటరీ ఉన్నాయి. ఇప్పుడు కంపెనీ ఈ ఫోన్ ధరను రూ.2,000 తగ్గించింది. అన్ని వేరియంట్స్ పై ఈ ధర తగ్గింపు వర్తిస్తుంది. సరే, ఓసారి Samsung Galaxy A05 డివైజ్ ధర మరియు పూర్తి స్పెసిఫికేషన్స్ తెలుసుకుందాం పదండి.
Samsung Galaxy A05 ధర
Samsung Galaxy A05 స్మార్ట్ఫోన్ రెండు వేరియంట్స్ లో లాంచ్ అయ్యింది. ఈ రెండింటిపై కూడా రూ.2,000 తగ్గింపు వర్తిస్తుంది. 4జిబి ర్యామ్ బేస్ వేరియంట్ అసలు ధర రూ.9,999 కాగా తగ్గింపు తర్వాత రూ.7,999 కి లభించనుంది. 6జిబి ర్యామ్ మోడల్ అసలు ధర రూ.12,499 కాగా, తగ్గింపు తర్వాత రూ.10,499 కి లభిస్తుంది.
Samsung Galaxy A05 స్మార్ట్ఫోన్ లైట్ గ్రీన్, సిల్వర్ మరియు బ్లాక్ కలర్ ఆప్షన్స్ లో లభిస్తుంది. శాంసంగ్ గెలాక్సీ ఏ05 స్పెసిఫికేషన్స్ పై ఓ కన్నేద్దాం పదండి.
Samsung Galaxy A05 స్పెసిఫికేషన్స్
- డిస్ప్లే: Samsung Galaxy A05 లో 6.7-ఇంచ్ హెచ్డీ+ ఎల్సీడీ స్క్రీన్, 1600*720 పిక్సెట్స్ రెజుల్యూషన్, 16 మిలియన్ కలర్స్ సపోర్ట్ ఉన్నాయి.
- ప్రాసెసర్: Samsung Galaxy A05 లో మీడియాటెక్ హీలియో జీ85 చిప్సెట్ ఉంది.
- ర్యామ్, స్టోరేజీ: Samsung Galaxy A05 డివైజ్ 6జిబి వరకు ర్యామ్ + 128జిబి వరకు స్టోరేజీని ఆఫర్ చేస్తుంది. మైక్రోఎస్డీ కార్డ్ ద్వారా మెమొరీని 1టిబి వరకు పెంచుకునే వీలుంది.
- బ్యాటరీ: Samsung Galaxy A05 లో 5,000 ఎంఏహెచ్ బ్యాటరీ, 25 వాట్ ఫాస్ట్ చార్జింగ్ సపోర్ట్ ఉన్నాయి.
- కెమెరా: Samsung Galaxy A05 లో డ్యూయల్ రియర్ కెమెరా సెటప్ ఉంది. ఇందులో 50ఎంపి ప్రైమరీ కెమెరా, 2ఎంపి సెకండరీ లెన్స్ ఉన్నాయి. సెల్ఫీస్, వీడియో కాల్స్ కోసం 8ఎంపి ఫ్రంట్ కెమెరా అందించారు.
- ఓఎస్: Samsung Galaxy A05 డివైజ్ ఆండ్రాయిడ్ 13 ఓఎస్ ఆధారిత వన్యూఐ 5.1 కస్టమ్ స్కిన్ పై పని చేస్తుంది.
- కనెక్టివిటీ: Samsung Galaxy A05 లో డ్యూయల్ సిమ్, 4జీ, డ్యూయల్ బ్యాండ్ వై-ఫై, బ్లూటూత్ 5.3, జీపీఎస్ ఉన్నాయి.
