ప్రముఖ టెక్ కంపెనీ శాంసంగ్ త్వరలో ఒక కొత్త ఎంట్రీ లెవెల్ ఫోన్ ని లాంచ్ చేయనుంది. Samsung Galaxy A05 పేరుతో రానున్న ఈ ఫోన్ తాజాగా బెంచ్ మార్కింగ్ సైట్ గీక్ బెంచ్ పై కనిపించింది. గతేడాది మార్కెట్ లోకి వచ్చిన Samsung Galaxy A04 కి సక్సెసర్ గా Samsung Galaxy A05 డివైజ్ ఎంట్రీ ఇవ్వనుంది. సరే, ఓసారి Samsung Galaxy A05 లేటెస్ట్ అప్డేట్స్ తెలుసుకుందాం.
గత నెలలో Samsung Galaxy A05 స్మార్ట్ ఫోన్ బ్లూటూత్ ఎస్ఐజీ అథారిటీ యొక్క సర్టిఫికేషన్ ని కూడా పొందింది. ఈ లిస్టింగ్ ద్వారా SM-A055F, SM-A055F/DS, SM-A055M, SM-A055M/DS అనే మోడల్ నంబర్స్ రివీల్ అయ్యాయి. దీంతో Samsung Galaxy A05 డివైజ్ బ్లూటూత్ 5.3 కనెక్టివిటీతో రానున్నట్లు తెలిసింది. గీక్ బెంచ్ లిస్టింగ్ కూడా కొన్ని స్పెసిఫికేషన్స్ ని రివీల్ చేసింది. సరే, ఆ విశేషాలేంటో తెలుసుకుందాం పదండి.
Samsung Galaxy A05 గీక్బెంచ్ లిస్టింగ్
గీక్ బెంచ్ ప్రకారం, Samsung Galaxy A05 డివైజ్ మీడియాటెక్ హీలియో జీ85 చిప్ తో వస్తున్నట్లు తెలుస్తోంది. అయితే చిప్సెట్ పేరుని పేర్కొనలేదు కానీ, MT6769V/CZ అనే మోడల్ నంబర్ ఉంది. ఈ మోడల్ నంబర్ హీలియో జీ85 కి సంబంధించినదని సమాచారం. ఇకపోతే, Samsung Galaxy A04 స్మార్ట్ ఫోన్ మీడియాటెక్ హీలియో పీ35 చిప్ తో వచ్చింది.
Samsung Galaxy A05 స్మార్ట్ ఫోన్ 4జిబి ర్యామ్, ఆండ్రాయిడ్ 13 ఓఎస్ తో రానున్నట్లు గీక్ బెంచ్ లిస్టింగ్ ద్వారా తెలుస్తోంది. అయితే గో ఎడిషన్ కి బదులుగా ఫుల్ వర్షన్ తో వస్తున్నట్లు సమాచారం. ఇప్పటికే Samsung Galaxy A05 డివైజ్ వై-ఫై అలయన్స్ డేటాబేస్ పై కనిపించింది. ఈ లిస్టింగ్ ద్వారా డ్యూయల్ బ్యాండ్ వై-ఫై కనెక్టివిటీ వివరాలు తెలిసాయి.
Samsung Galaxy A05 స్మార్ట్ ఫోన్ ఇప్పటికే బ్యూరో ఆఫ్ ఇండియన్ స్టాండర్డ్స్ (బీఐఎస్), ఎఫ్సీసీ సర్టిఫికేషన్స్ పొందింది. అయితే, ఈ సర్టిఫికేషన్స్ లిస్టింగ్స్ ద్వారా ఏ వివరాలు కూడా బయటకు రాలేదు. రానున్న రోజుల్లో Samsung Galaxy A05 కి సంబంధించిన మరింత సమాచారం రివీల్ అవుతుందేమో చూడాలి.