త్వరలో Galaxy A14 4G ఫోన్ ని లాంచ్ చేయనున్న Samsung

హైలైట్స్

• మరొక బడ్జెట్ ఫ్రెండ్లీ ఫోన్ ని తీసుకొస్తోన్న శాంసంగ్
• త్వరలో లాంచ్ కానున్న Samsung Galaxy A14 4G స్మార్ట్ ఫోన్
• 4జిబి ర్యామ్, ఆండ్రాయిడ్ 13, మీడియాటెక్ హీలియో జీ80 చిప్సెట్ తో వస్తోన్న Galaxy A14 4G

ఇటీవలె Samsung Galaxy A14 5G స్మార్ట్ ఫోన్ కి సంబంధించిన వార్త ఒకటి బయటకు వచ్చింది. ప్రస్తుతం శాంసంగ్ కంపెనీలో ఉన్న చీపెస్ట్ 5జీ స్మార్ట్ ఫోన్ ఇదేనని చెప్పవచ్చు. దీని ధర రూ.15,000 లోపు ఉండే అవకాశం ఉంది. అయితే తాజాగా Samsung Galaxy A14 4G అనే మరో బడ్జెట్ ఫ్రెండ్లీ స్మార్ట్ ఫోన్ కూడా శాంసంగ్ లాంచ్ చేయనుందనే వార్త రివీల్ అయ్యింది. బెంచ్ మార్కింగ్ సైట్ Geekbench పై ఈ గెలాక్సీ ఫోన్ కనిపించింది. లిస్టింగ్ ద్వారా ప్రధాన స్పెసిఫికేషన్స్ ఏంటో తెలిసాయి. త్వరలోనే Samsung Galaxy A14 5G మరియు Samsung Galaxy A14 4G స్మార్ట్ ఫోన్స్ టెక్ మార్కెట్ లో లాంచ్ అవుతాయని అంచనా వేస్తున్నారు.

Samsung Galaxy A14 4G

Samsung Galaxy A14 4G స్మార్ట్ ఫోన్ గీక్ బెంచ్ పై కనిపించింది. Samsung SM-A145P అనే మోడల్ నంబర్ ని ఈ ఫోన్ కలిగి ఉంది. Samsung Galaxy A14 4G లేటెస్ట్ ఆండ్రాయిడ్ 13 ఓఎస్ తో లాంచ్ కానున్నట్లు లిస్టింగ్ ద్వారా తెలిసింది. ఇంకా ఈ ఫోన్ మీడియాటెక్ హీలియో జీ80 చిప్సెట్ తో వస్తున్నట్లు కూడా స్పష్టమైంది. ఇది 1.80 గిగాహెర్ట్జ్ క్లాక్ స్పీడ్ కలిగిన ఆక్టాకోర్ ప్రాసెసర్.

Samsung Galaxy A14 4G స్మార్ట్ ఫోన్ Geekbench పై 4జిబి ర్యామ్ తో సర్టిఫై అయ్యింది. ఈ డివైజ్ కేవలం 4జిబి ర్యామ్ సింగిల్ వేరియంట్ లోనే లాంచ్ అవుతుంది. అయితే, మరొక వేరియంట్ ని కూడా లాంచ్ చేసే అవకాశాలు లేకపోలేదు. ఈ శాంసంగ్ ఫోన్ కి మాలి జీ-52 జీపీయూ ని గ్రాఫిక్స్ కోసం వినియోగించారు. Samsung Galaxy A14 4G యొక్క బెంచ్ మార్కింగ్ స్కోర్ గురించి మాట్లాడితే, సింగిల్ కోర్ టెస్ట్ లో ఈ ఫోన్ 1668 పాయింట్లు, మల్టీ కోర్ టెస్టు లో 5284 పాయింట్లు సాధించింది. త్వరలోనే ఈ ఫోన్ ని శాంసంగ్ టీజ్ చేయడం మొదలుపెట్టే అవకాశం ఉంది.

Samsung Galaxy A14 5G

Samsung Galaxy A14 5G మోడల్ ని గమనిస్తే, నెట్టింట్లో ప్రత్యక్షమైన లీక్స్ ని బట్టి, ఈ మొబైల్ ఫోన్ ధర రూ.15,000 నుంచి రూ.18,000 తో మొదలయ్యే అవకాశం ఉంది. ఈ ఫోన్ లో 6.5-ఇంచ్ ఎల్సీడీ డిస్ప్లే ఉండనుంది. ఇది 90 హెర్ట్జ్ రిఫ్రెష్ రేట్ ని కలిగి ఉంటుంది. ఈ స్మార్ట్ ఫోన్ ఆండ్రాయిడ్ 13 ఓఎస్ ఆధారిత వన్ యూఐ 5.0 కస్టమ్ స్కిన్ పై పని చేస్తుంది. అయితే ఈ ఫోన్ యొక్క చిప్సెట్ వివరాలు ఇంకా బయటకు రాలేదు.

Samsung Galaxy A14 5G స్మార్ట్ ఫోన్ 6జిబి ర్యామ్, 64జిబి ఇంటర్నల్ స్టోరేజీతో లాంచ్ కానుంది. లీక్స్ ని బట్టి ఈ ఫోన్ ట్రిపుల్ రియర్ కెమెరా సెటప్ తో రానున్నట్లు సమాచారం. ఈ ఫోన్ లో 50 మెగా పిక్సెల్ ప్రధాన కెమెరా ఉండనుంది. అలాగే సెల్ఫీలు, వీడియో కాల్స్ కోసం ముందు వైపు 16 మెగా పిక్సెల్ కెమెరా ఇవ్వనున్నారు. పవర్ బ్యాకప్ విషయానికి వస్తే, ఇందులో 5000 ఎంఏహెచ్ బ్యాటరీ ఉండనుంది. ఇది 15 వాట్ ఫాస్ట్ చార్జింగ్ సపోర్ట్ తో వస్తున్నట్లు తెలుస్తోంది.