గూగుల్ ప్లే కన్సోల్ పై లిస్టైన Samsung Galaxy A24

ప్రముఖ స్మార్ట్ ఫోన్ బ్రాండ్ శాంసంగ్ త్వరలో Samsung Galaxy A24 డివైజ్ ని లాంచ్ చేయనుంది. ఈ డివైజ్ తొలుత టర్కీలో లాంచ్ కానుంది. కొన్ని రోజుల క్రితం ఈ విషయాన్ని శాంసంగ్ వెల్లడించింది. అయితే కచ్చితమైన లాంచ్ తేదీని అప్పుడు కంపెనీ వెల్లడించలేదు. ఇప్పుడు ఈ ఫోన్ గూగుల్ ప్లే కన్సోల్ లిస్టింగ్ పై కనిపించింది. ఈ డివైజ్ SM-A245F అనే మోడల్ నంబర్ ని కలిగి ఉంది. టెక్ వెబ్ సైట్ Pricebaba ఈ విషయాన్ని ముందుగా గుర్తించింది. ఇక లిస్టింగ్ ద్వారా ఫోన్ కి సంబంధించిన కొన్ని స్పెసిఫికేషన్స్ బయటకు వచ్చాయి. ఆ విశేషాలేంటో తెలుసుకుందాం పదండి.

లిస్టింగ్ ద్వారా తెలిసిన వివరాలు

Samsung Galaxy A24 గూగుల్ ప్లే కన్సోల్ లిస్టింగ్ ద్వారా కొన్ని స్పెసిఫికేషన్స్ తెలిసాయి. లిస్టింగ్ ప్రకారం, ఈ డివైజ్ మీడియాటెక్ హీలియో జీ99 చిప్సెట్, ఏఆర్ఎమ్ మాలి జీ57 జీపీయూ తో వస్తున్నట్లు తెలుస్తోంది. ఈ డివైజ్ 4జిబి ర్యామ్, ఆండ్రాయిడ్ 13 ఓఎస్, ఫుల్ హెచ్డీ డిస్ప్లే, 450 పీపీఐ పిక్సెల్ డెన్సిటీ తో వస్తున్నట్లు అర్థమవుతోంది.

కొన్ని రోజుల క్రితం 91మొబైల్స్ శాంసంగ్ వెబ్ సైట్ లో Samsung Galaxy A24 డివైజ్ సపోర్ట్ పేజీని గుర్తించింది. దీంతో త్వరలోనే ఈ ఫోన్ భారత మార్కెట్ లో లాంచ్ కానుందని తెలిసింది. ఎన్నో రిపోర్ట్స్ ద్వారా కూడా ఈ ఫోన్ స్పెసిఫికేషన్ లీక్ అయ్యాయి.

Samsung Galaxy A24 స్పెసిఫికేషన్స్ (లీక్)

డిస్ప్లే

Samsung Galaxy A24 స్మార్ట్ ఫోన్ లో 1080*2408 పిక్సెల్ రెజుల్యూషన్ కలిగిన 6.5-ఇంచ్ వాటర్ డ్రాప్ నాచ్ స్క్రీన్ ఉంటుంది. అలాగే 90 హెర్ట్జ్ రిఫ్రెష్ రేట్ ఉంటాయి. ఎల్సీడీ ప్యానెల్ పై డిస్ప్లే తయారైంది.

చిప్సెట్, ఓఎస్, స్టోరేజీ

Samsung Galaxy A24 డివైజ్ లో మీడియాటెక్ హీలియో జీ99 చిప్సెట్ వాడారు. ఈ డివైజ్ ఆండ్రాయిడ్ 13 ఓఎస్ ఆధారిత వన్‌యూఐ 5 కస్టమ్ స్కిన్ పై పని చేస్తుంది. ఈ ఫోన్ 4జిబి ర్యామ్ మరియు 128జిబి స్టోరేజీ తో వస్తోంది.

కెమెరా

Samsung Galaxy A24 డివైజ్ ట్రిపుల్ రియర్ కెమెరా సెటప్ తో వస్తోంది. ఇందులో 50ఎంపి మెయిన్ కెమెరా, 5ఎంపి అల్ట్రావైడ్ యాంగిల్ లెన్స్, 2ఎంపి మ్యాక్రో కెమెరా ఉంటాయి. సెల్ఫీస్, వీడియో కాల్స్ కోసం ఈ డివైజ్ లో 13ఎంపి ఫ్రంట్ కెమెరా ఉంటుంది.

బ్యాటరీ, కనెక్టివిటీ

Samsung Galaxy A24 లో పవర్ బ్యాకప్ కోసం 5000 ఎంఏహెచ్ బ్యాటరీ ఉంటుంది. ఇది 15 వాట్ ఫాస్ట్ చార్జింగ్ సపోర్ట్ తో వస్తోంది. కనెక్టివిటీ ఆప్షన్స్ చూస్తే, ఈ ఫోన్ లో 4జీ, డ్యూయల్ సిమ్, బ్లూటూత్, వై-ఫై, జీపీఎస్ వంటి బేసిక్ కనెక్టివిటీ ఫీచర్లు ఉంటాయి.

Samsung Galaxy A24 ధర, లాంచ్ టైమ్‌లైన్ (అంచనా)

ఒక రిపోర్ట్ ప్రకారం, Samsung Galaxy A24 డివైజ్ ధర 190 యూఎస్ డాలర్లు (సుమారు రూ.16,000) గా ఉంటుందని తెలుస్తోంది. లీక్స్ ని బట్టి, Samsung Galaxy A24 హ్యాండ్సెట్ ఏప్రిల్ నెలలోనే భారత్ లో లాంచ్ కానుందని తెలుస్తోంది.

లేటెస్ట్ స్మార్ట్ ఫోన్, టెక్నాలజీ మరియు టెలీకమ్ న్యూస్ కోసం 91మొబైల్స్ తెలుగు ఫేస్‌బుక్ పేజీని లైక్ చేసి ఫాలో అవ్వండి.