Samsung Galaxy A34 5G, Samsung Galaxy A54 5G స్మార్ట్ ఫోన్లు నేడు భారత్ లో లాంచ్ అయ్యాయి. Samsung Galaxy A34 5G 48ఎంపి మెయిన్ కెమెరా, 8జిబి ర్యామ్, సూపర్ అమోలెడ్ డిస్ప్లే, 3 కలర్ ఆప్షన్స్ తో వచ్చింది. ఈ ఆర్టికల్ లో మనం Galaxy A34 5G ఫోన్ విశేషాలు తెలుసుకుందాం. ఈ డివైజ్ మిడ్-రేంజ్ ఫోన్ యూజర్లను టార్గెట్ చేస్తూ మార్కెట్ లోకి తీసుకొచ్చారు. ఓసారి Galaxy A34 5G ధర, కలర్ ఆప్షన్స్, పూర్తి స్పెసిఫికేషన్స్ ని తెలుసుకుందాం పదండి. ఇక్కడ క్లిక్ చేసి Samsung Galaxy A54 5G గురించి తెలుసుకోండి.
భారత్ లో Samsung Galaxy A34 5G ధర, కలర్ ఆప్షన్స్
Samsung Galaxy A34 5G స్మార్ట్ ఫోన్ 8జిబి ర్యామ్ + 128జిబి స్టోరేజీ మరియు 8జిబి ర్యామ్ + 256జిబి స్టోరేజీ వేరియంట్స్ లో లభిస్తుంది. వీటి ధరలు ఎలా ఉన్నాయో తెలుసుకుందాం. 8జిబి + 128జిబి వేరియంట్ ధర రూ.30,999 గా ఉంది. 8జిబి + 256జిబి మోడల్ ధర రూ.32,999 గా ఉంది. ఇక ఆఫర్ల విషయానికి వస్తే, ఈ ఫోన్ పై రూ.3,000 ల బ్యాంక్ క్యాష్బ్యాక్ లభిస్తుంది. లేదంటే, రూ.2500 ల శాంసంగ్ అప్గ్రేడ్ ఆఫర్ పొందవచ్చు. ఈ ఫోన్ ఆసమ్ లైమ్, ఆసమ్ గ్రాఫైట్, ఆసమ్ వయొలెట్, ఆసమ్ సిల్వర్ కలర్ ఆప్షన్స్ లో ఈ ఫోన్ లభిస్తుంది.
Samsung Galaxy A34 5G స్పెసిఫికేషన్స్
- 6.6-ఇంచ్ ఫుల్ హెచ్డీ+ సూపర్ అమోలెడ్ డిస్ప్లే
- 120 హెర్ట్జ్ రిఫ్రెష్ రేట్
- 8జిబి ర్యామ్ + 256జిబి స్టోరేజీ
- 48ఎంపి ట్రిపుల్ రియర్ కెమెరా సెటప్
- 13ఎంపి సెల్ఫీ కెమెరా
- 5,000 ఎంఏహెచ్ బ్యాటరీ
Samsung Galaxy A34 5G లో 6.6-ఇంచ్ ఫుల్ హెచ్డీ+ సూపర్ అమోలెడ్ డిస్ప్లే, 120 హెర్ట్జ్ రిఫ్రెష్ రేట్, 8జిబి ర్యామ్, మీడియాటెక్ డైమెన్సిటీ 1080 చిప్సెట్, 256జిబి స్టోరేజీ ఉంటాయి. మైక్రోఎస్డీ కార్డ్ ద్వారా మెమొరీని 1టిబి వరకు పెంచుకునే వీలుంది.
Samsung Galaxy A34 5G లో ట్రిపుల్ రియర్ కెమెరా సెటప్ ఉంది. ఇందులో 48ఎంపి మెయిన్ కెమెరా, 8ఎంపి అల్ట్రావైడ్ కెమెరా, 5ఎంపి మ్యాక్రో కెమెరా ఉంటాయి. సెల్ఫీస్, వీడియో కాల్స్ కోసం 13ఎంపి కెమెరా ఇచ్చారు. ఈ ఫోన్ లో 5జీ, 4జీ, బ్లూటూత్, వై-ఫై, జీపీఎస్ వంటి అన్ని బేసిక్ కనెక్టివిటీ ఆప్షన్స్ ఉన్నాయి.
ఈ స్మార్ట్ ఫోన్ ఆండ్రాయిడ్ 13 ఓఎస్ ఆధారిత వన్యూఐ 5.1 కస్టమ్ స్కిన్ పై పని చేస్తుంది. ఈ డివైజ్ లో పవర్ బ్యాకప్ కోసం 5000 ఎంఏహెచ్ బ్యాటరీ ఉంటుంది. ఇది 25 వాట్ ఫాస్ట్ చార్జింగ్ కి సపోర్ట్ చేస్తుంది. Samsung Galaxy A34 5G స్మార్ట్ ఫోన్ 161.3 మిల్లీ మీటర్ల పొడవు, 78.1 మిల్లీ మీటర్ల వెడల్పు, 8.2 మిల్లీ మీటర్ల మందం, 199 గ్రాముల బరువు ఉంటుంది.
లేటెస్ట్ స్మార్ట్ ఫోన్, టెక్నాలజీ మరియు టెలీకమ్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.