గెలాక్సీ ఏ-సిరీస్ లో మార్చి 16 న కొత్త స్మార్ట్ ఫోన్లను లాంచ్ చేయనున్నట్లు శాంసంగ్ సంస్థ ప్రకటించింది. అయితే ఈ సిరీస్ లో లాంచ్ కాబోవు ఫోన్ల పేర్లను శాంసంగ్ వెల్లడించలేదు. అయితే రిటైల్ స్టోర్స్ ద్వారా 91మొబైల్స్ హిందీ కి అందిన సమాచారం ప్రకారాం, మార్చి 16 న Samsung Galaxy A34 5G, Galaxy A54 5G ఫోన్లు లాంచ్ అవ్వనున్నాయని తెలిసింది. అలాగే శాంసంగ్ ఇండియా వెబ్సైట్ పై రెండు ఫోన్ల యొక్క సపోర్ట్ పేజీ కూడా కనిపిస్తోంది.
Samsung Galaxy A34 5G, Galaxy A54 5G స్మార్ట్ ఫోన్లు భారత్ లో మార్చి 16 న లాంచ్ అవుతున్నాయి. రిటైల్ స్టోర్ ద్వారా మాకు టీజర్ పోస్టర్ అందింది. ఈ పోస్టర్ పై ఫోన్ల పేర్లు, ఇమేజెస్ కనిపిస్తున్నాయి. అలాగే శాంసంగ్ ఇండియా వెబ్ సైట్ పై రెండు ఫోన్ల యొక్క సపోర్ట్ పేజెస్ కూడా దర్శనమిస్తున్నాయి.
శాంసంగ్ ఇండియా వెబ్సైట్ పై ఉన్న సపోర్ట్ పేజీలో రెండు ఫోన్ల ర్యామ్ వేరియంట్స్ వివరాలు తెలిసాయి. ఇందులో Samsung Galaxy A54 5G 8జిబి ర్యామ్ తో కనిపిస్తుంది. Samsung Galaxy A34 5G డివైజ్ 6జిబి ర్యామ్, 8జిబి ర్యామ్ ఆప్షన్స్ తో కనిపిస్తోంది. ఈ రెండు ఫోన్లు కూడా ఇవే వేరియంట్స్ లో లాంచ్ అవుతాయని అంచనా వేస్తున్నారు.
Samsung Galaxy A34 5G, Galaxy A54 5G ధరలు (లీక్డ్)
ఇండియా లాంచ్ తేదీ రివీల్ కాకముందే Samsung Galaxy A34 5G, Galaxy A54 5G డివైజెస్ గ్లోబల్ ధరలు లీక్ అయ్యాయి. స్నూపీటెక్ అనే టిప్స్టర్ ఈ రెండు ఫోన్ల యూరోపియన్ ధరలను రివీల్ చేశారు. లీక్ ప్రకారం, Samsung Galaxy A34 5G డివైజ్ 128జిబి స్టోరేజీ వేరియంట్ ధర 419 యూరోలు (సుమారు రూ.35,500) గా ఉంటుందని సమాచారం. Samsung Galaxy A54 5G 128జిబి వేరియంట్ ధర 519 యూరోలు (సుమారు రూ.45,400) గా ఉండనుందని తెలుస్తోంది. భారత్ లో ఈ ఫోన్ల ధరలు ఇంతకంటే తక్కువగానే ఉండే అవకాశం ఉంది.
Samsung Galaxy A34 5G స్పెసిఫికేషన్స్ (అంచనా)
- 6.6-ఇంచ్ ఫుల్ హెచ్డీ+ 120 హెర్ట్జ్ డిస్ప్లే
- 8జిబి ర్యామ్ + 256జిబి స్టోరేజీ
- మీడియాటెక్ డైమెన్సిటీ 1080 చిప్సెట్
- 48ఎంపి మెయిన్ కెమెరా
- 13ఎంపి సెల్ఫీ కెమెరా
- 25వాట్ ఫాస్ట్ చార్జింగ్, 5000 ఎంఏహెచ్ బ్యాటరీ
గతంలో 91మొబైల్స్ కి అందిన సమాచారం ప్రకారం, Samsung Galaxy A34 5G డివైజ్ 6.6-ఇంచ్ ఫుల్ హెచ్డీ+ సూపర్ అమోలెడ్ డిస్ప్లే, 120 హెర్ట్జ్ రిఫ్రెష్ రేట్, మీడియాటెక్ డైమెన్సిటీ 1080 చిప్సెట్, 5000 ఎంఏహెచ్ బ్యాటరీ, 25 వాట్ ఫాస్ట్ చార్జింగ్, 48ఎంపి మెయిన్ కెమెరా, 8ఎంపి వైడ్ యాంగిల్ లెన్స్, 5ఎంపి మ్యాక్రో లెన్స్, 13ఎంపి ఫ్రంట్ కెమెరా, ఐపీ67 రేటింగ్, సైడ్ మౌంటెడ ఫింగర్ ప్రింట్ స్కానర్ తో రానుంది. ఇవి అంచనా వేయబడిన, లీకైన స్పెసిఫికేషన్స్ అని గమనించాలి.
Samsung Galaxy A54 5G స్పెసిఫికేషన్స్ (అంచనా)
- 6.4-ఇంచ్ ఫుల్ హెచ్డీ+ 120 హెర్ట్జ్ డిస్ప్లే
- 8జిబి ర్యామ్ + 256జిబి స్టోరేజీ
- ఎగ్జినోస్ 1380 చిప్సెట్
- 32ఎంపి సెల్ఫీ కెమెరా
- 50ఎంపి మెయిన్ కెమెరా
- 25 వాట్ ఫాస్ట్ చార్జింగ్, 5000 ఎంఏహెచ్ బ్యాటరీ
Samsung Galaxy A54 5G లో 6.4-ఇంచ్ ఫుల్ హెచ్డీ+ సూపర్ అమోలెడ్ డిస్ప్లే, ఇన్-డిస్ప్లే ఫింగర్ ప్రింట్ స్కానర్, 120 హెర్ట్జ్ రిఫ్రెష్ రేట్, ఎగ్జినోస్ 1380 ప్రాసెసర్, 25 వాట్ ఫాస్ట్ చార్జింగ్ సపోర్ట్, 5000 ఎంఏహెచ్ బ్యాటరీ వంటి స్పెసిఫికేషన్స్ ఉండే అవకాశం ఉంది.
Samsung Galaxy A54 5G లో 50ఎంపి మెయిన్ కెమెరా, 12ఎంపి వైడ్ యాంగిల్ లెన్స్, 5ఎంపి మ్యాక్రో లెన్స్, 32ఎంపి ఫ్రంట్ కెమెరా ఉంటాయని అంచనా. ఇంకా ఈ డివైజ్ ఐపీ67 రేటింగ్, డ్యూయల్ సిమ్, ఎన్ఎఫ్సీ, ఓటీజీ, 3.5ఎంఎం ఆడియో జాక్ తో వస్తుందని భావిస్తున్నారు. లాంచ్ రోజున అసలైన సమాచారం బయటకు వస్తుంది.
లేటెస్ట్ స్మార్ట్ ఫోన్, టెక్నాలజీ మరియు టెలీకమ్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
