50MP కెమెరాతో రానున్న Samsung Galaxy A54

హైలైట్స్:

• 2023 లో లాంచ్ కానున్న Samsung Galaxy A54
• ఈ ఏడాది మొదట్లో వచ్చిన గెలాక్సీ ఏ53 కి సక్సెసర్ గా రానున్న Samsung Galaxy A54
• నెట్టింట్లో ప్రత్యక్షమైన Samsung Galaxy A54 కెమెరా స్పెసిఫికేషన్స్

ఈ ఏడాది మొదట్లో Samsung Galaxy A53 ఫోన్ ని శాంసంగ్ లాంచ్ చేసింది. ప్రతి సంవత్సరం ఒక ఏ-సిరీస్ ఫోన్ లాంచ్ చేస్తుంది శాంసంగ్. ఈ క్రమంలో 2023 ప్రథమార్థంలో Samsung Galaxy A54 ఫోన్ ని లాంచ్ చేయాలని శాంసంగ్ ప్లాన్ చేస్తోంది. లాంచ్ కి ఇంకా కొన్ని నెలల సమయం మాత్రమే ఉంది. ఈలోపు నెట్టింట్లో పలు లీక్స్ సందడి చేస్తున్నాయి.

GalaxyClub వెబ్ సైట్ ప్రచురించిన కథనం ద్వారా Samsung Galaxy A54 యొక్క కెమెరా ఫీచర్లు వెలుగు చూశాయి. ఈ కథనాన్ని బట్టి, Samsung Galaxy A54 లో 50 మెగా పిక్సెల్ కెమెరా ఉండనున్నట్లు తెలుస్తోంది. రెజుల్యూషన్ పరంగా ఇది గత మోడల్ తో పోల్చితే డౌన్‌గ్రేడ్ అని చెప్పాలి. Galaxy A52, Galaxy A52 5G, Galaxy A52s 5G, and Galaxy A53 5G మోడల్స్ లో శాంసంగ్ 64 ఎంపి ప్రైమరీ కెమెరాను వాడింది. కానీ Samsung Galaxy A54 లో 50 మెగా పిక్సెల్ మెయిన్ కెమెరాకే ఓటేసినట్లు తెలుస్తోంది.

అయితే Samsung Galaxy A54 లో వాడబోవు 50 మెగా పిక్సెల్ సెన్సర్ బెటర్ క్వాలిటీ కలిగి ఉంటుందని సమాచారం. గెలాక్సీ ఎస్22 లో వాడిన 50ఎంపి సెన్సర్ ని Samsung Galaxy A54 లో ఉపయోగించనున్నట్లు వార్తలు వినిపిస్తున్నాయి. లేదంటే, శాంసంగ్ తయారు చేసిన మరొక హై-ఎండ్ 50ఎంపి సెన్సర్ ని వాడే అవకాశాలున్నాయి.

గెలాక్సీక్లబ్ చెబుతున్నట్లు 50 ఎంపి కెమెరా సెన్సర్ కి సంబంధించిన వివరాలు ఇంకా తెలియలేదు. ఏ రకమైన 50ఎంపి సెన్సర్ ని Samsung Galaxy A54 లో వాడుతున్నారో ఇంకా స్పష్టత లేదు. Samsung Galaxy A54 స్మార్ట్ ఫోన్ SM-A546B అనే మోడల్ నంబర్ ని కలిగి ఉన్నట్లు గెలాక్సీక్లబ్ తెలిపింది. Samsung Galaxy A54 ఎగ్జినోస్ ప్రాసెసర్ తో రాబోతున్నట్లు సమాచారం. Samsung Galaxy A53 లో కూడా ఎగ్జినోస్ 1280 చిప్ ని వాడటం జరిగింది.

యూరోప్ లో టెస్టింగ్ దశలో ఉన్న Samsung Galaxy A14 5G, A34 5G

త్వరలో లాంచ్ కానున్న Samsung Galaxy A54 తో పాటు కొరియా టెక్నాలజీ దిగ్గజం శాంసంగ్, Galaxy A34, Galaxy A14 5G ఫోన్లను పరీక్షిస్తున్నట్లు తెలుస్తోంది. ఈ ఫోన్లు SM-A346B, SM-A146B అనే మోడల్ నంబర్లను కలిగి ఉంది. ఈ అన్ని స్మార్ట్ ఫోన్స్ 2023 లో లాంచ్ కానున్నాయి. రానున్న వారాల్లో ఈ డివైజెస్ కి సంబంధించి మరిన్ని వివరాలు మనకు తెలిసే అవకాశం ఉంది.