హైలైట్స్
- త్వరలో లాంచ్ కానున్న Samsung Galaxy A54 స్మార్ట్ ఫోన్
- 120 హెర్ట్జ్ అమోలెడ్ డిస్ప్లేతో వస్తోన్న Samsung Galaxy A54
- 5000 ఎంఏహెచ్ బ్యాటరీతో రానున్న Samsung Galaxy A54
Samsung Galaxy A54 స్మార్ట్ ఫోన్ త్వరలోనే లాంచ్ కానుంది. కొత్త సంవత్సరంలోకి అడుగుపెట్టిన సందర్భంగా శాంసంగ్ నుంచి పలు ఫోన్లు లాంచ్ కాబోతున్నాయి. సాధారణంగా ప్రతీ కొత్త సంవత్సరం ప్రారంభంలో శాంసంగ్ ఫోన్లను లాంచ్ చేస్తూ వస్తోంది. త్వరలో శాంసంగ్ నుంచి గెలాక్సీ ఏ-సిరీస్, ఎమ్-సిరీస్, ఎఫ్-సిరీస్ ఫోన్లు భారత్ లో లాంచ్ అవ్వనున్నాయి. ఇక ఏ-సిరీస్ లో గెలాక్సీ ఏ14 5జీ, గెలాక్సీ ఏ34 5జీ, గెలాక్సీ ఏ54 5జీ ఫోన్లు ఎంట్రీ ఇవ్వనున్నాయి.
Samsung Galaxy A54 స్మార్ట్ ఫోన్ ఏ-సిరీస్ లో ప్రీమియమ్ ఫోన్ గా ఎంట్రీ ఇవ్వనుంది. ఏ74 రద్దు నిర్ణయంతో ఇకపై ఏ-సిరీస్ లో ఏ54 టాప్ ఎండ్ మోడల్ గా నిలవనుంది. సరే, ఓసారి Samsung Galaxy A54 యొక్క లీకైన స్పెసిఫికేషన్స్ మరియు ఇతర ఫీచర్లు ఎలా ఉన్నాయో తెలుసుకుందాం పదండి.
Samsung Galaxy A54 5G స్పెసిఫికేషన్స్ (అంచనా)
Samsung Galaxy A54 స్మార్ట్ ఫోన్ 2023 తొలి త్రైమాసికంలో లాంచ్ కాబోయే ప్రీమియమ్ 5జీ ఫోన్. ఈ ఫోన్ స్పెసిఫికేషన్స్ ఆన్ లైన్లో లీక్ అయ్యాయి. ప్రముఖ టిప్ స్టర్ యోగేశ్ బ్రార్ ఈ ఫోన్ యొక్క స్పెసిఫికేషన్స్ ని లీక్ చేశాడు. Samsung Galaxy A54 స్మార్ట్ ఫోన్ లో 6.4-ఇంచ్ ఫుల్ హెచ్డీ+ అమోలెడ్ డిస్ప్లే, 120 హెర్ట్జ్ రిఫ్రెష్ రేట్, ఇన్-డిస్ప్లే ఫింగర్ ప్రింట్ స్కానర్, ఏఐ ఫేస్ అన్ లాక్ ఉంటాయి.
Samsung Galaxy A54 స్మార్ట్ ఫోన్ లో ఎగ్జినోస్ 1380 చిప్సెట్ వాడనున్నట్లు సమాచారం. ఈ ఫోన్ 8జిబి వరకు ర్యామ్ వేరియంట్స్ లో లభించనుంది. 6జిబి/8జిబి ర్యామ్, 128జిబి/256జిబి స్టోరేజీ వేరియంట్స్ లో ఫోన్ లభిస్తుంది. Samsung Galaxy A54 లో ట్రిపుల్ రియర్ కెమెరా సెటప్ ఉంటుంది. ఇందులో 50ఎంపి ప్రైమరీ ఓఐఎస్ కెమెరా, 12ఎంపి అల్ట్రావైడ్ కెమెరా, 5ఎంపి మ్యాక్రో కెమెరా, ఎల్ఈడీ ఫ్లాష్ ఉంటాయి. సెల్ఫీలు, వీడియో కాల్స్ కోసం ఇందులో 32 ఎంపి ఫ్రంట్ కెమెరా ఉంటుంది.
Samsung Galaxy A54 ఫోన్ లో 5000 ఎంఏహెచ్ బ్యాటరీ ఉంటుంది. ఇది 25 వాట్ ఫాస్ట్ చార్జింగ్ కి సపోర్ట్ చేస్తుంది. ఈ ఫోన్ ఐపీ67 రేటింగ్ తో రానుంది. Samsung Galaxy A54 ఫోన్ ఆండ్రాయిడ్ 13 ఓఎస్ ఆధారిత వన్ యూఐ 5.0 కస్టమ్ స్కిన్ పై పని చేస్తుంది. ఈ ఫోన్ లైమ్ గ్రీన్, పర్పుల్, బ్లాక్, వైట్ కలర్ ఆప్షన్స్ లో లభించనుంది. Samsung Galaxy A54 ఫోన్ 158.3 మిల్లీ మీటర్ల పొడవు, 76.7 మిల్లీ మీటర్ల వెడల్పు, 8.2 మిల్లీ మీటర్ల మందం ఉంటుంది.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.