ప్రముఖ స్మార్ట్ఫోన్ బ్రాండ్ Samsung త్వరలో Galaxy A55, Galaxy F55 ఫోన్లను లాంచ్ చేయనుంది. తాజాగా ఈ ఫోన్లు బ్లూటూత్ ఎస్ఐజీ వెబ్సైట్ పై లిస్ట్ అయ్యాయి. 91mobiles ఈ ఫోన్లను బ్లూటూత్ ఎస్ఐజీ పై గుర్తించింది. ఎఫ్55 ఫోన్ త్వరలో ఎమ్55 అనే పేరుతో రీబ్రాండ్ అయి లాంచ్ అయ్యే అవకాశం ఉంది. శాంసంగ్ గత కొన్నేళ్ళుగా ఇలా రీబ్రాండ్ వర్షన్స్ ని లాంచ్ చేస్తూ వస్తోంది. సరే, ఓసారి Samsung Galaxy A55 మరియు Samsung Galaxy F55 డివైజెస్ యొక్క సర్టిఫికేషన్ వివరాలను మరియు అంచనా స్పెసిఫికేషన్స్ ను తెలుసుకుందాం పదండి.
బ్లూటూత్ ఎస్ఐజీ పై లిస్టైన Samsung Galaxy A55, F55
- Samsung Galaxy A55 5G డివైజ్ SM-A5560 మరియు SM-A5565 మోడల్ నంబర్లతో బ్లూటూత్ ఎస్ఐజీ పై కనిపించింది. లిస్టింగ్ ద్వారా రెండు మోడల్స్ కూడా బ్లూటూత్ 5.3 కనెక్టివిటీతో వస్తున్నట్లు కన్ఫర్మ్ అయ్యింది.
- మరోవైపు Samsung Galaxy F55 5G కూడా బ్లూటూత్ ఎస్ఐజీ పై కనిపించింది. ఈ ఫోన్ SM-E556B_DS అనే మోడల్ నంబర్ తో లిస్ట్ అయ్యింది.
- Samsung Galaxy F55 5G డివైజ్ బ్లూటూత్ 5.2 కనెక్టివిటీతో బ్లూటూత్ ఎస్ఐజీ వెబ్సైట్ పై కనిపించింది.
- గతంలో గెలాక్సీ ఎఫ్-సిరీస్ ఫోన్లు ఒకే తరహా స్పెసిఫికేషన్స్ తో ఎమ్-సిరీస్ ఫోన్లుగా లాంచ్ అయ్యాయి. దీన్ని బట్టి, త్వరలో రాబోవు Galaxy M55 డివైజ్ బ్లూటూత్ 5.2 కనెక్టివిటీతో వచ్చే అవకాశం ఉంది.
- సరే, ఓసారి గత మోడల్ Samsung Galaxy F54 5G యొక్క స్పెసిఫికేషన్స్ తెలుసుకుందాం పదండి.
Samsung Galaxy F54 5G స్పెసిఫికేషన్స్
- డిస్ప్లే: Samsung Galaxy F54 5G లో 6.7-ఇంచ్ ఫుల్ హెచ్డీ+ సూపర్ అమోలెడ్ ప్లస్ ఇన్ఫినిటీ-ఓ డిస్ప్లే, 120 హెర్ట్జ్ రిఫ్రెష్ రేట్, పంచ్-హోల్ కటౌట్, 20:9 యాస్పెక్ట్ రేషియో ఉన్నాయి.
- ప్రాసెసర్: Samsung Galaxy F54 5G లో ఎగ్జినోస్ 1380 చిప్సెట్, మాలి-జీ68 ఎంపీ5 జీపీయూ ఉన్నాయి.
- ర్యామ్, స్టోరేజీ: ఈ ఫోన్ లో 8జిబి ర్యామ్ మరియు 128జిబి/256జిబి స్టోరేజీ ఉన్నాయి. మైక్రోఎస్డీ కార్డ్ ద్వారా మెమొరీని పెంచుకునే వీలుంది.
- ఓఎస్: Samsung Galaxy F54 5G డివైజ్ ఆండ్రాయిడ్ 13 ఓఎస్ ఆధారిత వన్ యూఐ 5.1 కస్టమ్ స్కిన్ పై పని చేస్తుంది. కంపెనీ ఈ ఫోన్ కి 4 ఏళ్ళ పాటు ఓఎస్ అప్డేట్స్ మరియు 5 ఏళ్ళ పాటు సెక్యూరిటీ అప్డేట్స్ ని హామీ ఇస్తోంది.
- కెమెరా: Samsung Galaxy F54 5G లో 108ఎంపి ప్రైమరీ కెమెరా, 8ఎంపి అల్ట్రావైడ్ యాంగిల్ లెన్స్, 2ఎంపి మ్యాక్రో కెమెరా ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 32ఎంపి ఫ్రంట్ కెమెరా అందించారు.
- బ్యాటరీ: Samsung Galaxy F54 5G లో పవర్ బ్యాకప్ కోసం 6,000 ఎంఏహెచ్ బ్యాటరీ అందించారు. ఇది 25 వాట్ ఫాస్ట్ చార్జింగ్ కి సపోర్ట్ చేస్తుంది.
- డైమెన్షన్స్: ఈ డివైజ్ 164.9 మి.మీ పొడవు, 77.3 మి.మీ వెడల్పు, 8.4 మి.మీ మందం, 199 గ్రాముల బరువు ఉంటుంది.