వచ్చే వారం బడ్జెట్ ఫ్రెండ్లీ స్మార్ట్‌ఫోన్ Samsung Galaxy F04 లాంచ్ అయ్యే అవకాశం

హైలైట్స్

• జనవరి మొదటి వారంలో భారత్ లో లాంచ్ కానున్న Samsung Galaxy F04
• భారత్ లో ఈ ఫోన్ ధర రూ.7,000 గా ఉండే అవకాశం. ఫ్లిప్ కార్ట్ ద్వారా సేల్ కి రానున్న హ్యాండ్సెట్
• 6.5-ఇంచ్ హెచ్డీ+ డిస్ప్లే, ర్యామ్ ప్లస్ ఫీచర్, 8జిబి ర్యామ్ తో లాంచ్ కానున్న Samsung Galaxy F04 స్మార్ట్ ఫోన్

Samsung Galaxy F04 స్మార్ట్ ఫోన్ త్వరలోనే భారత్ లో లాంచ్ అవుతోంది. రూ.8000 లోపు ధరలో ఈ ఫోన్ రానుంది. చాలా రోజుల తర్వాత శాంసంగ్ నుంచి ఎఫ్-సిరీస్ డివైజ్ భారత మార్కెట్ లోకి వస్తోంది. వచ్చే వారం అనగా 2023 జనవరి మొదటి వారంలో ఈ ఫోన్ భారత్ లో ప్రవేశిస్తోంది. ర్యామ్ ప్లస్ ఫీచర్, డ్యూయల్ రియర్ కెమెరా, భారీ బ్యాటరీతో ఈ ఫోన్ వస్తోంది.

Samsung Galaxy F04 ధర, స్పెసిఫికేషన్స్ (అంచనా)

Samsung Galaxy F04 త్వరలో భారత్ లో లాంచ్ అవుతోంది. జనవరి మొదటి వారంలో ఈ ఫోన్ లాంచ్ ఉంటుందని సమాచారం. ఈ ఫోన్ ధర రూ.7,499 గా ఉంటుందని అందరూ అంచనా వేస్తున్నారు. అయితే కంపెనీ నుంచి ఈ ఫోన్ కి సంబంధించిన స్పెసిఫికేషన్స్ గురించి ఇంతవరకు ఏ విషయం బయటకు రాలేదు. అయితే Samsung Galaxy F04 ర్యామ్ ప్లస్ ఫీచర్ తో కూడిన 8జిబి ర్యామ్ కెపాసిటీతో వస్తున్నట్లు సమాచారం. అలాగే ఈ ఫోన్ లో 6.5-ఇంచ్ హెచ్డీ+ వాటర్ డ్రాప్ నాచ్ డిస్ప్లే ఉంటుందని కన్ఫర్మ్ అయ్యింది.

Samsung Galaxy F04 ఎంట్రీ లెవెల్ యూజర్లను దృష్టిలో పెట్టుకుని తీసుకొస్తున్నారు. తక్కువ బడ్జెట్ లో ఫోన్ కొనాలని భావించే వారికి ఈ ఫోన్ సరైన ఆప్షన్ అని చెప్పవచ్చు. ఇంకా ర్యామ్ ప్లస్ ఫీచర్ కూడా ఉండటం చేత, ఎంట్రీ లెవెల్ ఫోన్ అయినప్పటికీ, 8జిబి వరకు ర్యామ్ యూజర్ కి లభిస్తుంది. దీంతో Samsung Galaxy F04 మల్టీ టాస్కింగ్ విషయంలో అద్భుతంగా పని చేస్తుందని చెప్పవచ్చు.

Samsung Galaxy A04e విశేషాలు

ఇప్పుడు ఇటీవలె శాంసంగ్ నుంచి మార్కెట్ లోకి వచ్చిన Samsung Galaxy A04e గురించి తెలుసుకుందాం. ఈ ఫోన్ ప్రారంభ ధర రూ.9,299. ఈ ఫోన్ లో 6.5-ఇంచ్ హెచ్డీ+ డిస్ప్లే, 13 మెగా పిక్సెల్ డ్యూయల్ రియర్ కెమెరా, మీడియాటెక్ హీలియో పీ35 చిప్సెట్, 5000 ఎంఏహెచ్ బ్యాటరీతో లాంచైంది.

Samsung Galaxy A04e స్మార్ట్ ఫోన్ రూ.9,299 ధరతో లాంచైంది. ఇది 3జిబి ర్యామ్ + 32జిబి స్టోరేజీ బేస్ వేరియంట్ ధర. ఇదే కాకుండా, Samsung Galaxy A04e 3జిబి ర్యామ్ + 64జిబి స్టోరేజీ వేరియంట్ లో కూడా లభిస్తుంది. దీని ధర రూ.9,999 గా నిర్ణయించారు. ఇకపోతే 4జిబి ర్యామ్ + 128జిబి స్టోరేజీ వేరియంట్ ధర రూ.11,499.

Samsung Galaxy A04e స్మార్ట్ ఫోన్ లో 6.5-ఇంచ్ హెచ్డీ+ వాటర్ డ్రాప్ నాచ్ ఎల్సీడీ డిస్ప్లే, 720*1600 పిక్సెల్ రెజుల్యూషన్, మీడియాటెక్ హీలియో పీ35 ప్రాసెసర్ ఉన్నాయి. ఈ ఫోన్ ఆండ్రాయిడ్ 12 ఓఎస్ పై పని చేస్తుంది. ఈ ఫోన్ కూడా ర్యామ్ ప్లస్ ఫీచర్ తో వచ్చింది. దీంతో ర్యామ్ ని 4జిబి వరకు పెంచుకోవచ్చు.

Samsung Galaxy A04e లో 13 ఎంపి మెయిన్ కెమెరా, 2ఎంపి డెప్త్ కెమెరా, ఎల్ఈడీ ఫ్లాష్, 5ఎంపి ఫ్రంట్ కెమెరా ఉన్నాయి. పవర్ బ్యాకప్ కోసం ఇందులో 5000 ఎంఏహెచ్ బ్యాటరీ అందించారు.

లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్‌బుక్ పేజీని లైక్ చేసి ఫాలో అవ్వండి.