ప్రముఖ స్మార్ట్ఫోన్ బ్రాండ్ Samsung త్వరలో ఒక కొత్త ఎఫ్-సిరీస్ ఫోన్ లాంచ్ చేయనుంది. Samsung Galaxy F15 5G పేరుతో ఈ ఫోన్ మార్కెట్ లోకి రానుంది. మార్చి 4న Samsung Galaxy F15 5G డివైజ్ భారత్ లో లాంచ్ అవుతోంది. మిడ్-బడ్జెట్ ఫోన్ గా వస్తోన్న ఈ డివైజ్ 6,000 ఎంఏహెచ్ బ్యాటరీ, సూపర్ అమోలెడ్ స్క్రీన్ వంటి స్పెసిఫికేషన్స్ ని కలిగి ఉంది. Samsung Galaxy F15 5G డివైజ్ ఈ-కామర్స్ సైట్ ఫ్లిప్కార్ట్ ద్వారా సేల్ కి వస్తోంది.
Samsung Galaxy F15 5G ఇండియా లాంచ్
- Samsung Galaxy F15 5G డివైజ్ యొక్క ప్రొడక్ట్ పేజీని ఫ్లిప్కార్ట్ పై శాంసంగ్ అఫీషియల్ గా ప్రదర్శిస్తోంది.
- Samsung Galaxy F15 5G డివైజ్ మార్చి 4న భారత్ లో లాంచ్ అవుతోందని మైక్రో-సైట్ ద్వారా తెలుస్తోంది.
- Samsung Galaxy F15 5G ధర, సేల్ తేదీ మార్చి 4న మధ్యాహ్నం 12 గంటలకు ప్రకటించబడనుంది.
- లాంచ్ తేదీ ప్రకటనతో పాటు, Samsung Galaxy F15 5G యొక్క ఫోటోలను మరియు ఎన్నో ముఖ్యమైన ఫీచర్స్, స్పెసిఫికేషన్స్ ని కంపెనీ షేర్ చేసింది.
Samsung Galaxy F15 5G స్పెసిఫికేషన్స్
- డిస్ప్లే: Samsung Galaxy F15 5G లో సూపర్ అమోలెడ్ స్క్రీన్, వాటర్ డ్రాప్ నాచ్ కటౌట్, 120 హెర్ట్జ్ రిఫ్రెష్ రేట్ ఉంటాయి. స్క్రీన్ సైజ్ ఇంకా తెలియదు. 6.5-ఇంచుల పైనే ఉండొచ్చు.
- ప్రాసెసర్: Samsung Galaxy F15 5G లో మీడియాటెక్ డైమెన్సిటీ 6100+ చిప్సెట్ ఉంటుంది. ఇది 6 నానోమీటర్ ఫ్యాబ్రికేషన్ పై తయారైంది.
- ఓఎస్: Samsung Galaxy F15 5G డివైజ్ ఆండ్రాయిడ్ 14 ఓఎస్ ఆధారిత వన్యూఐ 6 కస్టమ్ స్కిన్ తో వస్తోంది. 4 ఏళ్లు మేజర్ ఓఎస్ అప్డేట్స్, 5 ఏళ్ళు సెక్యూరిటీ అప్డేట్స్ ఈ ఫోన్ కి లభిస్తాయి. అంటే ఆండ్రాయిడ్ 14 తో లాంచై, ఆండ్రాయిడ్ 18 వరకు అప్గ్రేడ్ పొందుతుంది.
- బ్యాటరీ: Samsung Galaxy F15 5G లో పవర్ బ్యాకప్ కోసం 6,000 ఎంఏహెచ్ బ్యాటరీ ఉంటుంది. ఇది 25 వాట్ ఫాస్ట్ చార్జింగ్ సపోర్ట్ తో వచ్చే అవకాశం ఉంది.
- కెమెరా: Samsung Galaxy F15 5G డివైజ్ లో ట్రిపుల్ రియర్ కెమెరా సెటప్ ఉంటుంది. ఇందులో 50ఎంపి మెయిన్ కెమెరా, అల్ట్రావైడ్ లెన్స్, మ్యాక్రో కెమెరా ఉంటాయి. కెమెరా సెటప్ బ్యాక్ ప్యానెల్ పై నిలువుగా అమర్చబడి ఉంటుంది.
