లీకైన Samsung Galaxy F54 5G భారత మార్కెట్ ధర; మే నెలలో లాంచ్ కానున్న హ్యాండ్సెట్!

శాంసంగ్ సంస్థ త్వరలో గెలాక్సీ ఎఫ్-సిరీస్ లో ఒక కొత్త స్మార్ట్ ఫోన్ ని లాంచ్ చేయనుందని సమాచారం. ఈ కొరియన్ టెక్నాలజీ దిగ్గజం ప్రస్తుతం Samsung Galaxy F54 5G డివైజ్ పై పని చేస్తుందని తెలుస్తోంది. ఈ ఫోన్ భారత్ లో కూడా లాంచ్ కానుంది. అయితే శాంసంగ్ ఇంకా వివరాలను స్పష్టం చేయాల్సి ఉంది. టిప్‌స్టర్ GadgetsData Samsung Galaxy F54 5G అంచనా లాంచ్ టైమ్ లైన్ ని రివీల్ చేసింది. అలాగే ఈ ఫోన్ ధరను కూడా రివీల్ చేసింది.

సరే, ఓసారి Samsung Galaxy F54 5G డివైజ్ భారత మార్కెట్ ధర, స్పెసిఫికేషన్స్, లాంచ్ టైమ్ లైన్ తదితర వివరాలను తెలుసుకుందాం పదండి.

Samsung Galaxy F54 5G ధర, లభ్యత (అంచనా)

Samsung Galaxy F54 5G స్మార్ట్ ఫోన్ భారత్ లో మిడ్ రేంజ్ డివైజ్ గా వస్తోంది. ఈ స్మార్ట్ ఫోన్ త్వరలోనే ఫ్లిప్ కార్ట్ ద్వారా లాంచ్ అవుతుందని అంచనా వేస్తున్నారు. ఎందుకంటే మామూలుగా ఎఫ్-సిరీస్ డివైజెస్ ఫ్లిప్ కార్ట్ ద్వారానే సేల్ కి వస్తాయి. Samsung Galaxy F54 5G విషయంలో కూడా ఇదే జరగనుందని భావిస్తున్నారు.

టిప్‌స్టర్ దేబయాన్ రాయ్ (గ్యాడ్జెట్స్ డేటా), Samsung Galaxy F54 5G డివైజ్ భారత్ లో రానున్న రెండు లేదా మూడు వారాల్లో లాంచ్ కానుందని తెలిపింది. అయితే టిప్‌స్టర్ లాంచ్ తేదీని రివీల్ చేయలేదు. కానీ, భారత్ లో ధర మాత్రం రూ.30,000 లోపు ఉంటుందని తెలిపింది. ఫోన్ బేస్ మోడల్ రూ.26,000 నుంచి రూ.27,000 మధ్య ఉండే అవకాశం ఉంది. ర్యామ్, స్టోరేజీ వివరాలు బయటకు రాలేదు.

Samsung Galaxy F54 5G స్పెసిఫికేషన్స్ (లీక్)

డిస్ప్లే

• అమోలెడ్ డిస్ప్లే
• 120 హెర్ట్జ్ రిఫ్రెష్ రేట్

Samsung Galaxy F54 5G స్మార్ట్ ఫోన్ లో 6.7-ఇంచ్ అమోలెడ్ డిస్ప్లే, 120 హెర్ట్జ్ రిఫ్రెష్ రేట్, కార్నింగ్ గొరిల్లా గ్లాస్ 5 ఉంటాయని టిప్ స్టార్ ద్వారా తెలుస్తోంది.

ప్రాసెసర్

• ఎగ్జినోస్

Samsung Galaxy F54 5G డివైజ్ లో ఎగ్జినోస్ 1380 చిప్సెట్ ఉంటుందని సమాచారం.

బ్యాటరీ, చార్జింగ్

• 6000mAh
• 25W

Samsung Galaxy F54 5G డివైజ్ లో 6000 ఎంఏహెచ్ బ్యాటరీ, 25 వాట్ ఫాస్ట్ చార్జింగ్ ఉంటాయని సమాచారం.

కెమెరా విభాగం

• 108ఎంపి మెయిన్ కెమెరా
• 32ఎంపి ఫ్రంట్ కెమెరా

Samsung Galaxy F54 5G స్మార్ట్ ఫోన్ లో 108ఎంపి మెయిన్ కెమెరా ఆప్టికల్ ఇమేజ్ స్టెబిలైజేషన్ తో వస్తుందని సమాచారం. దీనికి తోడు 8ఎంపి అల్ట్రావైడ్ కెమెరా, 2ఎంపి మ్యాక్రో లెన్స్ ఉండనున్నాయి. సెల్ఫీస్, వీడియో కాల్స్ కోసం 32ఎంపి ఫ్రంట్ కెమెరా ఉంటుంది.

కనెక్టివిటీ

• వై-ఫై 6

Samsung Galaxy F54 5G స్మార్ట్ ఫోన్ లో హైబ్రిడ్ సిమ్ స్లాట్, వై-ఫై 6, సైడ్-మౌంటెడ్ ఫింగర్ ప్రింట్ స్కానర్, జీపీఎస్, బ్లూటూత్ వంటి కనెక్టివిటీ ఆప్షన్స్ ఉంటాయి.

ఓఎస్

• ఆండ్రాయిడ్ 13

Samsung Galaxy F54 5G స్మార్ట్ ఫోన్ ఆండ్రాయిడ్ 13 ఓఎస్ ఆధారిత వన్‌యూఐ 5.1 కస్టమ్ స్కిన్ ఉంటుందని సమాచారం.