లీకైన Samsung Galaxy F54 5G ధర, ప్రధాన స్పెసిఫికేషన్స్!

ప్రముఖ స్మార్ట్ ఫోన్ బ్రాండ్ శాంసంగ్ త్వరలోనే గెలాక్సీ-ఎఫ్ సిరీస్ లో ఓ ఫోన్ ని లాంచ్ చేయనుంది. Samsung Galaxy F54 5G పేరుతో రానున్న ఈ అప్పర్-మిడ్ రేంజ్ స్మార్ట్ ఫోన్ యొక్క లాంచ్ తేదీని శాంసంగ్ ఇంకా ఖరారు చేయలేదు. ఈ-కామర్స్ దిగ్గజం ఫ్లిప్‌కార్ట్ ద్వారా ఈ ఫోన్ సేల్ కి వచ్చే అవకాశం ఉంది. తాజాగా ఓ లీక్ ద్వారా Samsung Galaxy F54 5G డివైజ్ ప్రధాన స్పెసిఫికేషన్స్, ఫీచర్స్ రివీల్ అయ్యాయి.

టిప్‌స్టర్స్ ముకుల్ శర్మ (స్టఫ్‌లిస్టింగ్స్) Samsung Galaxy F54 5G డివైజ్ ధరను కూడా రివీల్ చేశారు. సరే, ఓసారి ఈ డివైజ్ భారత మార్కెట్ ధర, స్పెసిఫికేషన్స్ తదితర వివరాలు తెలుసుకుందాం పదండి.

See more

Samsung #GalaxyF54 5G to feature Nightography and Super-Steady OIS.
120Hz AMOLED
108MP + 8MP + 2MP/32MP front
Price will be around ₹33,000

The device is soon going to launch in India.#Samsung #SamsungGalaxyF54 pic.twitter.com/MbyZPxYtw7

— Mukul Sharma (@stufflistings) May 21, 2023

లీకైన Samsung Galaxy F54 5G ధర

కొత్త లీక్ ప్రకారం, Samsung Galaxy F54 5G డివైజ్ భారత్ లో రూ.35,000 లోపు ధరతో లాంచ్ కానుందని సమాచారం. భారత్ లో ఈ ఫోన్ ప్రీమియమ్ గెలాక్సీ-ఎఫ్ సిరీస్ హ్యాండ్సెట్ గా నిలవనుంది. ఈ ఫోన్ ప్రారంభ ధర రూ.33,000 గా ఉంటుందని టిప్‌స్టర్ ముకుల్ అంటున్నారు. అయితే ర్యామ్, స్టోరేజీ ఆప్షన్స్ ని అతను రివీల్ చేయలేదు. 8జిబి ర్యామ్, 256జిబి స్టోరేజీతో ఈ ఫోన్ లాంచ్ అవుతుందని అంచనా వేయవచ్చు.

Samsung Galaxy F54 5G స్పెసిఫికేషన్స్ (రూమర్స్)

డిస్ప్లే

• 120హెర్ట్జ్ రిఫ్రెష్ రేట్
• అమోలెడ్ డిస్ప్లే

Samsung Galaxy F54 5G స్మార్ట్ ఫోన్ లో అమోలెడ్ డిస్ప్లే, 6.7-ఇంచ్ స్క్రీన్, ఫుల్ హెచ్డీ+ రెజుల్యూషన్, 120 హెర్ట్జ్ రిఫ్రెష్ రేట్ ఉండే అవకాశం ఉంది. ఈ ఫోన్ శాంసంగ్ ఎమ్54 5జీ యొక్క రీబ్యాడ్జ్డ్ వర్షన్ అని అంటున్నారు. ఈ తరుణంలో, స్పెసిఫికేషన్స్ కూడా ఒకే విధంగా ఉంటాయని భావించవచ్చు.

చిప్సెట్, ఓఎస్

• ఎగ్జినోస్ 1380
• ఆండ్రాయిడ్ 13

Samsung Galaxy F54 5G స్మార్ట్ ఫోన్ లో ఎగ్జినోస్ 1380 చిప్సెట్ వాడినట్లు సమాచారం. ఈ ఫోన్ ఆండ్రాయిడ్ 13 ఓఎస్ ఆధారిత వన్‌యూఐ కస్టమ్ స్కిన్ పై పని చేయనుంది.

కెమెరా విభాగం

• 108ఎంపి రియర్ కెమెరా
• 32ఎంపి ఫ్రంట్ కెమెరా

Samsung Galaxy F54 5G స్మార్ట్ ఫోన్ లో ట్రిపుల్ రియర్ కెమెరా సెటప్ ఉంటుంది. ఇందులో 108ఎంపి ఓఐఎస్ మెయిన్ కెమెరా, 8ఎంపి అల్ట్రావైడ్ యాంగిల్ లెన్స్, 2ఎంపి మ్యాక్రో లెన్స్ ఉంటాయని టిప్‌స్టర్ ద్వారా తెలుస్తోంది. ఇకపోతే, సెల్ఫీస్, వీడియో కాల్స్ కోసం ఈ ఫోన్ లో 32ఎంపి ఫ్రంట్ కెమెరా ఉంటుంది.

బ్యాటరీ, కనెక్టివిటీ

• 6000 ఎంఏహెచ్
• 5జీ

Samsung Galaxy F54 5G స్మార్ట్ ఫోన్ లో పవర్ బ్యాకప్ కోసం 6000 ఎంఏహెచ్ బ్యాటరీ ఉంటుంది. ఇది 25 వాట్ ఫాస్ట్ చార్జింగ్ కి సపోర్ట్ చేస్తుంది. భద్రత కోసం ఈ ఫోన్ లో సైడ్ మౌంటెడ్ ఫింగర్ ప్రింట్ స్కానర్, ఏఐ ఫేస్ అన్‌లాక్ ఇవ్వనున్నారు. యూఎస్బీ టైప్-సీ పోర్ట్, వై-ఫై, 5జీ, 4జీ, బ్లూటూత్, జీపీఎస్ వంటి కనెక్టివిటీ ఆప్షన్స్ ఈ ఫోన్ లో ఉన్నాయి.