ప్రముఖ స్మార్ట్ఫోన్ బ్రాండ్ Samsung నేడు భారతీయ మార్కెట్ లో ఒక కొత్త ఎఫ్-సిరీస్ ఫోన్ లాంచ్ చేసింది. Samsung Galaxy F55 5G పేరుతో ఈ డివైజ్ మార్కెట్ లోకి వచ్చింది. ఈ ఫోన్ లో ఎన్నో ఆకట్టుకునే ఫీచర్లు ఉన్నాయి. 6.7-ఇంచ్ భారీ సూపర్ అమోలెడ్ ప్లస్ స్క్రీన్, స్నాప్డ్రాగన్ 7 జెన్ 1 చిప్సెట్, 50ఎంపి ఫ్రంట్ కెమెరా, 5000 ఎంఏహెచ్ బ్యాటరీ, 45 వాట్ ఫాస్ట్ చార్జింగ్ సపోర్ట్ వంటి స్పెసిఫికేషన్స్ ఈ డివైజ్ లో ఉన్నాయి. ఓసారి Samsung Galaxy F55 5G యొక్క ధర, లభ్యత మరియు పూర్తి స్పెసిఫికేషన్స్ తెలుసుకుందాం పదండి.
Samsung Galaxy F55 5G ధర
Samsung Galaxy F55 5G డివైజ్ 3 స్టోరేజీ వేరియంట్స్ లో లాంచ్ అయ్యింది. ఓసారి వీటి ధరలు తెలుసుకుందాం.
Samsung Galaxy F55 5G 8జిబి ర్యామ్ + 128జిబి స్టోరేజీ మోడల్ ధరను రూ.26,999 గా నిర్ణయించారు. మిడ్ మోడల్ 8జిబి + 256జిబి ధర రూ.29,999 గా ఉంది.
Samsung Galaxy F55 5G 12జిబి ర్యామ్ + 256జిబి టాప్ మోడల్ ధరను రూ.32,999 గా పెట్టారు.
ఈ-కామర్స్ ప్లాట్ఫామ్ ఫ్లిప్కార్ట్ పై ఎర్లీబర్డ్ సేల్ నేడు రాత్రి 7 గంటలకు మొదలవుతుంది.
Samsung Galaxy F55 5G కొనుగోలుపై రూ.2,000 ఇన్స్టంట్ బ్యాంక్ డిస్కౌంట్ లభిస్తుంది.
నేడే ఈ ఫోన్ని కొనేవారికి 45 వాట్ అడాప్టర్ కేవలం రూ.499 కి లభిస్తుంది. అంతేకాదు, ఫిట్ 3 స్మార్ట్బ్యాండ్ రూ.1,999 కే లభిస్తుంది.
Samsung Galaxy F55 5G డివైజ్ రెజిన్ బ్లాక్ మరియు ఆప్రికాట్ క్రష్ కలర్ ఆప్షన్స్ లో లభిస్తుంది.
Samsung Galaxy F55 5G స్పెసిఫికేషన్స్
డిస్ప్లే: Samsung Galaxy F55 5G లో 6.7-ఇంచ్ ఫుల్ హెచ్డీ+ స్క్రీన్, సూపర్ అమోలెడ్ ప్లస్ ప్యానెల్, 120 హెర్ట్జ్ రిఫ్రెష్ రేట్, 1080*2400 పిక్సెల్స్ రెజుల్యూషన్, 1000 నిట్స్ పీక్ బ్రైట్నెస్ ఉన్నాయి.
ప్రాసెసర్: Samsung Galaxy F55 5G లో క్వాల్కమ్ స్నాప్డ్రాగన్ 7 జెన్ 1 చిప్సెట్ వాడారు. ఇది 4 నానోమీటర్ ఫ్యాబ్రికేషన్ పై తయారైంది.
ర్యామ్, స్టోరేజీ: Samsung Galaxy F55 5G డివైజ్ 12జిబి వరకు ర్యామ్, 256జిబి వరకు స్టోరేజీ ఆప్షన్స్ లో లభిస్తుంది.
కెమెరా: Samsung Galaxy F55 5G లో ట్రిపుల్ రియర్ కెమెరా సెటప్ ఉంది. ఇందులో 50ఎంపి ఓఐఎస్ ప్రైమరీ కెమెరా, 8ఎంపి అల్ట్రావైడ్ లెన్స్, 2ఎంపి మ్యాక్రో కెమెరా ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 50ఎంపి ఫ్రంట్ కెమెరా ఉంది.
బ్యాటరీ: Samsung Galaxy F55 5G లో పవర్ బ్యాకప్ కోసం 5000 ఎంఏహెచ్ బ్యాటరీ ఇచ్చారు. ఇది 45 వాట్ ఫాస్ట్ చార్జింగ్ కి సపోర్ట్ చేస్తుంది.
సాఫ్ట్వేర్: Samsung Galaxy F55 5G డివైజ్ ఆండ్రాయిడ్ 14 ఓఎస్ ఆధారిత వన్యూఐ కస్టమ్ స్కిన్ పై పని చేస్తుంది.
ఇతర ఫీచర్లు: Samsung Galaxy F55 5G లో డ్యూయల్ సిమ్, 5జీ, 4జీ, బ్లూటూత్, వై-ఫై, ఐపీ67 వాటర్ అండ్ డస్ట్ రెసిస్టన్స్ సర్టిఫికేషన్, ఇన్-డిస్ప్లే ఫింగర్ ప్రింట్ స్కానర్ ఉన్నాయి.