ప్రముఖ స్మార్ట్ఫోన్ బ్రాండ్ Samsung త్వరలో ఒక కొత్త ఎఫ్-సిరీస్ ఫోన్ని లాంచ్ చేయనుంది. Samsung Galaxy F55 5G పేరుతో ఈ ఫోన్ మార్కెట్ లోకి రానుంది. ఇప్పటికే ఈ విషయమై శాంసంగ్ ఒక ప్రకటన చేసింది. అయితే కచ్చితమైన లాంచ్ తేదీని ప్రకటించలేదు. తాజాగా ఈ ఫోన్ బెంచ్మార్కింగ్ ప్లాట్ఫామ్ గీక్బెంచ్ పై లిస్ట్ అయ్యింది. దీంతో ప్రధాన స్పెసిఫికేషన్స్ రివీల్ అయ్యాయి. ఓసారి ఆ విశేషాలను తెలుసుకుందాం.
Samsung Galaxy F55 5G గీక్బెంచ్ లిస్టింగ్
Samsung Galaxy F55 5G డివైజ్ గీక్బెంచ్ పై SM-E556B అనే మోడల్ నంబర్ తో లిస్ట్ అయ్యింది.
ఈ ఫోన్ సింగిల్-కోర్ టెస్ట్ లో 843 పాయింట్లు, మల్టీ-కోర్ట్ టెస్ట్ లో 2,307 పాయింట్లు స్కోర్ చేసింది.
8జిబి ర్యామ్ తో Samsung Galaxy F55 5G డివైజ్ గీక్బెంచ్ పై లిస్ట్ అయ్యింది.
Taro అనే కోడ్ నేమ్ తో మదర్బోర్డ్ సెక్షన్ కనిపించింది. ఇది క్వాల్కమ్ స్నాప్డ్రాగన్ 7 జెన్ 1 చిప్సెట్ని సూచిస్తోంది. దీని హయ్యస్ట్ క్లాక్ స్పీడ్ 2.40GHz.
ఆండ్రాయిడ్ 14 ఓఎస్ తో ఈ ఫోన్ వస్తున్నట్లు గీక్బెంచ్ లిస్టింగ్ ద్వారా తెలుస్తోంది.
Samsung Galaxy F55 5G ధర (లీక్)
Samsung Galaxy F55 5G స్మార్ట్ఫోన్ 3 స్టోరేజీ వేరియంట్స్ లో లాంచ్ కానుంది. 8జిబి ర్యామ్ + 128జిబి స్టోరేజీ బేస్ వేరియంట్ ధర రూ.26,999 గా ఉంటుంది.
8జిబి ర్యామ్ + 256జిబి స్టోరేజీ మిడ్ వేరియంట్ ధర రూ.29,999 గా ఉంటుంది.
12జిబి ర్యామ్ + 256జిబి స్టోరేజీ టాప్ వేరియంట్ ధర రూ.32,999 గా ఉంటుందని లీక్ ద్వారా తెలుస్తోంది.
Samsung Galaxy F55 5G స్పెసిఫికేషన్స్ (అంచనా)
స్క్రీన్: Samsung Galaxy F55 5G లో 6.7-ఇంచ్ ఫుల్ హెచ్డీ+ డిస్ప్లే, సూపర్ అమోలెడ్ ప్లస్ ప్యానెల్, 120 హెర్ట్జ్ రిఫ్రెష్ రేట్, 1000 నిట్స్ పీక్ బ్రైట్నెస్ ఉంటాయి.
ప్రాసెసర్: Samsung Galaxy F55 5G లో క్వాల్కమ్ స్నాప్డ్రాగన్ 7 జెన్ 1 చిప్సెట్ ఉంటుందని గీక్బెంచ్ ద్వారా తెలుస్తోంది.
ర్యామ్, స్టోరేజీ: Samsung Galaxy F55 5G డివైజ్ 3 స్టోరేజీ వేరియంట్స్ లో లాంచ్ అవుతుంది. అవి: 8జిబి+128జిబి, 8జిబి+256జిబి మరియు 12జిబి+256జిబి.
కెమెరా: Samsung Galaxy F55 5G లో ట్రిపుల్ రియర్ కెమెరా సెటప్ ఉంటుంది. ఇందులో 50ఎంపి ప్రైమరీ ఓఐఎస్ కెమెరా, 8ఎంపి అల్ట్రావైడ్ లెన్స్, 2ఎంపి మ్యాక్రో లెన్స్ ఉంటాయి. సెల్ఫీస్, వీడియో కాల్స్ కోసం ఈ ఫోన్ లో 50ఎంపి ఫ్రంట్ కెమెరా ఉంటుంది.
బ్యాటరీ: Samsung Galaxy F55 5G లో పవర్ బ్యాకప్ కోసం 5000 ఎంఏహెచ్ బ్యాటరీ ఉంటుంది. ఇది 25 వాట్ ఫాస్ట్ చార్జింగ్ కి సపోర్ట్ చేస్తుంది.
కనెక్టివిటీ: Samsung Galaxy F55 5G లో డ్యూయల్ సిమ్, 5జీ, 4జీ, బ్లూటూత్, వై-ఫై, జీపీఎస్, ఎన్ఎఫ్సీ వంటి ఫీచర్లు ఉంటాయి.