ప్రముఖ స్మార్ట్ఫోన్ బ్రాండ్ Samsung నేడు భారతీయ మార్కెట్ లో రెండు కొత్త ఎమ్-సిరీస్ ఫోన్లను లాంచ్ చేసింది. Samsung Galaxy M15 5G మరియు Samsung Galaxy M55 5G పేర్లతో వచ్చిన ఈ ఫోన్లు అమెజాన్ తో పాటు కంపెనీ వెబ్సైట్ మరియు ఇతర రిటైల్ ఔట్లెట్స్ ద్వారా కొనుగోలుకి అందుబాటులో ఉంటాయి. ఈ ఆర్టికల్ లో మనం Samsung Galaxy M15 5G గురించి తెలుసుకుందాం. ఈ ఫోన్ మీడియాటెక్ డైమెన్సిటీ 6100 ప్లస్ చిప్సెట్ ని కలిగి ఉంది. సరే, ఓసారి డివైజ్ యొక్క పూర్తి స్పెసిఫికేషన్స్, ధర మరియు సేల్ వివరాలను తెలుసుకుందాం పదండి.
Samsung Galaxy M15 5G ధర, లభ్యత
Samsung Galaxy M15 5G స్మార్ట్ఫోన్ భారత్ లో రెండు స్టోరేజీ వేరియంట్స్ లో లాంచ్ అయ్యింది. వాటి ధరలు ఎలా ఉన్నాయో తెలుసుకుందాం.
గెలాక్సీ ఎమ్15 5జీ 4జిబి ర్యామ్ + 128జిబి స్టోరేజీ మోడల్ ధరను రూ.13,299 గా నిర్ణయించారు.
గెలాక్సీ ఎమ్15 5జీ 6జిబి ర్యామ్ + 128జిబి స్టోరేజీ వేరియంట్ ధర రూ.14,799 గా ఉంది.
బ్లూ టోపాజ్, సెలెస్టియల్ బ్లూ మరియు స్టోన్ గ్రే కలర్ ఆప్షన్స్ లో ఈ ఫోన్ లభిస్తుంది.
శాంసంగ్ వెబ్సైట్, అమెజాన్ మరియు రిటైల్ ఔట్లెట్స్ ద్వారా డివైజ్ ని కొనుగోలు చేయవచ్చు.
లాంచ్ ఆఫర్ లో భాగంగా, హెచ్డీఎఫ్ఎసీ బ్యాంక్ కార్డ్ పై రూ1,000 ఇన్స్టంట్ డిస్కౌంట్ ని కంపెనీ ఆఫర్ చేస్తోంది. ఇంకా 3 లేదా 6 నెలల కాలపరిమితితో కూడిన నో కాస్ట్ ఈఎంఐ సౌకర్యం కూడా ఉంది.
Samsung Galaxy M15 5G స్పెసిఫికేషన్స్
- డిస్ప్లే: Samsung Galaxy M15 5G లో 6.5-ఇంచ్ ఫుల్ హెచ్డీ+ అమోలెడ్ స్క్రీన్, 19.5:9 యాస్పెక్ట్ రేషియో, 1080*2340 పిక్సెల్ రెజుల్యూషన్, 399 పీపీఐ పిక్సెల్ డెన్సిటీ, 16 మిలియన్ కలర్స్ మరియు 90 హెర్ట్జ్ రిఫ్రెష్ రేట్ ఉన్నాయి.
- ప్రాసెసర్: Samsung Galaxy M15 5G లో మీడియాటెక్ డైమెన్సిటీ 6100 చిప్సెట్ వాడారు.
- ర్యామ్, స్టోరేజీ: Samsung Galaxy M15 5G 4జిబి ర్యామ్ + 128జిబి స్టోరేజీ మరియు 6జిబి ర్యామ్ + 128జిబి స్టోరేజీ మోడల్స్ లో లభిస్తుంది.
- కెమెరా: Samsung Galaxy M15 5G లో ట్రిపుల్ రియర్ కెమెరా సెటప్ ఉంది. ఇందులో 50ఎంపి ప్రైమరీ కెమెరా, 5ఎంపి అల్ట్రావైడ్ లెన్స్, 2ఎంపి మ్యాక్రో కెమెరా ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 13ఎంపి ఫ్రంట్ కెమెరా అందించారు.
- బ్యాటరీ: Samsung Galaxy M15 5G లో పవర్ బ్యాకప్ కోసం 6000 ఎంఏహెచ్ బ్యాటరీ ఇచ్చారు. ఇది 25 వాట్ ఫాస్ట్ చార్జింగ్ కి సపోర్ట్ చేస్తుంది.
- ఓఎస్: Samsung Galaxy M15 5G డివైజ్ ఆండ్రాయిడ్ 14 ఓఎస్ తో లాంచ్ అయ్యింది. కంపెనీ 4 మేజర్ ఆండ్రాయిడ్ అప్డేట్స్ మరియు 5 ఏళ్ళు సెక్యూరిటీ అప్డేట్స్ని ఈ ఫోన్కి అందించనుంది.
- ఇతర ఫీచర్లు: Samsung Galaxy M15 5G లో డ్యూయల్ సిమ్, 5జీ, 4జీ, వై-ఫై, బ్లూటూత్, ఫింగర్ ప్రింట్ స్కానర్ ఉన్నాయి.