ప్రముఖ స్మార్ట్ఫోన్ బ్రాండ్ Samsung నేడు భారతీయ మార్కెట్ లో ఎమ్-సిరీస్ లో కొత్త ఫోన్ లాంచ్ చేసింది. Samsung Galaxy M55s 5G పేరుతో ఈ ఫోన్ మార్కెట్ లో విడుదలైంది. సూపర్ అమోలెడ్ స్క్రీన్, 5000 ఎంఏహెచ్ బ్యాటరీ, టెక్షర్డ్ ప్యాటర్న్ బ్యాక్ ప్యానెల్ వంటి ఫీచర్లతో ఈ ఫోన్ వచ్చింది. ఓసారి గెలాక్సీ ఎమ్55ఎస్ యొక్క పూర్తి స్పెసిఫికేషన్స్ మరియు ధర వివరాలను తెలుసుకుందాం.
Samsung Galaxy M55s 5G ధర, లభ్యత
Samsung Galaxy M55s 5G స్మార్ట్ఫోన్ ప్రారంభ ధర రూ.17,999 గా ఉంది. బ్యాంక్ ఆఫర్లను కూడా కలిపితే ఈ ధరకు ఫోన్ని కొనుగోలు చేయవచ్చు.
Samsung Galaxy M55s 5G డిజైన్, కలర్ ఆప్షన్స్
Samsung Galaxy M55s 5G డివైజ్ స్టైలిష్ ఫ్యూజన్ డిజైన్, 7.8 మి.మీ మందం, టెక్షర్డ్ బ్యాక్ ప్యానెల్ (ప్లాస్టిక్ మెటీరియల్), ట్రిపుల్ రియర్ కెమెరా సెటప్, ఎల్ఈడీ ఫ్లాష్, ఫాట్ ఫ్రంట్ డిస్ప్లే, పంచ్ హోల్ నాచ్ తో వచ్చింది.
Samsung Galaxy M55s 5G డివైజ్ కోరల్ గ్రీన్ మరియు థండర్ బ్లాక్ కలర్ ఆప్షన్స్ లో లభిస్తుంది.
Samsung Galaxy M55s 5G స్పెసిఫికేషన్స్
డిస్ప్లే: Samsung Galaxy M55s 5G లో 6.7-ఇంచ్ సూపర్ అమోలెడ్+ స్క్రీన్, 1000 నిట్స్ బ్రైట్నెస్, 120 హెర్ట్జ్ రిఫ్రెష్ రేట్ ఉన్నాయి. విజన్ బూస్టర్ టెక్నాలజీని ఈ ఫోన్ లో అందించారు.
చిప్సెట్: Samsung Galaxy M55s 5G లో క్వాల్కమ్ స్నాప్డ్రాగన్ 7 జెన్ 1 చిప్సెట్ అందించారు. దీని హయ్యస్ట్ క్లాక్ స్పీడ్ 2.4 గిగాహెర్ట్జ్ గా ఉంది.
ర్యామ్, స్టోరేజీ: Samsung Galaxy M55s 5G డివైజ్ 8జిబి ర్యామ్, 256జిబి వరకు స్టోరేజీని ఆఫర్ చేస్తుంది. 8జిబి వర్చువల్ ర్యామ్ను ఈ ఫోన్ లో అందించారు. దీంతో యూజర్కి గరిష్టంగా 16జిబి వరకు ర్యామ్ పవర్ లభిస్తుంది.
కెమెరా: Samsung Galaxy M55s 5G లో ట్రిపుల్ రియర్ కెమెరా సెటప్ ఉంది. ఇందులో 50ఎంపి ఓఐఎస్ మెయిన్ కెమెరా, 8ఎంపి అల్ట్రావైడ్ లెన్స్, 2ఎంపి మ్యాక్రో కెమెరా ఉన్నాయి. వీటికి తోడు ఒక ఎల్ఈడీ ఫ్లాష్ ఉంది. సెల్ఫీస్, వీడియో కాల్స్ కోసం ఈ ఫోన్ లో 50ఎంపి ఫ్రంట్ కెమెరా ఇచ్చారు.
బ్యాటరీ, చార్జింగ్: Samsung Galaxy M55s 5G లో పవర్ బ్యాకప్ కోసం 5000 ఎంఏహెచ్ బ్యాటరీ ఇచ్చారు. ఇది 45 వాట్ ఫాస్ట్ చార్జింగ్ కి సపోర్ట్ చేస్తుంది.
సాఫ్ట్వేర్: Samsung Galaxy M55s 5G డివైజ్ ఆండ్రాయిడ్ 14 ఓఎస్ ఆధారిత వన్యూఐ కస్టమ్ స్కిన్ తో లాంచ్ అయ్యింది.
కనెక్టివిటీ: Samsung Galaxy M55s 5G లో డ్యూయల్ సిమ్, 5జీ, 4జీ, బ్లూటూత్, వై-ఫై వంటి ఆప్షన్స్ ఉన్నాయి.
