ప్రముఖ టెక్ బ్రాండ్ Samsung త్వరలో గెలాక్సీ ఎమ్-సిరీస్ లో కొత్త ఫోన్ లాంచ్ చేయనుంది. Samsung Galaxy M55s పేరుతో ఈ డివైజ్ మార్కెట్ లోకి ఎంట్రీ ఇవ్వనుంది. తాజాగా ఈ ఫోన్ భారత్ కి చెందిన సర్టిఫికేషన్ వెబ్సైట్ బీఐఎస్ పై లిస్ట్ అయ్యింది. దీంతో త్వరలోనే భారత్ లో ఈ ఫోన్ విడుదల కానుందని అర్థమవుతోంది. ఓసారి బీఐఎస్ లిస్టింగ్ వివరాలు మరియు అంచనా స్పెసిఫికేషన్స్ తెలుసుకుందాం పదండి.
Samsung Galaxy M55s బీఐఎస్ లిస్టింగ్ వివరాలు
Samsung Galaxy M55s డివైజ్ బీఐఎస్ పై SM-M558B/DS అనే మోడల్ నంబర్ తో లిస్ట్ అయ్యింది. ఇదే మోడల్ నంబర్ తో ఇదివరకు గీక్బెంచ్, వై-ఫై అలయన్స్ సర్టిఫికేషన్స్ పై కూడా లిస్ట్ అయ్యింది.
బీఐఎస్ లిస్టింగ్ ద్వారా Samsung Galaxy M55s యొక్క వివరాలు ఏమీ రివీల్ కాలేదు. అయితే త్వరలోనే భారత్ లో లాంచ్ ఉంటుందనే విషయం తెలుస్తోంది.
Samsung Galaxy M55s స్పెసిఫికేషన్స్ (అంచనా)
Samsung Galaxy M55s డివైజ్ లో క్వాల్కమ్ స్నాప్డ్రాగన్ 7 జెన్ 1 చిప్సెట్ ఉంటుందని గీక్బెంచ్ లిస్టింగ్ ద్వారా తెలుస్తోంది. అలాగే ఈ చిప్ తో అడ్రెనో 644 జీపీయూ గ్రాఫిక్స్ ను జత చేయనున్నారు.
ఇంకా ఈ ఫోన్ 8జిబి ర్యామ్, ఆండ్రాయిడ్ 14 ఓఎస్, 5 గిగాహెర్ట్జ్ వై-ఫై తో రానున్నట్లు లిస్టింగ్ ద్వారా తెలుస్తోంది.
గీక్బెంచ్ పై Samsung Galaxy M55s డివైజ్ సింగిల్-కోర్ టెస్ట్ లో 1003 పాయింట్లు, మల్టీ-కోర్ టెస్ట్ లో 2309 పాయింట్లు నమోదు చేసింది.
కొన్ని రోజుల క్రితం లాంచైన Samsung Galaxy M55 కి లోయర్ వర్షన్ గా Samsung Galaxy M55s డివైజ్ మార్కెట్ లోకి ఎంట్రీ ఇవ్వనుందని భావిస్తున్నారు. ఓసారి గెలాక్సీ ఎమ్55 యొక్క స్పెసిఫికేషన్స్ ఎలా ఉన్నాయో తెలుసుకుందాం.
Samsung Galaxy M55 స్పెసిఫికేషన్స్
డిస్ప్లే: Samsung Galaxy M55 5G లో 6.7-ఇంచ్ ఫుల్ హెచ్డీ+ స్క్రీన్, 1080*2400 పిక్సెల్ రెజుల్యూషన్, సూపర్ అమోలెడ్+ ప్యానెల్, 120 హెర్ట్జ్ రిఫ్రెష్ రేట్, 1000 నిట్స్ బ్రైట్నెస్, 16 మిలియన్ కలర్ సపోర్ట్ ఉన్నాయి.
ప్రాసెసర్: Samsung Galaxy M55 5G లో క్వాల్కమ్ స్నాప్డ్రాగన్ 7 జెన్ 1 చిప్సెట్ వాడారు. ఇది 4 నానోమీటర్ ఫ్యాబ్రికేషన్ పై తయారైంది.
కెమెరా: Samsung Galaxy M55 5G లో ట్రిపుల్ రియర్ కెమెరా సెటప్ ఉంది. ఇందులో 50ఎంపి ఓఐఎస్ మెయిన్ కెమెరా, 8ఎంపి అల్ట్రావైడ్ లెన్స్, 2ఎంపి మ్యాక్రో కెమెరా ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 50ఎంపి ఫ్రంట్ కెమెరా అందించారు.
ఓఎస్: Samsung Galaxy M55 5G డివైజ్ ఆండ్రాయిడ్ 14 ఓఎస్ ఆధారిత వన్యూఐ కస్టమ్ స్కిన్ పై పని చేస్తుంది. ఈ ఫోన్ కి 4 మేజర్ ఓఎస్ అప్డేట్స్, 5 ఏళ్ళ పాటు సెక్యూరిటీ అప్డేట్స్ లభిస్తాయి.
బ్యాటరీ: Samsung Galaxy M55 5G లో పవర్ బ్యాకప్ కోసం 5,000 ఎంఏహెచ్ బ్యాటరీ ఇచ్చారు. ఇది 45 వాట్ ఫాస్ట్ చార్జింగ్ కి సపోర్ట్ చేస్తుంది. ఈ ఫోన్ లో అందించిన సూపర్ ఫాస్ట్ చార్జింగ్ 2.0 టెక్నాలజీ కేవలం బ్యాటరీని ఫాస్ట్ గా చార్జ్ చేయడమే కాదు, ఇంకా వేడెక్కకుండా చూస్తుంది.
కనెక్టివిటీ: Samsung Galaxy M55 5G లో డ్యూయల్ సిమ్, 5జీ, 4జీ, బ్లూటూత్ 5.2, వై-ఫై 5Ghz, యూఎస్బీ టైప్-సీ 2.0, ఇన్-డిస్ప్లే ఫింగర్ ప్రింట్ స్కానర్, ఎన్ఎఫ్సీ ఉన్నాయి.