హైలైట్స్:
- భారీగా పడిపోయిన శాంసంగ్ ఫోన్ల ధరలు
- ఫ్లాగ్షిప్ డివైజెస్ Galaxy S20 FE, Galaxy S21 FE ఫోన్లపై భారీ డిస్కౌంట్
- ఊహించని రీతిలో కనిపిస్తోన్న ధరలు, ఫ్లాగ్షిప్ సొంతం చేసుకునేందుకు ఇదే మంచి సమయం
మీడియం బడ్జెట్ లో ఫ్లాగ్షిప్ ఫోన్లను కోరుకోని వారు ఎవరుంటారు చెప్పండి. కంపెనీలు కూడా అదే రేంజ్ ఫోన్లను అందించాలని భావిస్తాయి. ప్రముఖ కంపెనీ శాంసంగ్ లో ఎస్-సిరీస్ కు ఉన్న క్రేజ్ గురించి ప్రత్యేకంగా చెప్పనక్కర్లేదు. ఈ ఫ్లాగ్షిప్ ఫోన్లను అందరూ కొనలేరు. వాటి ధరలు ఆకాశాన్ని తాకుతాయి. అయితే మిండ్-రేంజ్ లో ఫ్లాగ్షిప్ అనుభూతిని అందించేందుకు శాంసంగ్ సంస్థ, ఎస్-సిరీస్ లో ఎఫ్ఈ (ఫ్యాన్ ఎడిషన్) ని తీసుకొచ్చింది. ఫ్లాగ్షిప్ ఎక్స్పీరియన్స్ అందించే ఈ ఫోన్ల ధరలు కాస్త తక్కువగా ఉంటాయి. దీంతో ఈ ఫోన్లను కొనేందుకు శాంసంగ్ ఎస్-సిరీస్ లవర్స్ ఆసక్తి కనబరుస్తుంటారు. తాజాగా Galaxy S20 FE, Galaxy S21 FE ఫోన్లపై భారీ డిస్కౌంట్ ప్రకటించబడింది. ధర తగ్గడమే గాక, బ్యాంక్ కార్డ్ ఆఫర్లతో మరింత చౌకగా ఈ ఫోన్లు లభిస్తున్నాయి.
వన్ప్లస్, రియల్మీ కంపెనీలకు చెందిన ఎక్కువ ఖరీదైన ఫోన్లకి Galaxy S20 FE, Galaxy S21 FE పోటీ ఇస్తున్నాయి. ఈ పండుగ సీజన్ లో Galaxy S20 FE, Galaxy S21 FE ఫోన్లను రూ.30,000 కంటే తక్కువ ధరకే కొనుగోలు చేయవచ్చు.
Samsung ఆఫర్లు
Galaxy S20 FE 5జీ ఫోన్ రూ.29,999 ధరకే లభిస్తోంది. అలాగే శాంసంగ్ షాప్ యాప్ పై ఈ ఫోన్ ని కొనుగోలు చేస్తే రూ.3,000 అదనపు డిస్కౌంట్ కూడా వస్తుంది. దీంతో Galaxy S20 FE ఫోన్ రూ.26,999 కి లభించనుంది.
Samsung Galaxy S21 FE 5G కూడా ఫ్లిప్ కార్ట్ లో రూ.31,999 కి అందుబాటులో ఉంది. దీని సేల్ ప్రైస్ రూ.34,999 కాగా, ఐసీఐసీఐ బ్యాంక్, యాక్సిస్ బ్యాంక్ కార్డ్ కలిగిన వారికి రూ.1500 అదనపు డిస్కౌంట్ లభించనుంది. ఈ బ్యాంక్స్ యొక్క క్రెడిట్ కార్డ్ వినియోగదారులకు రూ.1500 అడిషనల్ డిస్కౌంట్ కూడా వస్తుంది.
Samsung Galaxy S21 FE స్పెసిఫికేషన్స్
Samsung Galaxy S21 FE స్మార్ట్ ఫోన్ 6.4-ఇంచ్ ఫుల్ హెచ్డీ+ డైనమిక్ అమోలెడ్ 2ఎక్స్ 2కే డిస్ప్లే తో లాంచ్ అయ్యింది. ఇది 120 హెర్ట్జ్ రిఫ్రెష్ రేట్ కలిగి ఉంది. ఇన్-డిస్ప్లే ఫింగర్ ప్రింట్ సెన్సర్ ఇందులో ఉంది. ఎగ్జినోస్ 2100 చిప్సెట్ ని ఇందులో అమర్చారు. ఈ చిప్ 5నానో మీటర్ ప్లాట్ఫామ్ పై తయారైంది. ఆండ్రాయిడ్ 12 ఓఎస్ ఆధారిత వన్ యూఐ 4.0 కస్టమ్ స్కిన్ పై ఈ ఫోన్ పని చేస్తుంది.
Samsung Galaxy S21 ఫ్యాన్ ఎడిషన్ లో 12ఎంపి ట్రిపుల్ రియర్ కెమెరా సిస్టమ్ ఉంది. ఇందులో 12ఎంపి మెయిన్ సెన్సర్, 12ఎంపి అల్ట్రావైడ్ సెన్సర్, 8ఎంపి టెలీఫోటో లెన్స్ ఉన్నాయి. ఈ స్మార్ట్ ఫోన్లో సెల్ఫీలు, వీడియో కాల్స్ కోసం ముందు వైపున 32 ఎంపి కెమెరాను అమర్చారు.
Samsung Galaxy S21 FE లో 4500ఎంఏహెచ్ బ్యాటరీ ఉంది. ఇది 25 వాట్ ఫాస్ట్ చార్జింగ్ కి సపోర్ట్ చేస్తుంది. ఇందులో 15 వాట్ వైర్లెస్ చార్జింగ్ సపోర్ట్ కూడా ఉంది. ఈ శాంసంగ్ ఫోన్ డ్యూయల్ సిమ్ 4జీ, 5జీ సపోర్ట్ ఉంది.
లేటెస్ట్ స్మార్ట్ ఫోన్, ఆటోమొబైల్, టెలీకామ్, టెక్నాలజీ న్యూస్ కోసం 91మొబైల్స్ తెలుగు వెబ్ సైట్ విజిట్ చేయండి.
