ప్రముఖ స్మార్ట్ఫోన్ బ్రాండ్ Samsung ఈ నెలలో Galaxy S23 FE డివైజ్ ని లాంచ్ చేస్తుందని అంచనా వేస్తున్నారు. ఇప్పటికే ఈ ఫోన్ భారత్ కి చెందిన సర్టిఫికేషన్ వెబ్ సైట్ బీఐఎస్ పై కనిపించింది. ఇంకా శాంసంగ్ సంస్థ Samsung Galaxy S23 FE యొక్క లాంచ్ తేదీని ప్రకటించలేదు. అయితే ఈలోపే టిప్స్టర్ ద్వారా స్టోరేజీ, ధర వివరాలు లీక్ అయ్యాయి. సరే, ఓసారి Samsung Galaxy S23 FE యొక్క స్పెసిఫికేషన్స్, మెమొరీ వేరియంట్స్, ధర వివరాలు తెలుసుకుందాం పదండి.
Samsung Galaxy S23 FE ధర (అంచనా)
Samsung Galaxy S23 FE డివైజ్ ధర మరియు స్టోరేజీ ఆప్షన్స్ ని ప్రముఖ టిప్స్టర్ అభిషేక్ యాదవ్ సోషల్ మీడియా వేదిక X ద్వారా రివీల్ చేశారు.
- 128జిబి స్టోరేజీ వేరియంట్ ధర రూ.54,999 గా ఉంటుందని టిప్స్టర్ తెలిపారు.
- 256జిబి స్టోరేజీ వేరియంట్ ధర రూ.59,999 గా ఉంటుందని సమాచారం.
- కచ్చితమైన లాంచ్ తేదీని కంపెనీ ప్రకటించలేదు. కానీ, ఈ నెలలోనే లాంచ్ ఉంటుందని లీక్స్ ద్వారా తెలుస్తోంది.
Exclusive ?
Samsung Galaxy S23 FE 5G Indian variant price. ?
128GB ? ₹54,999
256GB ? ₹59,999— Abhishek Yadav (@yabhishekhd) September 7, 2023
Samsung Galaxy S23 FE స్పెసిఫికేషన్స్ (లీక్)
- స్క్రీన్: Samsung Galaxy S23 FE లో 6.4-ఇంచ్ ఫుల్ హెచ్డీ+ డైనమిక్ అమోలెడ్ డిస్ప్లే, 120 హెర్ట్జ్ రిఫ్రెష్ రేట్ ఉంటాయి.
- ప్రాసెసర్: Samsung Galaxy S23 FE లో క్వాల్కమ్ స్నాప్ డ్రాగన్ 8 జెన్ 1 చిప్ ఉంటుందని సమాచారం.
- స్టోరేజీ: Samsung Galaxy S23 FE డివైజ్ 256జిబి వరకు స్టోరేజీ, 8జిబి ర్యామ్ ని ఆఫర్ చేస్తుంది.
- కెమెరా: Samsung Galaxy S23 FE లో ట్రిపుల్ రియర్ కెమెరా సెటప్ ఉంటుంది. ఇందులో 50ఎంపి ప్రైమరీ కెమెరా, 8ఎంపి అల్ట్రావైడ్ యాంగిల్ లెన్స్, 12ఎంపి టెలీఫోటో లెన్స్ ఉంటాయని సమాచారం. ఇక సెల్ఫీలు, వీడియో కాల్స్ కోసం ఈ ఫోన్ లో 10ఎంపి ఫ్రంట్ కెమెరా ఇవ్వనున్నారు.
- బ్యాటరీ: Samsung Galaxy S23 FE లో పవర్ బ్యాకప్ కోసం 4,500 ఎంఏహెచ్ బ్యాటరీ ఉంటుంది. ఇది 25 వాట్ ఫాస్ట్ చార్జింగ్ కి సపోర్ట్ చేస్తుంది.
- ఓఎస్: Samsung Galaxy S23 FE డివైజ్ ఆండ్రాయిడ్ 13 ఓఎస్ ఆధారిత వన్యూఐ 5.1 కస్టమ్ స్కిన్ పై పని చేస్తుంది.
- ఇతర ఫీచర్లు: Samsung Galaxy S23 FE లో వైర్లెస్ చార్జింగ్, ఐపీ రేటింగ్ ఉంటాయి. 4 ఏళ్ళ ఓఎస్ అప్డేట్స్, 5 ఏళ్ళ పాటు సెక్యూరిటీ అప్డేట్స్ ని కంపెనీ అందించే అవకాశం ఉంది.
ఈ నెలలోనే లాంచ్ ఉంటుందని వార్తలు వస్తున్న క్రమంలో, అతి త్వరలోనే Samsung Galaxy S23 FE లాంచ్ కి సంబంధించిన అధికార ప్రకటన శాంసంగ్ సంస్థ నుంచి వెలువడే అవకాశం ఉంది.