ప్రముఖ టెక్ బ్రాండ్ శాంసంగ్ త్వరలోనే Samsung Galaxy S23 FE ని లాంచ్ చేసేందుకు సిద్ధమవుతోంది. ఈ డివైజ్ రానున్న రోజుల్లో గ్లోబల్ మార్కెట్స్ లోకి ఎంట్రీ ఇవ్వనుంది. ఈ బడ్జెట్ ఫ్లాగ్షిప్ కోసం ఫ్యాన్ ఎడిషన్ లవర్స్ ఎంతో ఆత్రుతగా ఎదురు చూస్తున్నారు. సెప్టెంబర్ చివరి వారంలో Samsung Galaxy S23 FE లాంచ్ అవుతుందని ఊహాగానాలు వినిపిస్తున్నాయి. ఇప్పుడు అధికార ప్రకటనకు ముందు, శాంసంగ్ కజకిస్తాన్ వెబ్సైట్ లో Samsung Galaxy S23 FE యొక్క సపోర్ట్ పేజీ దర్శనమిచ్చింది.
Samsung Galaxy S23 FE స్పెసిఫికేషన్స్ (అంచనా)
- డిస్ప్లే: Samsung Galaxy S23 FE లో 6.4-ఇంచ్ ఫుల్ హెచ్డీ+ డైనమిక్ అమోలెడ్ డిస్ప్లే, 120 హెర్ట్జ్ రిఫ్రెష్ రేట్, పంచ్-హోల్ కటౌట్ ఉంటాయి.
- ప్రాసెసర్: Samsung Galaxy S23 FE స్మార్ట్ ఫోన్ లో క్వాల్కమ్ స్నాప్ డ్రాగన్ 8 జెన్ 1 చిప్ లేదా ఎగ్జినోస్ 2200 చిప్సెట్ ఉంటుందని సమాచారం. ఇది ప్రాంతాన్ని బట్టి మారుతుంది.
- ఓఎస్: Samsung Galaxy S23 FE స్మార్ట్ ఫోన్ ఆండ్రాయిడ్ 13 ఓఎస్ ఆధారిత వన్యూఐ 5.1 కస్టమ్ స్కిన్ పై పని చేస్తుంది.
- కెమెరా: Samsung Galaxy S23 FE స్మార్ట్ ఫోన్ లో ట్రిపుల్ రియర్ కెమెరా సెటప్ ఉంటుంది. ఇందులో 50ఎంపి ఓఐఎస్ మెయిన్ కెమెరా, 12ఎంపి అల్ట్రావైడ్ లెన్స్, 12ఎంపి టెలీఫోటో లెన్స్ ఉంటాయి. సెల్ఫీస్, వీడియో కాల్స్ కోసం 10ఎంపి ఫ్రంట్ కెమెరా ఉంటుంది.
- బ్యాటరీ, చార్జింగ్: Samsung Galaxy S23 FE స్మార్ట్ ఫోన్ లో పవర్ బ్యాకప్ కోసం 4,500 ఎంఏహెచ్ బ్యాటరీ ఉంటుంది. ఇది 25 వాట్ ఫాస్ట్ చార్జింగ్ కి సపోర్ట్ చేస్తుంది.
- ఐపీ రేటింగ్: Samsung Galaxy S23 FE స్మార్ట్ ఫోన్ ఐపీ రేటింగ్ తో వస్తోంది. అయితే కచ్చితమైన రేటింగ్ వివరాలు ఇంకా తెలియదు.