ప్రముఖ స్మార్ట్ఫోన్ బ్రాండ్ Samsung త్వరలో గెలాక్సీ ఎస్24 సిరీస్ లో ఒక కొత్త ఫోన్ లాంచ్ చేయనుంది. Samsung Galaxy S24 FE పేరుతో ఈ ఫోన్ మార్కెట్ లోకి ఎంట్రీ ఇవ్వనుంది. కొన్ని రోజుల క్రితం ఈ ఫోన్ కంపెనీ యొక్క అధికార వెబ్సైట్ పై లిస్ట్ అయ్యింది. ఇప్పుడు ఫోన్ యొక్క ప్రోమో మెటీరియల్ లీక్ అయ్యింది. దీని ద్వారా స్పెసిఫికేషన్స్ మరియు డిజైన్ రివీల్ అయ్యాయి. ఓసారి ఆ వివరాలు తెలుసుకుందాం.
Samsung Galaxy S24 FE స్పెసిఫికేషన్స్
డిస్ప్లే: Samsung Galaxy S24 FE స్మార్ట్ఫోన్ లో 6.7-ఇంచ్ భారీ డిస్ప్లే, అమోలెడ్ ప్యానెల్, 120 హెర్ట్జ్ రిఫ్రెష్ రేట్, 1900 నిట్ పీక్ బ్రైట్నెస్, కార్నింగ్ గొరిల్లా గ్లాస్ విక్టస్ ఉంటాయని లీక్ ద్వారా తెలిసింది.
చిప్సెట్: Samsung Galaxy S24 FE స్మార్ట్ఫోన్ శాంసంగ్ సొంత చిప్ ఎగ్జినోస్ 2400 తో రానుందని సమాచారం. ఇదే చిప్ని గెలాక్సీ ఎస్24 మరియు ఎస్24+ లో కూడా వాడారు.
కెమెరా: Samsung Galaxy S24 FE స్మార్ట్ఫోన్ లో ట్రిపుల్ రియర్ కెమెరా సెటప్ ఉంటుంది. ఇందులో 50ఎంపి ప్రైమరీ కెమెరా, 12ఎంపి అల్ట్రావైడ్ లెన్స్, 8ఎంపి 3ఎక్స్ ఆప్టికల్ జూమ్ కెమెరా ఉంటాయి. సెల్ఫీస్, వీడియో కాల్స్ కోసం ఈ ఫోన్ లో 10ఎంపి ఫ్రంట్ కెమెరా ఉంటుంది.
బ్యాటరీ: Samsung Galaxy S24 FE లో పవర్ బ్యాకప్ కోసం 4565 ఎంఏహెచ్ బ్యాటరీ ఉంటుంది. ఈ బ్యాటరీ, 29 గంటల వీడియో ప్లేబ్యాక్ మరియు 78 గంటల మ్యూజిక్ ప్లేబ్యాక్ టైమ్ అందిస్తుందని సమాచారం.
ఇతర ఫీచర్లు: Samsung Galaxy S24 FE డివైజ్ గెలాక్సీ ఏఐ ఫీచర్లతో వస్తోంది. ఇందులో పొట్రెయిట్ స్టూడియో, సర్కిల్ టు సెర్చ్, జనరేటివ్ ఎడిట్, స్కెచ్ టు ఇమేజ్ మరియు లైవ్ ట్రాన్స్లేట్ వంటి ఫీచర్లు ఉంటాయి.
Samsung Galaxy S24 FE డిజైన్, కలర్స్, లాంచ్ టైమ్లైన్ (లీక్)
Samsung Galaxy S24 FE స్మార్ట్ఫోన్ 2024 అక్టోబర్ నెలలో లాంచ్ అవుతుందని వార్తలు వినిపిస్తున్నాయి.
శాంసంగ్ గెలాక్సీ ఎస్24 ఎఫ్ఈ డివైజ్ బ్లూ, గ్రీన్, బ్లాక్, గ్రాఫైట్ మరియు యెల్లో కలర్ ఆప్షన్స్ లో లాంచ్ అవుతుంది.
ఈ ఫోన్ డిజైన్ విషయానికి వస్తే, ఫ్రేమ్ కోసం అల్యూమినియమ్ వాడనున్నారు. లీకైన ఇమేజ్ గమనిస్తే, గతంలో లాంచైన S24, S24+ మాదిరి కనిపిస్తోంది.
త్వరలోనే Samsung Galaxy S24 FE యొక్క ఇండియా లాంచ్ తేదీ అధికార ప్రకటన వెల్లడయ్యే అవకాశం ఉంది.