ఒక కొత్త శాంసంగ్ స్మార్ట్ ఫోన్ తాజాగా బీఐఎస్ సర్టిఫికేషన్ వెబ్ సైట్ పై కనిపించింది. ఈ ఫోన్ SM-E546B/DS అనే మోడల్ నంబర్ ని కలిగి ఉంది. ఈ లిస్టింగ్ ని 91మొబైల్స్ తొలుత గుర్తించింది. అయితే ఈ ఫోన్ యొక్క మార్కెటింగ్ పేరు ఇంకా తెలియలేదు. కానీ, ఈ ఫోన్ ఎఫ్-సిరీస్ డివైజ్ Samsung Galaxy F54 5G అయి ఉంటుందని ఎక్స్పర్ట్స్ అంచనా వేస్తున్నారు. అంటే ప్రస్తుతం అందుబాటులో ఉన్న Galaxy F42 డివైజ్ కి Samsung Galaxy F54 5G సక్సెసర్ గా వస్తున్నట్లు స్పష్టమవుతోంది.
అయితే ఈ శాంసంగ్ కొత్త ఫోన్ కి సంబంధించి ఇంకా ఏమీ తెలియదు. 5జీ కనెక్టివిటీతో వస్తోన్న ఈ ఫోన్ మిడ్-రేంజ్ కేటగిరీని టార్గెట్ చేస్తూ మార్కెట్ లోకి రానుంది. ఇతర ఎఫ్-సిరీస్ ఫోన్ల లాగే, Samsung Galaxy F54 5G కూడా ఫ్లిప్ కార్ట్ ద్వారా సేల్ కి వచ్చే అవకాశం ఉంది. ఈ డివైజ్ నెట్టింట్లో ప్రత్యక్షమైన తరుణంలో మరిన్ని వివరాలు త్వరలోనే బయటకు వచ్చే అవకాశం ఉంది. శాంసంగ్ నుంచి ఈ డివైజ్ కి సంబంధించిన అధికార ప్రకటన అతి త్వరలో వస్తుందని అందరూ అంచనా వేస్తున్నారు.
Samsung Galaxy F54 5G కంటే ముందే రానున్న Galaxy F14
రీసెంట్ గా 91మొబైల్స్ Samsung Galaxy F14 కి సంబంధించిన వివరాలను ఎక్స్క్లూజివ్ గా అందించింది. ఈ హ్యాండ్సెట్ భారత్ లో వచ్చే వారం లాంచ్ అవుతుందని అంచనా వేస్తున్నారు. ఇది 5జీ కనెక్టివిటీతో వస్తోంది. ఇకపోతే ఈ ఫోన్ ధర సుమారు రూ.15,000 ఉంటుందని భావిస్తున్నారు. ఈ ఫోన్ డిజైన్ రెండర్స్ ద్వారా కలర్ ఆప్షన్స్ రివీల్ అయ్యాయి. వాటి ప్రకారం, ఈ హ్యాండ్సెట్ గ్రీన్ మరియు పర్పుల్ కలర్ ఆప్షన్స్ లో లభించనుంది. పాలికార్బొనేట్ బాడీతో ఈ ఫోన్ వచ్చే చాన్స్ ఉంది.
ఇటీవలె లీకైన డివైజ్ రెండర్స్ ద్వారా డ్యూయల్ కెమెరా సెన్సర్స్, ఎల్ఈడీ ఫ్లాస్ రివీల్ అయ్యాయి. అలాగే ఎడ్జెస్ కర్వ్డ్ గా కనిపించాయి. ఈ ఫోన్ ఆండ్రాయిడ్ 13 ఓఎస్ తో వచ్చే అవకాశం ఉంది. ఈ ఫోన్ లో 6000 ఎంఏహెచ్ భారీ బ్యాటరీ, 15 వాట్ ఫాస్ట్ చార్జింగ్ సపోర్ట్ ఉంటాయని అంచనా. ఈ ఫోన్ ఐపీఎస్ హెచ్డీ+ డిస్ప్లే, 60 హెర్ట్జ్ రిఫ్రెష్ రేట్ తో రానున్నట్లు సమాచారం. ఫోన్ కి సంబంధించిన మరింత సమాచారం త్వరలోనే వెల్లడి కానుంది.
లేటెస్ట్ స్మార్ట్ ఫోన్, టెక్నాలజీ మరియు టెలీకమ్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.