ప్రముఖ స్మార్ట్ ఫోన్ బ్రాండ్ శాంసంగ్ త్వరలోనే Samsung Galaxy A54 ని లాంచ్ చేసేందుకు సిద్ధమవుతోంది. Samsung Galaxy A53 కి సక్సెసర్ గా ఈ ఫోన్ మార్కెట్ లోకి రానుంది. పలు సర్టిఫికేషన్స్, లీక్స్ ద్వారా ఇప్పటికే Samsung Galaxy A54 కి సంబంధించిన వివరాలు నెట్టింట్లో హల్చల్ చేస్తున్నాయి. తాజాగా Samsung Galaxy A54 డివైజ్ చైనాకు చెందిన TENAA సర్టిఫికేషన్ ని పొందింది. దీంతో Samsung Galaxy A54 కి సంబంధించిన స్పెసిఫికేషన్స్ బయటకు వచ్చాయి.
TENAA సర్టిఫికేషన్ ని పొందిన Samsung Galaxy A54
TENAA సర్టిఫికేషన్ ప్రకారం, Samsung Galaxy A54 స్మార్ట్ ఫోన్ 4,905 ఎంఏహెచ్ బ్యాటరీ తో రానున్నట్లు తెలిసింది. ఈ డివైజ్ 5జీ కనెక్టివిటీ, ట్రిపుల్ రియర్ కెమెరా సెటప్ తో వస్తున్నట్లు లిస్టింగ్ ద్వారా బయటకు వచ్చింది. టెనా సర్టిఫికేషన్ ద్వారా రివీల్ అయిన వివరాలు ఇంతే.
గతంలో లీకైన రిపోర్ట్స్ ని బట్టి, Samsung Galaxy A54 స్మార్ట్ ఫోన్ 6.4-ఇంచ్ ఫుల్ హెచ్డీ+ అమోలెడ్ డిస్ప్లే, 120 హెర్ట్జ్ రిఫ్రెష్ రేట్ తో రానున్నట్లు తెలిసింది. గీక్ బెంచ్ లిస్టింగ్ ప్రకారం, Samsung Galaxy A54 డివైజ్ ఆక్టాకోర్ ఎగ్జినోస్ 1380 చిప్సెట్ తో రానుంది. ఇకపోతే ఈ డివైజ్ 6జిబి/8జిబి ర్యామ్, 128జిబి/256జిబి స్టోరేజీ వేరియంట్స్ లో లాంచ్ కానుంది. Samsung Galaxy A54 ఫోన్ ఆండ్రాయిడ్ 13 ఓఎస్ పై పని చేయనుంది.
Samsung Galaxy A54 స్మార్ట్ ఫోన్ ట్రిపుల్ రియర్ కెమెరా సెటప్ తో వస్తోంది. ఇందులో 50ఎంపి మెయిన్ కెమెరా, 12ఎంపి అల్ట్రావైడ్ లెన్స్, 8ఎంపి టెలీఫోటో లెన్స్ ఉండనున్నాయి. సెల్ఫీస్, వీడియో కాల్స్ కోసం 32ఎంపి ఫ్రంట్ కెమెరా ఉంటుంది. Samsung Galaxy A54 లో వై-ఫై 6 కనెక్టివిటీ, 5జీ సపోర్ట్, 25 వాట్ ఫాస్ట్ చార్జింగ్ సపోర్ట్ ఉంటాయి. ఈ డివైజ్ ఆసమ్ వైట్, ఆసమ్ గ్రాఫైట్, ఆసమ్ లైమ్, ఆసమ్ వయొలెట్ కలర్ ఆప్షన్స్ లో లభిస్తుంది.
Samsung Galaxy A54 ఐపీ67 డస్ట్ అండ్ వాటర్ రెసిస్టన్స్ రేటింగ్ తో వస్తున్నట్లు సమాచారం. ఈ హ్యాండ్సెట్ 158.3 మిల్లీ మీటర్ల పొడవు, 76.7 మిల్లీ మీటర్ల వెడల్పు, 8.2 మిల్లీ మీటర్ల మందం ఉంటుంది. ఈ డివైజ్ గతంలో బ్యూరో ఆఫ్ ఇండియన్ స్టాండర్డ్ సర్టిఫికేషన్ వెబ్ సైట్ పై కూడా కనిపించింది. దీంతో ఈ ఫోన్ భారత్ లో కూడా లాంచ్ అవ్వనుందని స్పష్టమైంది.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
