• త్వరలో iPhone Flip లాంచ్
• తాజాగా లీకైన డివైజ్ వివరాలు
• 2026 లో లాంచ్ అయ్యే అవకాశం

ప్రముఖ స్మార్ట్‌ఫోన్ బ్రాండ్ Apple త్వరలో తన ఫోల్డబుల్ స్మార్ట్‌ఫోన్లను లాంచ్ చేయనుంది. ఈ లైనప్ లో ఎన్ని ఫోన్లు లాంచ్ కానున్నాయో ఇంకా తెలియదు. అయితే తొలుత iPhone Flip లాంచ్ కానున్నట్లు సమాచారం. తాజాగా ఐఫోన్ ఫ్లిప్ కు సంబంధించిన వివరాలు లీక్ అయ్యాయి. ఓసారి లీకైన సమాచారం ఏంటో తెలుసుకుందాం పదండి.

iPhone Flip వివరాలు (లీక్)

లీక్ ప్రకారం, ఆపిల్ సంస్థ తన తొలి ఫోల్డబుల్ ఫోన్ పై పని చేస్తున్నట్లు తెలుస్తోంది. అయితే ఇది బుక్ మాదిరి ఫోల్డబుల్ ఫోన్ కాదు. కానీ ఫ్లిప్ స్మార్ట్‌ఫోన్.

రిపోర్ట్ ప్రకారం, ఈ కొత్త ఆపిల్ ఫ్లిప్‌ స్మార్ట్‌ఫోన్ 2026 లో లాంచ్ అవుతుందని సమాచారం.

ఆపిల్ బ్రాండ్ తన ఫోల్డబుల్ స్మార్ట్‌ఫోన్ల డిస్ప్లేలను శాంసంగ్ నుంచి కొనుగోలు చేయనుందని తెలుస్తోంది. అంతేకాదు, ఇప్పటికే తన రెగ్యులర్ ఫోన్లకు ఆపిల్ కంపెనీ శాంసంగ్ నుంచి స్క్రీన్స్ కొనుగోలు చేస్తోంది.

రిపోర్ట్ ప్రకారం, iPhone Flip యొక్క డైమెన్షన్స్ ప్రస్తుతం అందుబాటులో ఉన్న ఆపిల్ ఫోన్ల మాదిరే ఉంటాయని తెలుస్తోంది. అయితే మందం మాత్రం ఎక్కువగా ఉంటుందని సమాచారం. రానున్న రోజుల్లో మరిన్ని వివరాలు తెలిసే అవకాశం ఉంది.

iPhone 15 స్పెసిఫికేషన్స్

డిస్ప్లే: iPhone 15 స్మార్ట్‌ఫోన్ లో 6.1-ఇంచ్ డిస్ప్లే అందించారు. ఈ స్క్రీన్ లో డైనమిక్ ఐల్యాండ్ ఫీచర్ ఉంది. దీని ద్వారా నోటిఫికేషన్స్ ని తేలిగ్గా చెక్ చేయవచ్చు.

ప్రాసెసర్: iPhone 15 డివైజ్ లో ఏ16 బయోనిక్ చిప్సెట్ వాడారు. ఇది మెరుగైన పెర్ఫామెన్స్ ని అందిస్తుంది.

కెమెరా: iPhone 15 లో 48ఎంపి మెయిన్ కెమెరా అందించారు. ఇందులో ఓఐఎస్ ఫీచర్ ఉంది. అలాగే దీనికి తోడుగా 12ఎంపి అల్ట్రావైడ్ యాంగిల్ ఓఐఎస్ లెన్స్ ఉంటుంది. సెల్ఫీస్, వీడియో కాల్స్ కోసం 12ఎంపి ఫ్రంట్ కెమెరా అందించారు.

బ్యాటరీ: iPhone 15 లో పవర్ బ్యాకప్ కోసం 3,877 ఎంఏహెచ్ బ్యాటరీ అందించారు.

కనెక్టివిటీ: iPhone 15 లో 5జీ, 4జీ, బ్లూటూత్, వై-ఫై వంటి అన్ని ప్రధానమైన కనెక్టివిటీ ఫీచర్లు ఉన్నాయి.

The post iPhone Flip: లీకైన ఆపిల్ మొదటి ఫ్లిప్‌ ఫోన్ వివరాలు first appeared on 91Mobiles Telugu.

• పైనాపిల్ ట్రేడ్‌మార్క్ కోసం అప్లై చేసిన ఆపిల్
• పండు-నేపథ్య బ్రాండింగ్ పై మక్కువ చూపుతున్న ఆపిల్
• Pine Apple పేరుతో ఉత్పత్తులు వచ్చే అవకాశం

Tianyancha యాప్ ప్రకారం, Apple పలు రకాల “PINE APPLE” ట్రేడ్‌మార్క్‌ల కోసం అధికారికంగా ఫైల్ చేయడం ద్వారా పండు-నేపథ్య బ్రాండింగ్ ప్రయత్నాల తన చరిత్రను కొనసాగిస్తున్నట్లు తెలుస్తోందని Gizmochina ఒక కథనాన్ని ప్రచురించింది. ప్రస్తుతం “అండర్ అప్లికేషన్” దశలో ఉన్న ట్రేడ్‌మార్క్ అప్లికేషన్‌లు, సైంటిఫిక్ సాధనాలు, ప్రకటనల విక్రయాలు మరియు బిల్డింగ్ రిపేర్ వంటి విభాగాలకు విస్తరించాయి. ఆసక్తికరంగా, “PINE APPLE” అనే పదం చైనీస్ భాషలో “菠萝” మరియు “凤梨” రెండింటికి అనుగుణంగా ఉంటుంది. ఈ రెండూ కూడా ఉష్ణమండల పండును సూచిస్తాయి.

పండ్ల సంబంధిత ట్రేడ్‌మార్క్ పై ఆపిల్ ఆసక్తి

• పండ్ల-సంబంధిత ట్రేడ్‌మార్క్‌లలో ఆపిల్ యొక్క నిరంతర ప్రయత్నాలు మనకు సంవత్సరాలుగా దాని ట్రాక్ రికార్డ్ చూస్తే అర్థమవుతుంది.
• ఆశ్చర్యకరమైన గణాంకాలలో, ఆపిల్ ఇటీవలి సంవత్సరాలలో 215 ట్రేడ్‌మార్క్ అపొజిషన్ అప్లికేషన్‌లను లాంచ్ చేసింది.
• ఈ సంఖ్య మొత్తం టెక్ దిగ్గజాలు గూగుల్, మైక్రోసాఫ్ట్, అమెజాన్ మరియు మెటా (గతంలో ఫేస్‌బుక్)కంపెనీల యొక్క 136 కేసుల కంటే కూడా ఎక్కువ కావడం గమనార్హం.
• Apple ప్రారంభించిన ట్రేడ్‌మార్క్ వ్యతిరేకతలలో, 17% ప్రత్యర్థి పార్టీల నుండి ఉపసంహరణలకు దారితీసింది. అయితే సగానికి పైగా Apple యొక్క చట్టపరమైన చర్యలకు ఎటువంటి ప్రతిస్పందన రాలేదు.

‘పండు’ తెచ్చిన వివాదం

టెక్ కంపెనీ యొక్క పండు-ప్రేరేపిత ట్రేడ్‌మార్కింగ్ ప్రయత్నాలు వివాదాలు లేకుండా లేవు. అమెరికన్ ఆర్టిస్ట్ ఫ్రాంకీ పైనాపిల్‌ లో పైనాపిల్ లో తన కంపెనీ పేరు యాపిల్ ఉందని సదరు సంస్థ వ్యతిరేకించడం ఒక చిరస్మరణీయమైన కేసుగా నిలిచింది. ఈ సంఘటన ఆపిల్ బ్రాండ్ పేరుని ఏ విధంగానూ ఉల్లంఘించ కూడదని గట్టిగా నొక్కి చెప్పినట్లయ్యింది.

ఎంతో పేరుగాంచిన కొరికిన Apple లోగో Apple యొక్క ఆకాంక్షలకు సరిపోయినట్లు లేదు. 2017లో, ఆపిల్ సంస్థ, స్విట్జర్లాండ్‌లో పండ్ల ట్రేడ్‌మార్క్‌ పై దృష్టిపెట్టింది. ఇది కేవలం కరిచిన లోగో కాకుండా గ్రానీ స్మిత్ యాపిల్ యొక్క విస్తృత వర్ణనను లక్ష్యంగా చేసుకుంది. ఫ్రూట్ యూనియన్ సూయిస్సే, ఒక శతాబ్దపు పాత స్విస్ ఫ్రూట్ కంపెనీ, పర్యవసానంగా లోగోను మార్చే సందర్భాన్ని ఎదుర్కొంది. ఆపిల్ చిహ్నం యొక్క సార్వత్రిక స్వభావాన్ని మరియు దానిని ఉపయోగించడానికి అందరికీ స్వాభావిక హక్కు ఉందని సూయిస్సే కంపెనీ డైరెక్టర్ నొక్కి చెప్పారు.

Apple యొక్క “PINE APPLE” ట్రేడ్‌మార్క్ వెంచర్, పండ్ల ఆధారిత బ్రాండింగ్‌తో సదరు సంస్థకు పండ్ల పట్ల ఉన్న మక్కువను తెలియజేస్తోంది. ఏది ఏమైనప్పటికీ, మునుపటి ప్రయత్నాలు చర్చకు దారితీయడంతో, ఈ తాజా ట్రేడ్‌మార్క్ ఎటువంటి పరిణామాలకు దారి తీస్తుందో చూడాలి. ఇక పైనాపిల్ బ్రాండింగ్ పై ఆపిల్ నుంచి ఇంకా అధికార ప్రకటన ఏదీ రాలేదు. ఈ బ్రాండ్ పేరుతో ఏవైనా ఉత్పత్తులు మార్కెట్ లోకి వస్తాయా? లేదా ఆపిల్ అనే పదం ఉండటం చేత పైనాపిల్ ట్రేడ్ మార్క్ కోసం ఫైల్ చేసిందా అనే విషయాలు త్వరలోనే తెలియనున్నాయి.

The post PINEAPPLE: పైనాపిల్ ట్రేడ్‌మార్క్ కోసం దరఖాస్తు చేసిన Apple కంపెనీ first appeared on 91Mobiles Telugu.

• 2017 మే లో కుదిరిన ఇరు కంపెనీల మధ్య ఒప్పందం
• 2023 ఆఖరి కల్లా ముగియనున్న గత ఒప్పందం
• తాజాగా కొత్త అగ్రిమెంట్ పై సంతకం చేసిన ఇరు కంపెనీలు

ప్రముఖ కంపెనీ Nokia మరొక దిగ్గజ సంస్థ Apple తో కొత్త పేటెంట్ లైసెన్స్ అగ్రిమెంట్ ని చేసుకున్నట్లు ప్రకటించింది. 2017 మే నెలలో ఇరు కంపెనీల మధ్య ఒక ఒప్పందం కుదిరింది. ఆ ఒప్పందం 2023 చివరికల్లా పూర్తవుతుంది. ఈ తరుణంలో నోకియా మరియు ఆపిల్ సంస్థలు తమ భాగస్వామ్యాన్ని కొనసాగిస్తూ కొత్త అగ్రిమెంట్ పై సంతకం చేశాయి.

ఈ కొత్త పేటెంట్ లైసెన్స్ అగ్రిమెంట్ అనేది 5జీ లో నోకియా చేసిన ఆవిష్కరణలు మరియు ఇతర టెక్నాలజీలకు వర్తిస్తుంది. ఇరు కంపెనీలు కుదుర్చుకున్న అగ్రిమెంట్ తాలూకు నియమ నిబంధనలు ప్రస్తుతానికి గోప్యంగా ఉన్నాయి. కానీ, తాము మల్టీ-ఇయర్ పీరియడ్ కి గాను ఆపిల్ నుంచి పేమెంట్స్ పొందుతామని తెలిపింది. 2024 జనవరి నుంచి తాము ఆశించిన రెవెన్యూ జనరేట్ అవుతుందని భావిస్తున్నట్లు నోకియా తెలిపింది.

ఏప్రిల్ 20, 2023న వెల్లడించిన ఫైనాన్షియల్ రిపోర్ట్‌లో ఆపిల్‌తో కొత్త ఒప్పందం దాని దీర్ఘకాలిక దృక్పథానికి అనుగుణంగా ఉందని ఫిన్నిష్ కంపెనీ తెలిపింది.

ఈ ఒప్పందంపై నోకియా టెక్నాలజీస్ ప్రెసిడెంట్ జెన్నీ లుకాండర్ వ్యాఖ్యానిస్తూ, “యాపిల్‌తో స్నేహపూర్వక ప్రాతిపదికన దీర్ఘకాలిక పేటెంట్ లైసెన్స్ ఒప్పందాన్ని ముగించినందుకు మేము సంతోషిస్తున్నాము. ఈ ఒప్పందం Nokia యొక్క పేటెంట్ పోర్ట్‌ఫోలియో యొక్క బలం, R&Dలో దశాబ్దాల తరబడి పెట్టుబడులు మరియు సెల్యులార్ ప్రమాణాలు మరియు ఇతర సాంకేతికతలకు అందించిన సహకారాన్ని ప్రతిబింబిస్తుంది.

Nokia యొక్క పేటెంట్ పోర్ట్‌ఫోలియో 2000 నుండి R&Dలో €140 బిలియన్ల కంటే ఎక్కువ పెట్టుబడి పెట్టబడింది మరియు 5Gకి అవసరమైన 5,500 కంటే ఎక్కువ పేటెంట్ కుటుంబాలతో సహా దాదాపు 20,000 పేటెంట్ కుటుంబాలను కలిగి ఉంది.

The post కొత్త పేటెంట్ క్రాస్-లైసెన్స్ అగ్రిమెంట్ పై సంతకం చేసిన Nokia, Apple సంస్థలు first appeared on 91Mobiles Telugu.

• సోని యొక్క కుమమోటో ఫెసిలిటీ సెంటర్ కి వెళ్ళిన ఆపిల్ సీఈవో టిమ్ కుక్
• ట్విట్టర్ లో తన విజిట్ కి సంబంధించిన పిక్ ని షేర్ చేసిన టిమ్ కుక్
• తమ ఐఫోన్లకు ఇమేజ్ సెన్సర్స్ సోని నుంచి వస్తాయని వెల్లడించిన టిమ్
• పదేళ్ళకు పైగా తాము సోనితో అనుబంధాన్ని కలిగి ఉన్నామని తెలిపిన కుక్

తమ ఫోన్లలో వినియోగించిన హార్డ్‌వేర్ వివరాల పట్ల ఆపిల్ గోప్యతను పాటిస్తుందన్న సంగతి అందరికీ తెలిసిందే. అయితే ఆశ్చర్యమేంటంటే ఆపిల్ సీఈవో టిమ్ కుక్ తాజాగా ఓ రహస్యాన్ని బయటపెట్టారు. ఆపిల్ సంస్థ ఐఫోన్లలో సోని కెమెరా సెన్సర్స్ వాడుతున్నట్లు వెల్లడించారు. ఆపిల్ కంపెనీ నుంచి ఇటువంటి కన్ఫర్మేషన్ అనేది అరుదైనదనే చెప్పాలి. టిమ్ కుక్ రీసెంట్ గా సోని ఫెసిలిటీ సెంటర్ విజిట్ చేశారు. ఇక సోని సెన్సర్స్ ని వాడుతున్నట్లు ఒప్పుకోవడం పెద్ద విషయమనే చెప్పవచ్చు.

“మేము ఐఫోన్ కోసం అగ్రశ్రేణి కెమెరా సెన్సర్స్ ని రూపొందించేందుకై, పదేళ్ళ నుంచి సోనితో భాగస్వామ్యాన్ని కొనసాగిస్తున్నాం,” అని టిమ్ కుక్ తన ట్వీట్ లో తెలిపారు. ఇంకా సోని సీఈవో, కెనిచిరో యోచిదా తో పాటు తనకు కుమమోటో ఫిసిలిటీని మొత్తం తిప్పి చూపించిన టీమ్ కి టిమ్ కుక్ కృతజ్ఞతలు తెలిపారు. తన ట్వీట్ లో ఓ ఫోటోని కూడా టిమ్ షేర్ చేశారు.

We’ve been partnering with Sony for over a decade to create the world’s leading camera sensors for iPhone. Thanks to Ken and everyone on the team for showing me around the cutting-edge facility in Kumamoto today. pic.twitter.com/462SEkUbhi

— Tim Cook (@tim_cook) December 13, 2022

టెక్ ఇండస్ట్రీని అనుసరించేవారికి మరియు ఐఫోన్స్ యొక్క ఐఫిక్సిట్ టియర్ డౌన్స్ చూసిన వారికి ఐఫోన్లలో సోని సెన్సర్స్ ఉంటాయని తెలుసు.

ఆపిల్ సంస్థ తన ఫోన్లలో వాడే హార్డ్‌వేర్ కంపోనెంట్స్ విషయంలో సైలెంట్ గా ఉంటుంది. బ్యాటరీ, చిప్, డిస్ప్లే సప్లయ్యర్స్ వంటి వివరాలు ఏమీ పంచుకోదు. అయితే ఆపిల్ తన ఫోన్లలో ఫ్రంట్ మరియు బ్యాక్ గ్లాస్ షీట్స్ ని కార్నింగ్ నుంచి కొనుగోలు చేస్తుందని, ఇంకా ఓఎల్ఈడీ ప్యానెల్స్ ని శాంసంగ్ మరియు ఎల్జీ నుంచి కొంటుందని సప్లయ్యర్ చైన్ అనలిస్ట్ లు రివీల్ చేశారు. ఇక చిప్స్ విషయానికి వస్తే, వాటిని TSMC తయారు చేస్తుంది.

ఎక్కువ కాంతిని తీసుకుని అండర్ ఎక్స్‌పోజర్ లేదా ఓవర్‌ఎక్స్‌పోజర్ ని తగ్గించే ఒక కొత్త సెన్సర్ ని సోని అభివృద్ధి చేస్తోందని సమాచారం. ఈ సెన్సర్స్ ని భవిష్యత్తులో రాబోవు ఐఫోన్లలో వాడే అవకాశం ఉంది. ఆపిల్ నుంచి త్వరలో రాబోవు iPhone 15 Ultra ఈ తరహా కెమెరా సెన్సర్ ని కలిగి ఉండనుందని రూమర్లు వినిపిస్తున్నాయి. అయితే ఇది ఎంతవరకు నిజమో ఇంకా తెలియదు. కానీ, అవకాశాలైతే ఉన్నాయి. ఎల్లప్పుడూ కొత్త టెక్నాలజీని, ఫీచర్లను అందించాలని తపిస్తుంటుంది ఆపిల్.

ఇక ఈ సంస్థ ఇటీవలి కాలంలో కెమెరా విభాగంపై ఎక్కువగా తన దృష్టిని పెట్టినట్లు తెలుస్తోంది. ఈ సెగ్మెంట్ లో కొత్త ఫీచర్లను, సాంకేతికతను అందించాలని ఆపిల్ యోచిస్తోంది. ఇటీవలె లాంచ్ చేసిన ఐఫోన్ 14 లో కూడా తొలిసారిగా 48ఎంపి సెన్సర్ ని ఆపిల్ ఉపయోగించింది.

లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్‌బుక్ పేజీని లైక్ చేసి ఫాలో అవ్వండి.

The post 10 ఏళ్ళుగా మేం iPhones లో ఆ కంపెనీ కెమెరా సెన్సర్స్ వాడుతున్నాం – Apple CEO first appeared on 91Mobiles Telugu.

• కర్ణాటకలోని హోసూరుకి సమీపంలో రానున్న అతిపెద్ద Apple iPhones తయారీ కేంద్రం
• ఈ హబ్ ద్వారా 60,000 మందికి ఉపాధి లభించనుందని వెల్లడించిన టెలీకామ్, ఐటీ మరియు రైల్వేశాఖ మంత్రి అశ్విన్ వైష్ణవ్
• ఐఫోన్స్ తయారు చేసేందుకు శిక్షణ తీసుకున్న 6 వేల మంది గిరిజన మహిళలు

బెంగళూరు హోసూరుకి సమీపంలో Apple iPhones యొక్క అతిపెద్ద తయారీ కేంద్రం రాబోతోంది. ఈ పరిశ్రమ ద్వారా 60,000 మందికి ఉపాధి లభించనుందని భారతీయ టెలీకామ్, ఐటీ మరియు రైల్వే శాఖ మంత్రి అశ్వినీ వైష్ణవ్ తెలిపారు. ఐఫోన్ల తయారీపై ఇప్పటికే రాంచీ, హజారీభాగ్ లకు చెందిన 6,000 మందికి పైగా గిరిజన మహిళలు శిక్షణ పొందినట్లు మంత్రి తెలిపారు. వీరంతా త్వరలోనే విధుల్లో చేరతారని మంత్రి అన్నారు.

భారత్ కి కలిసొచ్చిన చైనా కొవిడ్ నిబంధనలు

భారత్ లో ఐఫోన్స్ తయారీకి సంబంధించిన కాంట్రాక్ట్ ని ఇటీవలె టాటా ఎలక్ట్రానిక్స్ పొందింది. దీంతో హోసూరులో ప్లాంట్ ని టాటా ఎలక్ట్రానిక్స్ ఏర్పాటు చేయబోతోంది. ఇదివరకు ఫాక్స్‌కాన్, విస్ట్రన్, పెగట్రాన్ సంస్థలు భారత్ లో ఐఫోన్లను తయారు చేశాయి. ఫాక్స్‌కాన్ కి తమిళనాడులోని శ్రీపెరుంబుదుర్ లో ఫెసిలీటీ సెంటర్ ఉండగా, పెగట్రాన్ కి చెన్నైకి సమీపంలో ప్లాంట్ ఉంది. ఇక విస్ట్రన్ కి బెంగళూరులో అసెంబ్లీ ప్లాంట్స్ ఉన్నాయి.

టాటా గ్రూప్, తైవానీస్ ఆపిల్ సప్లయ్యర్ తో కలిసి ఐఫోన్స్ ని భారత్ లో అసెంబ్లింగ్ చేసేందుకు ఒక జాయింట్ వెంచర్ ని ఏర్పాటు చేయబోతోంది. ఇది విజయవంతమైతే, ఐఫోన్లను తయారు చేయనున్న తొలి భారతీయ కంపెనీగా టాటా నిలుస్తుంది. దీంతో ఎలక్ట్రానిక్స్ రంగంలో ఆదిపత్యం చెలాయిస్తోన్న చైనాకు భారత్ గట్టి సమాధానం ఇచ్చినట్లవుతుంది.

18 నుంచి 24 నెలల కాల వ్యవధిలో 45,000 మంది మహిళలను విధుల్లోకి తీసుకోవాలని టాటా ప్లాన్ చేస్తోందని బ్లూంబర్గ్ ఓ కథనాన్ని ప్రచురించింది. ప్రస్తుతం ఐఫోన్స్ యొక్క మెకానిక్స్ మరియు కేసింగ్స్ ని ఉత్పత్తి చేస్తోన్న ఫ్యాక్టరీలో 10,000 మంది ఉద్యోగులు పని చేస్తున్నారు.

చైనాలోని జెంగ్‌జౌ లో Foxconn కి ఐఫోన్స్ తయారీ కోసం అతిపెద్ద ప్లాంట్ ఉంది. అయితే ఆ ప్రాంతంలో కఠినమైన కొవిడ్ నిబంధనల కారణంగా ఐఫోన్ల ఉత్పత్తి నెమ్మదించింది. దీంతో iPhone 14 Pro, Pro Max ఫోన్ల పంపిణీలో జాప్యం నెలకొంది. ఫోన్లను బుక్ చేసుకున్న కస్టమర్లు రోజుల తరబడి షిప్పింగ్ కోసం ఎదురు చూడాల్సిన పరిస్థితి వచ్చింది. దీంతో ఆపిల్ భారత్ మరియు ఇతర దేశాల్లో ఐఫోన్స్ తయారీని మరింత విస్తృతం చేయాలని నిర్ణయించింది.

తాజా పరిణామాలతో తైవాన్ కి చెందిన Foxconn భారత్ లో తన వర్క్‌ఫోర్స్ ని 70,000 కి పెంచుకోవాలని నిర్ణయించింది. అంటే రానున్న రెండేళ్ళలో 53,000 మంది ఉద్యోగులను తీసుకోవాలని ప్రణాళిక వేసుకుంది. 2019 లో ఫాక్సాన్ ఆపరేషన్స్ ని మొదలుపెట్టింది. భారత్ లో తయారైన 85 శాతం ఐఫోన్లు విదేశాలకు ఎగుమతి అవుతుండగా, మిగతా 15 శాతం భారత్ లో అమ్ముడవుతున్నాయి.

The post iPhones తయారు చేయనున్న గిరిజన మహిళలు first appeared on 91Mobiles Telugu.

• ఆపిల్ ఇండియా ఆన్‌లైన్ స్టోర్ లో iPhone 14 Pro, 14 Pro Max వేయిటింగ్ టైమ్ 3 నుంచి 4 వారాలు
• చైనాలో తరచూ కొవిడ్ లాక్డౌన్స్, నెమ్మదించిన ఆపిల్స్ ఫోన్ల ఉత్పత్తి
• వర్కర్స్ తరలిపోతుండటంతో ఆపిల్ ఉత్పత్తుల తయారీదారు Foxconn కంపెనీలో ప్రొడక్షన్ పై ప్రభావం

చైనాలో తరచూ లాక్డౌన్స్ విధిస్తుండటంతో ఆ ప్రభావం దిగ్గజ కంపెనీ అయిన Apple పై పడింది. చైనాలో ఆపిల్ ఉత్పత్తులను తయారీ చేస్తున్న కంపెనీలపై ఈ కొవిడ్ లాక్డౌన్స్ ప్రభావం పడింది. మరోవైపు ఆపిల్ సంస్థ తన ఐఫోన్ 14 తయారీని ఇతర లొకేషన్స్ కి షిఫ్ట్ చేసే పనిలో ఉంది. ప్రస్తుతం చైనాలో ఆపిల్ యొక్క ప్రో వేరియంట్స్ మాత్రమే తయారవుతున్నాయి. చైనాలోని కీలక ప్రాంతాల్లో తరచూ లాక్డౌన్స్ పెడుతుండటంతో iPhone 14 Pro మోడల్స్ ని డిమాండ్ కి తగినట్లుగా ఆపిల్ పంపిణీ చేయలేకపోతోంది.

చైనాలో లాక్డౌన్స్ కారణంగా తాము ఊహించిన దాని కంటే తక్కువస్థాయిలో ప్రీమియమ్ ఐఫోన్ మోడల్స్ డెలివరీ జరిగినట్లు ఆపిల్ తెలిపింది. కొవిడ్-19 రిస్ట్రిక్షన్స్ వల్లన జెంగ్జూ లోని ప్రధాన అసెంబ్లీ యూనిట్ పై తాత్కాలికంగా ప్రభావం పడినట్లు ఆపిల్ పేర్కొంది. చాలా వరకు తక్కువ సామర్థ్యంతో ఈ యూనిట్ పని చేస్తున్నట్లు ఆపిల్ తెలిపింది. మరోపక్క iPhone 14 Pro, iPhone 14 Pro Max మోడల్స్ కి డిమాండ్ భారీస్థాయిలో ఉన్నట్లు ఆపిల్ చెప్పింది. కస్టమర్లు ఆపిల్ ఉత్పత్తుల కోసం చాలా రోజులు వేచి చూడక తప్పదని ఆపిల్ తెలిపింది.

ప్రస్తుతం ఐఫోన్ 14 ప్రో హ్యాండ్సెట్స్ నవంబర్ ఆఖర్లో లేదా డిసెంబర్ ఆరంభంలో డెలివరీ అవుతాయని ఆపిల్ అధికార వెబ్‌సైట్ లో ఉంది. ఆపిల్ ఇండియా ఆన్ లైన్ స్టోర్ లో డెలివరీ సమయం 3 నుంచి 4 వారాలుగా చూపిస్తోంది. కలర్, స్టోరేజీ లతో సంబంధం లేకుండా అన్ని వేరియంట్స్ కి ఇదే వెయిటింగ్ పీరియడ్ ఉంది.

iPhone 14 Pro, 14 Pro Max స్పెసిఫికేషన్స్

iPhone 14 Pro, 14 Pro Max స్మార్ట్ ఫోన్స్ లో A16 Bionic చిప్సెట్ వాడారు. ఈ డివైజెస్ వరుసగా 6.1-ఇంచ్ మరియు 6.7-ఇంచ్ ఓఎల్ఈడీ డిస్ప్లేస్ కలిగి ఉన్నాయి. వీటిలో 120 హెర్ట్జ్ ప్రొమోషన్ రిఫ్రెష్ రేట్ ఉంది. 2000 నిట్స్ పీక్ బ్రైట్నెస్ ఈ ఫోన్స్ లో ఉంది. డ్యూయల్ నాచ్ కటౌట్, డైనమిక్ ఐల్యాండ్ వంటి ఫీచర్స్ ఉన్నాయి.

iPhone 14 Pro మోడల్స్ లో కొత్త కెమెరా సిస్టమ్ తీసుకొచ్చారు. ఇప్పుడు వీటిలో 48ఎంపి మెయిన్ కెమెరా, 12ఎంపి అల్ట్రావైడ్ లెన్స్, 12ఎంపి టెలీఫోటో లెన్స్ (2ఎక్స్ ఆప్టికల్ జూమ్) ఉన్నాయి. సెల్ఫీలు, వీడియో కాల్స్ కోసం 12ఎంపి ఫ్రంట్ కెమెరా ఉంది.

iPhone 14 Pro మోడల్స్ ఐఓఎస్ 16 పై పని చేస్తాయి. బాక్స్ లో చార్జర్ ప్రొవైడ్ చేయడం లేదు. ప్రో మోడల్స్ 20 వాట్ ఫాస్ట్ చార్జింగ్ సపోర్ట్ కలిగి ఉన్నాయి. 15 వాట్ మ్యాగ్ సేఫ్ చార్జింగ్, 7.5 వాట్ క్యూఐ వైర్లెస్ చార్జింగ్ సపోర్ట్ ఉన్నాయి.

iPhone 14 Pro 128జిబి వేరియంట్ ధర రూ.1,29,900 నుంచి ప్రారంభమవుతుంది. iPhone 14 Pro Max 128జిబి యూనిట్ ధర రూ.1,39,900 గా ఉంది.

The post iPhone 14 Pro, 14 Pro Max పంపిణీలో జాప్యం, కొవిడ్ విజృంభణే కారణం first appeared on 91Mobiles Telugu.

• 5జీ సపోర్ట్ కి సంబంధించిన అప్డేట్స్ ని రోలౌట్ చేయాలని స్మార్ట్ ఫోన్ కంపెనీలపై ఒత్తిడి తెస్తోన్న కేంద్ర ప్రభుత్వం
• ఇంకా భారత్ లో 5జీ సపోర్ట్ అప్డేట్స్ ని రోలౌట్ చేయని ఆపిల్, శాంసంగ్ సంస్థలు
• భారత్ లో ఐఫోన్లపై 5జీ సపోర్ట్ ని పరీక్షిస్తోన్న ఆపిల్

భారత్ లో ఇంకా ఐఫోన్లు, శాంసంగ్ ఫోన్లు 5జీ సపోర్ట్ పొందాల్సి ఉంది. అక్టోబర్ 1 నుంచి దేశంలో 5జీ సేవలు అందుబాటులోకి వచ్చాయి. అయినప్పటికీ, ఈ రెండు కంపెనీల 5జీ డివైజెస్ కి 5జీ సపోర్ట్ అప్డేట్స్ రాలేదు. ప్రక్రియను వేగవంతం చేయడానికి భారత ప్రభుత్వం మొబైల్ ఫోన్ కంపెనీలపై ఒత్తిడి పెంచుతోంది. త్వరగా దేశంలో ఉన్న 5జీ కంపాటిబుల్ డివైజెస్ కి 5జీ అప్డేట్స్ విడుదల చేయాలని భారత ప్రభుత్వం ఆపిల్, శాంసంగ్ లకు తెలిపింది.

5జీ సేవలు దేశంలో లాంచ్ అవ్వగానే, పలు ప్రాంతాల్లో 5జీ నెట్వర్క్ ని ప్రారంభిస్తామని ఎయిర్టెల్, రిలయన్స్ సంస్థలు తెలిపాయి. సంబంధిత నగరాల్లో 5జీ సేవలు మొదలైనా, యూజర్లు మాత్రం తమ స్మార్ట్ ఫోన్లపై 5జీ సేవలను వినియోగించుకోలేక పోతున్నారు. ఎందుకంటే, వారికి 5జీ సపోర్ట్ కి సంబంధించిన సాఫ్ట్‌వేర్ అప్డేట్ ఇంకా రోలౌట్ కాలేదు. మీ వద్ద 5జీ ఫోన్ ఉన్నప్పటికీ, ఫోన్ తయారీదారు నుంచి వచ్చే ఓటీఏ అప్డేట్ ద్వారా మాత్రమే 5జీ కనెక్టివిటీ ఎనేబుల్ అవుతుంది.

లేటెస్ట్ గా రిలీజ్ అయిన iPhone 14 లో కూడా లేని 5జీ

ఐఫోన్ 12 నుంచి ఐఫోన్ 14 సిరీస్ వరకు ఆపిల్ సంస్థ సాఫ్ట్‌వేర్ అప్డేట్ ని పంపించాలని, ఎయిర్టెల్ వెబ్ సైట్ లో కనిపిస్తోంది. ఐఫోన్స్ కి 5జీ అప్డేట్స్ ఇచ్చేందుకు ఆపిల్ సంస్థ చాలా సమయం తీసుకుంటోందని రైటర్స్ తో ఓ అధికారి అన్నారు. మరోవైపు శాంసంగ్ కూడా ఎన్నో స్మార్ట్ ఫోన్స్ కి ఇంకా 5జీ రోలౌట్ పంపలేదు. ఇదిలా ఉంటే, చైనా కంపెనీలైన షావోమీ, వివో లకు చెందిన 36 కి పైగా ఫోన్లకు 5జీ అప్డేట్స్ వచ్చాయి. ఆ ఫోన్లు ఎయిర్టెల్ 5జీ సేవలను వాడుకునేందుకు రెడీ అయ్యాయి.

ఈ నేపథ్యంలో భారతీయ టెలీకామ్, ఐటీ విభాగాలకు చెందిన అధికారులు బుధవారం నాడు సమావేశమై, 5జీ అడాప్షన్ ని త్వరగా పూర్తయ్యే విషయమై చర్చలు చేయనున్నారని రైటర్స్ తన కథనంలో పేర్కొంది. రిపోర్ట్ ప్రకారం, ప్రభుత్వం ఆపిల్, శాంసంగ్, వివో, షావోమీ సంస్థల నుంచి ప్రతినిధులు సమావేశానికి హాజరు కావాలని ప్రభుత్వం ఆదేశించినట్లు సమాచారం. మరోవైపు ఎయిర్టెల్, జియో, వొడాఫోన్ ఐడియా సంస్థల ప్రతినిధులు కూడా ఈ సమావేశంలో భాగం కానున్నారు.

భారత ప్రధాని నరేంద్ర మోదీ అక్టోబర్ 1 న ఇండియన్ మొబైల్ కాంగ్రెస్ లో 5జీ సేవలను లాంచ్ చేశారు. అదే రోజున ప్రముఖ టెలీకామ్ సంస్థ ఎయిర్టెల్ కూడా 5జీ సేవలను లాంచ్ చేసింది. తర్వాత కొన్ని రోజులకు రిలయన్స్ జియో 5జీ సర్వీసెస్ లాంచ్ చేసింది.

The post 5G అప్డేట్స్ రిలీజ్ చేయాలని Apple, Samsung లను ఆదేశించిన భారత ప్రభుత్వం first appeared on 91Mobiles Telugu.

• తన ఈ-కామర్స్ వెబ్ సైట్ లో దీపావళి ఫెస్టివల్ ఆఫర్ ప్రకటించిన ఆపిల్
• రూ.41,900 విలువ కలిగిన ఉత్పత్తుల కొనుగోలుపై రూ.7,000 (7%) వరకు డిస్కౌంట్
• సెప్టెంబర్ 26 నుంచి అక్టోబర్ 24 వరకు కొనసాగనున్న ఆపిల్ ఫెస్టివల్ సేల్, హెచ్డీఎఫ్‌సీ, అమెరికన్ ఎక్స్‌ప్రెస్ క్రెడిట్ కార్డ్స్ పై మాత్రమే ఆఫర్ చెల్లుబాటు

తన అధికార వెబ్‌సైట్ లో ఆపిల్ సంస్థ ఫెస్టివల్ డీల్ ని ప్రకటించింది. ఫ్లిప్ కార్ట్ బిగ్ బిలియన్ డేస్, అమెజాన్ గ్రేట్ ఇండియన్ ఫెస్టివల్ సేల్స్ నడుమ ఆపిల్ తన పండుగ ఆఫర్ ని ప్రకటించింది. సాధారణంగా ఈ-కామర్స్ సైట్స్ లో ఉత్పత్తుల ధరలను బాగా తగ్గించడం లేదంటే బ్యాంక్ డిస్కౌంట్స్ వంటివి ఓ రేంజ్ లో ఉండటం మనకు తెలిసిందే. అయితే ఆపిల్ మాత్రం ధరలను తగ్గించలేదు. దానికి బదులుగా, 7 శాతం డిస్కౌంట్ అంటే రూ.7,000 వరకు ఇన్‌స్టంట్ డిస్కౌంట్ ని అందిస్తోంది. అది కూడా రూ.41,900 పైన బిల్ చేస్తే ఈ ఆఫర్ వర్తించనుంది. ఈ ఆఫర్ కేవలం హెచ్డీఎఫ్‌సీ మరియు అమెక్స్ క్రెడిట్ కార్డ్స్ ద్వారా మాత్రమే లభిస్తుంది.

అదనంగా 3 లేదా 6 నెలల కాలానికి నో-కాస్ట్ ఈఎంఐ సౌకర్యం కూడా ఉంది. ఆపిల్ ప్రకటించిన పండుగ ఆఫర్ బాగానే ఉంది. కానీ, అమెజాన్, ఫ్లిప్ కార్ట్ మాదిరిగా ఉత్పత్తుల ధరలను తగ్గిస్తే బాగుండేది. అప్పుడు మంచి పోటీ వాతావరణం ఏర్పడేది. అలాగే ఆపిల్ ఉత్పత్తులను కొనాలనుకునే వారికి ఎంతో ప్రయోజనం కలిగేది. ఏదేమైనా, ఇటీవలి కాలంలో ఆపిల్ ఫోన్ల ధరలు ఎప్పుడు లేని విధంగా తగ్గుముఖం పట్టాయి. ముఖ్యంగా ఐఫోన్ 14 సిరీస్ లాంచ్ తర్వాత ఆపిల్ కంపెనీ ఐఫోన్ 13 సిరీస్ ఫోన్ల ధరలను తగ్గించింది. దీంతో ఐఫోన్ కొనాలని ఎప్పటి నుంచో ఎదురు చూస్తున్న యూజర్లు ఈ అవకాశాన్ని ఉపయోగించుకుంటున్నారు.

Apple ఫెస్టివల్ సేల్

తన ఈ-కామర్స్ సైట్ ఆపిల్ సంస్థ ఫెస్టివల్ సేల్ ని ప్రకటించింది. ఈ సేల్ ద్వారా వినియోగదారులు రూ.41,900 కి పైన షాపింగ్ చేస్తే, 7 శాతం ఇన్‌స్టంట్ డిస్కౌంట్ అంటే రూ.7,000 వరకు బెనిఫిట్ పొందవచ్చు. ఈ ఆఫర్ కేవలం హెచ్డీఎఫ్‌సీ, అమెరికన్ ఎక్స్‌ప్రెస్ క్రెడిట్ కార్డ్స్ పై మాత్రమే చెల్లుబాటు అవుతుంది. అలాగే 3 నుంచి 6 నెలల వరకు నో-కాస్ట్ ఈఎంఐ సౌకర్యం అందుబాటులో ఉంది.

సెప్టెంబర్ 26 న మొదలైన ఈ ఫెస్టివల్ సేల్ అక్టోబర్ 24 వరకు కొనసాగుతుంది. ఈ ఆఫర్ ఆపిల్ స్టోర్ ఫర్ ఎడ్యుకేషన్ లేదా కార్పొరేట్ ఎంప్లాయీ పర్చేస్ ప్లాన్ ప్రైసింగ్ తో ముడిపడి లేదు. ఇక ఈ ఆఫర్ AirPods, iPads తదితర ఉత్పత్తులను కొనాలనుకునే వారికి ఎక్కువ ప్రయోజనం చేకూర్చనుంది. అయితే, ఉత్పత్తుల ధరలను గమనిస్తే, ఆపిల్ వెబ్‌సైట్ లో కంటే, ఫ్లిప్ కార్ట్, అమెజాన్ సైట్స్ లోనే మంచి డీల్స్ ఉన్నాయి. ఫ్లిప్ కార్ట్, అమెజాన్ లో ఐఫోన్లు, మ్యాక్ బుక్స్ తదితర ఆపిల్ ప్రోడక్ట్స్ పై బెస్ట్ డీల్స్ ఉన్నాయి.

The post Apple దీపావళి సేల్ ఆఫర్: రూ.7,000 వరకు లభించనున్న డిస్కౌంట్ first appeared on 91Mobiles Telugu.

• ఐఫోన్లపై నిషేధం విధించిన బ్రెజిల్ న్యాయ మంత్రిత్వశాఖ
• బాక్స్ లో చార్జర్ అందించకపోవడమే బ్యాన్ కి ప్రధాన కారణం
• ఆపిల్ కు 2.3 మిలియన్ డాలర్ల జరిమానా వేసిన బ్రెజిల్ ప్రభుత్వం

ఆపిల్ నిర్వహించే ఫార్ ఔట్ ఈవెంట్ లో ఐఫోన్ 14 సిరీస్ నేడు ప్రపంచ వ్యాప్తంగా లాంచ్ కానుంది. లాంచ్ పై ఇప్పటికే ఎంతో బజ్ క్రియేట్ అయ్యింది. ప్రో వర్షన్ ఐఫోన్స్ డిజైన్ మేకోవర్ తో వస్తున్నాయి. ఈ కోలాహలం నడుమ ఆపిల్ కి షాక్ తగిలింది. బ్రెజిల్ న్యాయ మంత్రిత్వ శాఖ తమ దేశంలో ఐఫోన్స్ పై బ్యాన్ ని విధిస్తూ నిర్ణయం తీసుకుంది. ఫోన్ తో చార్జర్ ని ప్రొవైడ్ చేయకపోవడమే ఇందుకు ప్రధాన కారణం. అలాగే బ్రెజిల్ ప్రభుత్వం ఆపిల్ పై 2.3 మిలియన్ డాలర్ల జరిమానా విధించింది. ఆమేరకు బ్రెజిలియన్ ఫెడరల్ రిజిస్టర్ లో పేర్కొనబడింది.

2021 అక్టోబర్ లో, బ్రెజిల్ న్యాయశాఖ ఆపిల్, శాంసంగ్ లను ఉద్దేశించి, చార్జర్ తీసేయడానికి గల కారణాలేంటో తెలపాలని ఆదేశించింది. 2022 మే నెలలో ఆపిల్, శాంసంగ్ లపై అడ్మిస్ట్రేటివ్ ప్రొసీడింగ్స్ ని మొదలు పెట్టాలని బ్రెజిల్ కన్జూమర్ ప్రొటెక్షన్ రెగ్యులేటర్ ని ప్రభుత్వం కోరింది. ఈ వ్యవహారంపై స్పందించిన ఆపిల్, ప్రభుత్వ నిర్ణయంపై అప్పీల్ కి వెళతామని తెలిపింది.

iPhone అమ్మకాలపై నిషేధం, స్పందించిన ఆపిల్

ఆపిల్ సంస్థ ఐఫోన్ తో పాటు బాక్స్ లో చార్జింగ్ అడాప్టర్ ని అందించడం లేదని, అందుచేత ఐఫోన్స్ అమ్మకాలపై బ్రెజిల్ న్యాయశాఖ నిషేధం విధించింది. బ్రెజిలియన్ పత్రిక జీ1 లో ఆమేరకు కథనం ప్రచురితమైంది. “ఐఫోన్ 12 మోడల్ తదనంతరం చార్జింగ్ అడాప్టర్ లేకుండా వచ్చిన అన్ని ఐఫోన్లపై బ్యాన్ ని విధించడం జరిగింది. బీఆర్ఎల్ 12,274,500 జరిమానా వేయడం జరిగింది. చార్జర్ లేకుండా ఏ ఐఫోన్ కూడా అమ్మడానికి వీలు లేదు,” అని బ్రెజిల్ న్యాయశాఖ పేర్కొంది.

భూమి యొక్క కర్బన ఉద్గారాలను తగ్గించేందుకే తాము బాక్స్ నుంచి చార్జర్ ని తొలగించామని ఆపిల్ వాదిస్తోంది. అలాగే తమ వాదనను బలంగా నమ్ముతోంది. దీంతో బ్రెజిల్ ప్రభుత్వం యొక్క నిర్ణయాన్ని అప్పీల్ చేయనున్నట్లు ఆపిల్ సంస్థ వెల్లడించింది.

“ఆపిల్ చేసే ప్రతి పని భూమిపై, జనాలపై ఎలా ప్రభావం చూపుతుందోనన్న విషయాన్ని కంపెనీ దృష్టిలో పెట్టుకుంటుంది. పవర్ అడాప్టర్లు భారీ మొత్తంలో జింక్, ప్లాస్టిక్ వినియోగానికి కారణమవుతాయి. బాక్స్ నుంచి వాటిని తొలగించడం వల్లన, 2 మిలియన్ మెట్రిక్ టన్నుల కర్బన ఉద్గారాలను తగ్గించగలిగాం. ఇది ప్రతి ఏడాది రోడ్లపై నుంచి 5 లక్షల కార్లను తొలగించడంతో సమానం. ఇప్పటికే ప్రపంచంలో బిలియన్ల కొలది యూఎస్బీ-ఏ చార్జర్లు వాడుకలో ఉన్నాయి. మేం ఇప్పటికే బ్రెజిల్ లో ఎన్నో కోర్టు కేసులు గెలిచాం. కస్టమర్లు తమ ఐఫోన్ల చార్జింగ్ కొరకు ప్రత్యామ్నాయ మార్గాలను అనుసరిస్తారని విశ్వసిస్తున్నాం. మేం ప్రభుత్వం తో మాట్లాడి వారి వాదనలను వింటాం. అలాగే నిర్ణయంపై అప్పీల్ కు వెళ్ళేందుకై ప్లాన్ చేస్తాం,” అని ఆపిల్ ఒక ప్రకటనలో తెలిపింది.

మరోవైపు, శాంసంగ్ సంస్థ తన గెలాక్సీ జెడ్ ఫ్లిప్ 4, జెడ్ ఫోల్డ్ 4 ఫోన్ల బాక్సుల్లో చార్జర్ లను జత చేసి బ్రెజిల్ లో అమ్మడం ప్రారంభించింది. అయితే, ఆపిల్ ఐఫోన్ బాక్సుల్లో చార్జర్ లు లేవు. ఇకపోతే ఆపిల్ సంస్థ 2030 కల్లా కార్బర్ న్యూట్రల్ గా మారాలనే లక్ష్యంతో ముందుకెళ్తోంది. అందుకోసమే బాక్సుల నుంచి చార్జర్ లను తొలగించడం మొదలు పెట్టింది. అయితే, ఆపిల్ పై ప్రపంచ వ్యాప్తంగా పలు దేశాలు చార్జర్ తొలగింపు పై వివరణ కోరడమో లేదా కోర్టుకు లాగడమో చేశాయి.

The post షాకింగ్ న్యూస్: Apple iPhone అమ్మకాలపై నిషేధం first appeared on 91Mobiles Telugu.

• సెప్టెంబర్ 7 న జరగనున్న ఆపిల్ ఈవెంట్
• ఈవెంట్ లో లాంచ్ కానున్న ఐఫోన్ 14 సిరీస్, వాచ్ సిరీస్ 8, ఐప్యాడ్ మోడల్స్
• ఎయిర్‌పాడ్స్ ప్రో, మ్యాక్ ప్రో కూడా లాంచ్ అయ్యే అవకాశం

సెప్టెంబర్ 7 న ఆపిల్ ఈవెంట్ 2022 జరగనుంది. ఈ సందర్భంగా పలు ఉత్పత్తులను ఆపిల్ లాంచ్ చేయనుంది. ఐఫోన్ 14 సిరీస్, వాచ్ సిరీస్ 8 తదితర ప్రోడక్ట్స్ ఈవెంట్ లో లాంచ్ అయ్యే అవకాశముంది. ఇటీవలె ఆపిల్ నుంచి వచ్చిన ఇమేజ్ టీజర్ ని బట్టి కంపెనీ ఆస్ట్రోఫోటోగ్రఫీ, శాటిలైట్ నెట్వర్క్ కనెక్టివిటీ, ఆల్వేస్-ఆన్-డిస్ప్లే తదితర వాటిపై దృష్టి పెట్టినట్లు తెలుస్తోంది. ఈసారి ఐఫోన్ 14 సిరీస్ లో నాచ్ కి సంబంధించిన మార్పులను గమనించవచ్చు. ఏళ్ళుగా కొనసాగుతోన్న డిజైన్ కి యాపిల్ ఎండ్ కార్డ్ వేయనుందని అర్థమవుతోంది.

ప్రపంచ వ్యాప్తంగా ఉన్న ఆపిల్ ఫ్యాన్స్, టెక్నాలజీ ప్రియులు, ప్రతి ఏడాది జరిగే ఆపిల్ ఈవెంట్ కోసం ఎంతగానో ఎదురు చూస్తుంటారు. సెప్టెంబర్ 7 న జరగబోవు ఆపిల్ ఈవెంట్ లో ఏయే ప్రోడక్ట్స్ లాంచ్ కానున్నాయో ఈ ఆర్టికల్ లో మేం వివరిస్తాం.

సెప్టెంబర్ 7 న జరగనున్న Apple ఈవెంట్: ఏం ఆశించవచ్చు?

iPhone 14 series: గతేడాది విడుదలైన ఐఫోన్ 13 లైనప్ కి సక్సెసర్ గా ఐఫోన్ 14 సిరీస్ రానుంది. సెప్టెంబర్ 7 న జరగబోవు ఈవెంట్ లో ఆపిల్ ఐఫోన్ 14 సిరీస్ ని లాంచ్ చేసేందుకు అవకాశాలు చాలా ఎక్కువగా ఉన్నాయి. అయితే ఈసారి కేవలం మూడు మోడల్స్ మాత్రమే రానున్నట్లు తెలుస్తోంది. మినీ వర్షన్ ని ఈసారి తీసుకు రావడం లేదని సమాచారం. అలాగే 6.7 అంగుళాల స్క్రీన్ కలిగిన ఐఫోన్ 14 మ్యాక్స్ మోడల్ ని ఆపిల్ తీసుకొచ్చే అవకాశమున్నట్లు తెలుస్తోంది. అయితే ఇది వంద శాతం నిజమని చెప్పలేం. ఇక ఈ లైనప్ లో స్టాండర్డ్ వేరియంట్ అయిన ఐఫోన్ 14, ఐఫోన్ 14 ప్లస్ లేదా మ్యాక్స్, ఐఫోన్ 14 ప్రో, ఐఫోన్ 14 ప్రో మ్యాక్స్ మోడల్స్ ఉండనున్నాయి.

సంప్రదాయ నాచ్ డిజైన్ కి బదులుగా ఐఫోన్ 14 ప్రో మోడల్స్ లో పిల్-షేప్డ్ హోల్-పంచ్ కటౌట్ ఉండనున్నట్లు సమాచారం. అయితే స్టాండర్డ్ మోడల్ మాత్రం పాత నాచ్ డిజైన్ తోనే వస్తున్నట్లు తెలుస్తోంది. ఐఫోన్ 14 సిరీస్ మోడల్స్ స్క్వేర్ ఎడ్జెస్ తో కూడిన బాక్సీ డిజైన్ ని కలిగి ఉంటాయని అంచనా. ఐఫోన్ 14 మరియు ఐఫోన్ 14 ప్రో మోడల్స్ వరుసగా 6.1 మరియు 6.7 అంగుళాల డిస్ప్లే సైజులను కలిగి 120 హెర్ట్జ్ రిఫ్రెష్ రేట్ కి సపోర్ట్ చేస్తాయని అంచనా. ఇక ప్రో వర్షన్స్ విషయానికి వస్తే, ఇవి ఆల్వేస్-ఆన్-డిస్ప్లే ఫంక్షనాలిటీని కలిగి ఉంటాయని సమాచారం.

ఐఫోన్ 14 ప్రో మోడల్స్ లో ఆపిల్ ఏ16 బయోనిక్ చిప్సెట్ ఉండనుంద. స్టాండర్డ్ వర్షన్స్ లో ఏ15 బయోనిక్ చిప్ ఉంటుందని అంచనా. ఐఫోన్ 14 లో 3279 ఎంఏహెచ్ బ్యాటరీ, ఐఫోన్ 14 మ్యాక్స్ లో 4325ఎంఏహెచ్ బ్యాటరీ, ఐఫోన్ ప్రో లో 3200ఎంఏహెచ్ బ్యాటరీ, ఐఫోన్ 14 ప్రో మ్యాక్స్ లో 4323 ఎంఏహెచ్ బ్యాటరీ ఉంటాయని తెలుస్తోంది. ఇక కెమెరాల గురించి తెలుసుకుందాం. ఐఫోన్ 14 సిరీస్ మెరుగైన కెమెరా సెన్సర్స్ తో వస్తున్నట్లు సమాచారం. ప్రైమరీ సెన్సర్ 48 ఎంపి ఉంటుందని అంచనా.

Apple Watch Series 8: సెప్టెంబర్ 7 న జరగబోవు ఈవెంట్ లో వాచ్ సిరీస్ 8 కూడా లాంచ్ కానున్నట్లు సమాచారం. వాచ్ ఎస్ఈ సక్సెసర్ ని బడ్జెట్ సెగ్మెంట్ లో పెట్టే అవకాశముంది. వాచ్ సిరీస్ 3 కూడా రెగ్యులర్ మోడల్స్ మాదిరి పెర్ఫామెన్స్ ను అందించనున్నాయి.

ఇక ఇవే కాకుండా, ఆపిల్ ఒక రగ్డ్ స్మార్ట్ వాచ్ (యాపిల్ వాచ్ ప్రో) ని తీసుకు రానున్నట్లు సమాచారం. ఇది కచ్చితంగా స్పోర్ట్స్, ఫిట్నెస్ ఔత్సాహికుల కోసమని తెలుస్తోంది. ఈ వాచ్ అత్యంత దృఢమైన టైటానియం కేసింగ్, భారీ డ్యామేజ్-రెసిస్టంట్ స్క్రీన్ కలిగి ఉండనుంది. అలాగే ఈ వాచ్ ధర కూడా చాలా ఎక్కువగా ఉంటుందని అంచనా.

కొత్త ఐప్యాడ్: కొత్త ఐప్యాడ్ మోడల్స్ ని కూడా ఈవెంట్ లో పరిచయం చేయనున్నట్లు సమాచారం. అలాగే ఇందులో బడ్జెట్ ఐప్యాడ్ కూడా ఉండనుందట. ఐప్యాడ్ మినీ, ఐప్యాడ్ ప్రో, బడ్జెట్ ఐప్యాడ్ అని మూడు వేరియంట్స్ ఈ లైనప్ లో ఉంటాయని సమాచారం. ఎంట్రీ లెవెల్ వర్షన్ లో ఏ14 చిప్సెట్ ఉండే అవకాశం ఉంది. మిగతా వేరియంట్స్ లో ఎమ్2 చిప్సెట్ ఉండనున్నట్లు తెలుస్తోంది.

The post సెప్టెంబర్ 7 న జరగనున్న ఆపిల్ ఈవెంట్: లాంచ్ కానున్న iPhone 14, Apple Watch Series 8 first appeared on 91Mobiles Telugu.