ప్రముఖ స్మార్ట్ఫోన్ బ్రాండ్ Tecno నేడు భారతీయ మార్కెట్ లో Camon 30 5G సిరీస్ను లాంచ్ చేసింది. లైనప్ లో Camon 30 5G మరియు Camon 30 Premier 5G ఫోన్లు మార్కెట్ లోకి ఎంట్రీ ఇచ్చాయి. ఈ రెండు ఫోన్లు కూడా పవర్ఫుల్ కెమెరాలు, స్టైలిష్ లుక్స్ తో వచ్చాయి. ఈ ఆర్టికల్ లో మనం Camon 30 5G పూర్తి స్పెసిఫికేషన్స్, ధర మరియు లభ్యత వివరాలను తెలుసుకుందాం.
Camon 30 5G ధర
Camon 30 5G డివైజ్ భారత్ లో రెండు మెమొరీ వేరియంట్స్ లో లాంచ్ అయ్యింది. వాటి ధరలు ఎలా ఉన్నాయో తెలుసుకుందాం.
Camon 30 5G 8జిబి ర్యామ్ + 256జిబి స్టోరేజీ వేరియంట్ ధరను రూ.22,999 గా నిర్ణయించారు.
Camon 30 5G 12జిబి ర్యామ్ + 256జిబి స్టోరేజీ మోడల్ ధరను రూ.26,999 గా పెట్టారు.
ఐసీఐసీఐ బ్యాంక్ కార్డ్స్ ద్వారా డివైజ్ని కొనుగోలు చేస్తే రూ.3,000 డిస్కౌంట్ లభిస్తుంది. దీంతో రెండు వేరియంట్స్ వరుసగా రూ.19,999 మరియు రూ.23,999 ధరలకు లభిస్తాయి.
Camon 30 5G స్మార్ట్ఫోన్ సేల్ మే 23 నుంచి ప్రారంభమవుతుంది. ఈ ఫోన్ కొనే కస్టమర్లకు కంపెనీ రూ.4,999 విలువగల స్మార్ట్వాచ్ని ఉచితంగా అందిస్తోంది.
Camon 30 5G స్పెసిఫికేషన్స్
స్క్రీన్: Camon 30 5G లో 6.78-ఇంచ్ ఫుల్ హెచ్డీ+ డిస్ప్లే, 1080*2436 పిక్సెల్స్ రెజుల్యూషన్, ఎల్టీపీఎస్ అమోలెడ్ ప్యానెల్, 120 హెర్ట్జ్ రిఫ్రెష్ రేట్, 1200 నిట్స్ బ్రైట్నెస్ ఉన్నాయి.
ప్రాసెసర్: Camon 30 5G లో మీడియాటెక్ డైమెన్సిటీ 7200 ఆక్టా-కోర్ ప్రాసెసర్ ఉంది. ఇది 4 నానోమీటర్ ఫ్యాబ్రికేషన్ పై తయారైంది. దీని హయ్యస్ట్ క్లాక్ స్పీడ్ 2.8GHz. గ్రాఫిక్స్ కోసం మాలి జీ610 జీపీయూ వాడారు.
మెమొరీ: Camon 30 5G డివైజ్ 8జిబి/12జిబి ర్యామ్, 256జిబి స్టోరేజీ ఆప్షన్స్ లో లభిస్తుంది. ఈ ఫోన్ లో ఎల్పీడీడీఆర్4ఎక్స్ ర్యామ్, యూఎఫ్ఎస్ 3.1 స్టోరేజీ టెక్నాలజీ అందించారు.
కెమెరా: Camon 30 5G లో డ్యూయల్ రియర్ కెమెరా సెటప్ ఉంది. ఇందులో 100ఎంపి ఓఐఎస్ మెయిన్ కెమెరా, 2ఎంపి డెప్త్ సెన్సర్ ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 50ఎంపి ఫ్రంట్ కెమెరా అందించారు.
బ్యాటరీ: Camon 30 5G లో పవర్ బ్యాకప్ కోసం 5000 ఎంఏహెచ్ బ్యాటరీ ఇచ్చారు. ఇది 70 వాట్ సూపర్ ఫ్లాష్ ఫాస్ట్ చార్జింగ్ కి సపోర్ట్ చేస్తుంది.