ప్రముఖ స్మార్ట్ఫోన్ బ్రాండ్ Tecno తాజాగా గ్లోబల్ మార్కెట్లో Camon 30S స్మార్ట్ఫోన్ని లాంచ్ చేసింది. ఈ ఫోన్ త్వరలోనే భారత్ తో పాటు ఇతర మార్కెట్స్ లో కూడా విడుదల కానుంది. ఈ హ్యాండ్సెట్ లో వర్చువల్ టెక్నాలజీతో 16జిబి వరకు ర్యామ్, 5000 ఎంఏహెచ్ బ్యాటరీ, 6.78-ఇంచ్ ఓఎల్ఈడీ స్క్రీన్, 50ఎంపి కెమెరా వంటి స్పెసిఫికేషన్స్ ఉన్నాయి. ఓసారి ఈ ఫోన్ యొక్క ధర మరియు పూర్తి స్పెసిఫికేషన్స్ తెలుసుకుందాం.
Tecno Camon 30S ధర, కలర్ ఆప్షన్స్
- Tecno Camon 30S స్మార్ట్ఫోన్ ప్రస్తుతం పాకిస్తాన్ లో కొనుగోలుకి అందుబాటులో ఉంది. 256జిబి వేరియంట్ ధర PKR 59,999 (సుమారు రూ.18,000) గా ఉంది.
- Tecno Camon 30S డివైజ్ బ్లూ, నెబులా వయొలెట్, సెలెస్టియల్ బ్లాక్ మరియు డాన్ గోల్డ్ కలర్స్ లో లభిస్తుంది.
- బ్లూ కలర్ వేరియంట్ కలర్ చేంజింగ్ టెక్నాలజీతో వచ్చింది. దీని బ్యాక్ ప్యానెల్పై సూర్యకాంతి పడినప్పుడు రంగు మారుతుంది.
Tecno Camon 30S స్పెసిఫికేషన్స్
డిస్ప్లే: Tecno Camon 30S స్మార్ట్ఫోన్లో 6.78-ఇంచ్ ఫుల్హెచ్డీ+ స్క్రీన్, ఓఎల్ఈడీ ప్యానెల్, 120 హెర్ట్జ్ రిఫ్రెష్ రేట్, 1,300 నిట్స్ వరకు హైబ్రైట్నెస్ మోడ్, 10-బిట్ ప్యానెల్, 2160 హెర్ట్జ్ పీడబ్ల్యూఎమ్ డిమ్మింగ్, 100% డీసీఐ-పీ3 కలర్ గ్యామట్, గొరిల్లా గ్లాస్ ప్రొటెక్షన్ ఉన్నాయి.
చిప్సెట్: Tecno Camon 30S స్మార్ట్ఫోన్లో మీడియాటెక్ హీలియో జీ100 చిప్సెట్ అందించారు.
ర్యామ్, స్టోరేజీ: Tecno Camon 30S 6జిబి+128జిబి, 8జిబి+128జిబి, మరియు 8జిబి ర్యామ్ + 256జిబి స్టోరేజీ వేరియంట్స్ లో లభిస్తుంది. ఈ ఫోన్ లో 8జిబి వర్చువల్ ర్యామ్ ఫీచర్ కూడా ఉంది. దీంతో గరిష్టంగా 16జిబి వరకు ర్యామ్ పవర్ యూజర్కి లభిస్తుంది.
కెమెరా: Tecno Camon 30S స్మార్ట్ఫోన్ లో 50ఎంపి 1/1.56″ సోని ఐఎంఎక్స్896 ఓఐఎస్ మెయిన్ కెమెరా, 2ఎంపి డెప్త్ సెన్సర్ ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 13ఎంపి ఫ్రంట్ కెమెరా ఉంది. ఫ్రంట్లో డ్యూయల్ ఫ్లాష్ కూడా ఉంది.
బ్యాటరీ, చార్జింగ్: Tecno Camon 30S లో పవర్ బ్యాకప్ కోసం 5000 ఎంఏహెచ్ బ్యాటరీ ఉంది. ఇది 33 వాట్ ఫాస్ట్ చార్జింగ్ కి సపోర్ట్ చేస్తుంది.
కనెక్టివిటీ: Tecno Camon 30S లో డ్యూయల్ సిమ్, 4జీ, బ్లూటూత్, వై-ఫై వంటి ఆప్షన్స్ ఉన్నాయి.
ఇతర ఫీచర్లు: Tecno Camon 30S లో ఐపీ53 రేటింగ్, స్టీరియో స్పీకర్స్, డాల్బీ అట్మాస్, ఇన్-స్క్రీన్ ఫింగర్ప్రింట్ స్కానర్ ఉన్నాయి.