TECNO బ్రాండ్ తన తొలి ఫోల్డబుల్ ఫోన్ Tecno Phantom V Fold ని మొబైల్ వరల్డ్ కాంగ్రెస్ 2023 లో అనౌన్స్ చేసింది. తర్వాత ఈ ఫోన్ ని భారత్ లో లాంచ్ చేసింది. ఈ మడత ఫోన్ 12జిబి ర్యామ్, 256జిబి స్టోరేజీ వేరియంట్ ధర భారత్ లో రూ.89,999 గా ఉంది. ఇప్పుడు టెక్నో మరో అడుగు ముందుకేసింది. తాజాగా తన తొలి క్లామ్షెల్ స్మార్ట్ ఫోన్ Tecno Phantom V Flip ని లాంచ్ చేయనున్నట్లు ప్రకటించింది. ఈ స్మార్ట్ ఫోన్ లాంచ్ తేదీని కూడా కంపెనీ వెల్లడించింది. ఆ విశేషాలేంటో తెలుసుకుందాం పదండి.
Tecno Phantom V Flip లాంచ్ తేదీ
Tecno Phantom V Flip స్మార్ట్ ఫోన్ ని సెప్టెంబర్ 22 వ తేదీన లాంచ్ చేయనున్నట్లు కంపెనీ వెల్లడించింది. ఫ్లిప్ ఇన్ స్టైల్ అనే ట్యాగ్ లైన్ తో ఈ లాంచ్ ఈవెంట్ ని కంపెనీ నిర్వహించబోతోంది. విడుదల కార్యక్రమం సింగపూర్ లో మధ్యాహ్నం 3 గంటలకు ప్రారంభమవుతుంది. రానున్న రోజుల్లో ఈ ఫ్లిప్ ఫోన్ కి సంబంధించిన మరిన్ని వివరాలను కంపెనీ వెల్లడించే అవకాశం ఉంది.
Tecno Phantom V Flip స్మార్ట్ ఫోన రీసెంట్ గా గూగుల్ ప్లే కన్సోల్, ఎఫ్సీసీ లిస్టింగ్ పై దర్శనమిచ్చింది. దీంతో డివైజ్ యొక్క ప్రధాన స్పెసిఫికేషన్స్ బయటకు వచ్చాయి. సరే, ఓసారి Tecno Phantom V Flip డివైజ్ కి సంబంధించిన లీకైన స్పెసిఫికేషన్స్ ఎలా ఉన్నాయో తెలుసుకుందాం పదండి.
Tecno Phantom V Flip స్పెసిఫికేషన్స్
- స్క్రీన్: Tecno Phantom V Flip లో 6.9-ఇంచ్ ఫుల్ హెచ్డీ+ డిస్ప్లే, 1.39-ఇంచ్ కవర్ అమోలెడ్ డిస్ప్లే ఉంటాయి.
- చిప్సెట్: Tecno Phantom V Flip లో మీడియాటెక్ ఎంటీ6893జెడ్/సీజెడ్ఏ చిప్ ని వాడనున్నారు. బహుశా మీడియాటెక్ డైమెన్సిటీ 1300 ప్రాసెసర్ ఇందులో ఉండే అవకాశం ఉంది. ఇది 6 నానోమీటర్ ప్రాసెస్ పై తయారైన చిప్. ఇకపోతే, గ్రాఫిక్స్ కోసం మాలి-జీ77 జీపీయూని జతచేయనున్నారు.
- ర్యామ్, స్టోరేజీ: Tecno Phantom V Flip డివైజ్ 8జిబి ర్యామ్, 128జిబి/256జిబి స్టోరేజీని ఆఫర్ చేసే అవకాశం ఉంది.
- ఓఎస్: Tecno Phantom V Flip డివైజ్ ఆండ్రాయిడ్ 13 ఓఎస్ పై పని చేస్తుంది.
- బ్యాటరీ: Tecno Phantom V Flip లో పవర్ బ్యాకప్ కోసం 1165 ఎంఏహెచ్ మరియు 2735ఎంఏహెచ్ కెపాసిటీ కలిగిన డ్యూయల్ బ్యాటరీలు ఉంటాయి. అంటే మొత్తంగా 3,900 ఎంఏహెచ్ సామర్థ్యం ఈ బ్యాటరీల సొంతం. ఈ ఫోన్ 45 వాట్ ఫాస్ట్ చార్జింగ్ సపోర్ట్ తో రానుంది.
- కనెక్టివిటీ: Tecno Phantom V Flip లో 5జీ, 4జీ, డ్యూయల్ సిమ్, బ్లూటూత్, వై-ఫై, జీపీఎస్ వంటి ఆప్షన్స్ ఉండవచ్చు.