మొబైల్ వరల్డ్ కాంగ్రెస్ 2023 లో Tecno Phantom V Fold 5G ఇండియా ధర, స్పెసిఫికేషన్స్ ని ప్రకటించిన తర్వాత, తాజాగా ఇప్పుడు ఈ ఫోన్ భారతీయ మార్కెట్ లో సేల్ కి వచ్చేందుకు సిద్ధమవుతోంది. తన ట్విట్టర్ హ్యాండిల్ ద్వారా టెక్నో సంస్థ Tecno Phantom V Fold 5G లాంచ్ త్వరలోనే ఉంటుందని వెల్లడించింది. అయితే కచ్చితమైన తేదీని వెల్లడించలేదు. కానీ, త్వరలో రానుంది అని మాత్రం ట్వీట్ లో పేర్కొనబడింది. సరే, ఓసారి Tecno Phantom V Fold 5G యొక్క ధర, స్పెసిఫికేషన్స్ వివరాలు తెలుసుకుందాం పదండి.
Double the dose of excellence with the pair of exceptional main and sub-screen displays on #PHANTOMVFold. Coming Soon.#TECNO #TECNOSmartphones #PHANTOMVFold #BeyondTheExtraordinary pic.twitter.com/wzqiJUK0RK
— TECNO Mobile India (@TecnoMobileInd) March 16, 2023
భారత్ లో Tecno Phantom V Fold 5G ధర
Tecno Phantom V Fold 5G రెండు మెమొరీ వేరియంట్స్ లో లభించనుంది. ఇప్పటికే ఈ విషయాన్ని అఫీషియల్ గా కంపెనీ ప్రకటించింది. 12జిబి ర్యామ్ + 256జిబి స్టోరేజీ వేరియంట్ ధర రూ.89,999 గా ఉంది. 12జిబి ర్యామ్ + 512జిబి వేరియంట్ ధర రూ.99,999 గా నిర్ణయించారు.
Tecno Phantom V Fold 5G స్పెసిఫికేషన్స్
Tecno Phantom V Fold 5G స్మార్ట్ ఫోన్ లో డ్యూయల్ డిస్ప్లేలు ఉంటాయి. వీటిలో 7.65-ఇంచ్ 2కే+ మెయిన్ స్క్రీన్ ఉంటుంది. ఇది 2296*2000 పిక్సెట్ రెజుల్యూషన్ కలిగి ఉంటుంది. మరొక స్క్రీన్ 6.42-ఇంచ్ ఫుల్ హెచ్డీ+ అమోలెడ్ స్క్రీన్. ఇది 1080*2550 పిక్సెల్ రెజుల్యూషన్ ని కలిగి ఉంది. Tecno Phantom V Fold 5G యొక్క రెండు డిస్ప్లేలు కూడా 120 హెర్ట్జ్ రిఫ్రెష్ రేట్ తో పని చేస్తాయి.
Tecno Phantom V Fold 5G లో మీడియాటెక్ డైమెన్సిటీ 9000+ చిప్సెట్ వాడబడింది. ఇది 3.2 గిగాహెర్ట్జ్ క్లాక్ స్పీడ్ కలిగిన ప్రాసెసర్. ఎల్పీడీడీఆర్5ఎక్స్ ర్యామ్ మరియు యూఎఫ్ఎస్ 3.1 స్టోరేజీ ని ఈ ఫోన్ లో అందిస్తున్నారు.
Tecno Phantom V Fold 5G లో 50ఎంపి మెయిన్ లెన్స్, 50ఎంపి పొట్రెయిట్ లెన్స్, 13 ఎంపి అల్ట్రావైడ్ యాంగిల్ లెన్స్ ఉంటాయి. సెల్ఫీస్, వీడియో కాల్స్ కోసం ఈ డివైజ్ లో లోపల స్క్రీన్ పై 16ఎంపి ఫ్రంట్ కెమెరా ఇచ్చారు. ఫోన్ కి బయట స్క్రీన్ పై 32ఎంపి సెల్ఫీ కెమెరా అందించారు.
లేటెస్ట్ స్మార్ట్ ఫోన్, టెక్నాలజీ మరియు టెలీకమ్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
