ప్రముఖ స్మార్ట్ఫోన్ బ్రాండ్ Tecno త్వరలో ఒక ఫోల్డబుల్ ఫోన్ లాంచ్ చేయనుంది. Tecno Phantom V2 Fold 5G పేరుతో ఈ డివైజ్ మార్కెట్ లోకి రానుంది. తాజాగా ఈ ఫోన్ బ్లూటూత్ ఎస్ఐజీ వెబ్సైట్ పై లిస్ట్ అయ్యింది. తొలుత ఈ విషయాన్ని MySmartPrice గుర్తించింది. ఓసారి బ్లూటూత్ ఎస్ఐజీ లిస్టింగ్ వివరాలు తెలుసుకుందాం.
Tecno Phantom V2 Fold 5G బ్లూటూత్ ఎస్ఐజీ లిస్టింగ్
Tecno Phantom V2 Fold 5G ఫోల్డబుల్ ఫోన్ AE10 అనే మోడల్ నంబర్ తో బ్లూటూత్ ఎస్ఐజీ వెబ్సైట్ పై లిస్ట్ అయ్యింది.
బ్లూటూత్ ఎస్ఐజీ లిస్టింగ్ ద్వారా Tecno Phantom V2 Fold 5G యొక్క బ్లూటూత్ కనెక్టివిటీ వివరాలు రివీల్ అయ్యాయి. ఈ ఫోల్డబుల్ ఫోన్ బ్లూటూత్ 5.3 సపోర్ట్ తో వస్తోంది.
బ్లూటూత్ కనెక్టివిటీ కాకుండా, లిస్టింగ్ ద్వారా డివైజ్ కి సంబంధించిన ఇతర వివరాలు రివీల్ కాలేదు.
Tecno Phantom V Fold 5G స్పెసిఫికేషన్స్
డిస్ప్లే: Tecno Phantom V Fold స్మార్ట్ ఫోన్ లో 6.42-ఇంచ్ ఫుల్ హెచ్డీ+ అమోలెడ్ ఔటర్ డిస్ప్లే, 10హెర్ట్జ్-120 హెర్ట్జ్ డ్యూయల్ రిఫ్రెష్ రేట్ ఉన్నాయి. ఫోన్ ని ఓపెన్ చేస్తే 7.65-ఇంచ్ 2కే అమోలెడ్ భారీ డిస్ప్లే ఉంటుంది. ఇందులో కూడా డ్యూయల్ రిఫ్రెష్ రేట్ ఉంటుంది.
కెమెరా: Tecno Phantom V Fold లో 50ఎంపి మెయిన్ కెమెరా, 13ఎంపి అల్ట్రావైడ్ కెమెరా, 50ఎంపి పొట్రెయిట్ లెన్స్ ఉన్నాయి. సెల్ఫీస్, వీడియో కాల్స్ కోసం 32ఎంపి కెమెరా ఇచ్చారు. ఇది ఔటర్ డిస్ప్లే పై ఉంటుంది. మెయిన్ డిస్ప్లే పైన 16ఎంపి ఫ్రంట్ కెమెరా ఉంటుంది.
చిప్సెట్: Tecno Phantom V Fold లో మీడియాటెక్ డైమెన్సిటీ 9000+ 5జీ చిప్సెట్ వాడారు.
ర్యామ్, స్టోరేజీ: Tecno Phantom V Fold 12జిబి ర్యామ్, 256/512జిబి స్టోరేజీ ఆప్షన్స్ తో వచ్చింది.
ఓఎస్: Tecno Phantom V Fold డివైజ్ ఆండ్రాయిడ్ 13 ఓఎస్ ఆధారిత హైఓఎస్ కస్టమ్ స్కిన్ పై పని చేస్తుంది. ఫోల్డబుల్ డిజైన్ కి సరిపోయే విధంగా ఓఎస్ ని కస్టమైజ్ చేయడం జరిగింది.
కనెక్టివిటీ: Tecno Phantom V Fold లో 5జీ, బ్లూటూత్, వై-ఫై, జీపీఎస్ వంటి ఆప్షన్స్ ఉన్నాయి.
