హైలైట్స్
- డిసెంబర్ 7 న దుబాయ్ లో లాంచైన Tecno Phantom X2 సిరీస్, భారత్ లో లాంచ్ అయ్యేందుకు రెడీ అయిన Tecno Phantom X2 5G
- ఫాంటమ్ ఎక్స్2 లైనప్ లో రానున్న Phantom X2, Phantom X2 Pro
- మీడియాటెక్ డైమెన్సిటీ 9000 చిప్, 64ఎంపి మెయిన్ కెమెరా, 5160 ఎంఏహెచ్ బ్యాటరీతో వస్తున్న Tecno Phantom X2 5G
డిసెంబర్ 7 న దుబాయ్ లో Phantom X2 సిరీస్ ని లాంచ్ చేసిన Tecno కంపెనీ, ఇప్పుడు Tecno Phantom X2 5G ని భారత్ లో లాంచ్ చేసేందుకు సిద్ధమవుతోంది. Tecno Phantom X2 లైనప్ లో రెండు మోడల్స్ ఉంటాయి. అవి: Tecno Phantom X2, Tecno Phantom X2 Pro. అమెజాన్ ద్వారా Tecno Phantom X2 సిరీస్ యొక్క లాంచ్ వివరాలను కంపెనీ వెల్లడించింది.
టెక్నో ఈ డివైజ్ యొక్క ఇండియా లాంచ్ తేదీ, ధర ను ఇంకా వెల్లడించలేదు. అయితే, అమెజాన్ మైక్రోసైట్ టీజర్ ద్వారా డివైజ్ ని రివీల్ చేసింది. ఇక ఈ ఫోన్ యొక్క ప్రీ-బుకింగ్స్ 2023 జనవరి 2 నుంచి మొదలవుతాయి. ఇక సేల్స్ జనవరి 9 నుంచి ప్రారంభవుతాయి. Tecno Phantom X2 5G యొక్క స్పెసిఫికేషన్స్ మరియు అంచనా ధర వివరాలను తెలుసుకుందాం పదండి.
భారత్ లో Tecno Phantom X2 5G ధర
Tecno Phantom X2 5G ఫోన్ SAR 2699 (సుమారు రూ.59,100) ధరతో దుబాయ్ లో లాంచైంది. భారత్ లో రూ.50,000 పైనే ఈ ఫోన్ ధర ఉంటుందని సమాచారం. ప్రస్తుతం ఈ టెక్నో ఫ్లాగ్షిప్ ఫోన్ రెండు కలర్ ఆప్షన్స్ లో లభిస్తుంది. అవి: స్టార్డస్ట్ గ్రే మరియు మూన్లైట్ సిల్వర్.
Tecno Phantom X2 5G స్పెసిఫికేషన్స్
Tecno Phantom X2 5G స్మార్ట్ ఫోన్ 6.8-ఇంచ్ కర్వ్డ్ అమోలెడ్ డిస్ప్లే, ఫుల్ హెచ్డీ రెజుల్యూషన్, 120 హెర్ట్జ్ రిఫ్రెష్ రేట్, పంచ్ హోల్ కటౌట్, కార్నింగ్ గొరిల్లా గ్లాస్ విక్టస్ తో వస్తోంది. Tecno Phantom X2 5G మీడియాటెక్ డైమెన్సిటీ 9000 చిప్సెట్ తో వస్తోంది. ఈ ఫోన్ లో పవర్ బ్యాకప్ కోసం 5160 ఎంఏహెచ్ బ్యాటరీ అందించారు. ఇది 45 వాట్ ఫాస్ట్ చార్జింగ్ కి సపోర్ట్ చేస్తుంది. ఆండ్రాయిడ్ 12 ఓఎస్ ఆధారిత హైఓఎస్ 12.0 కస్టమ్ స్కిన్ పై పని చేస్తుంది.
Tecno Phantom X2 5G యొక్క కెమెరా విభాగం గురించి తెలుసుకుందాం. ఈ డివైజ్ లో 64ఎంపి ఓఐఎస్ మెయిన్ కెమెరా, 13ఎంపి అల్ట్రావైడ్ యాంగిల్ కెమెరా, 2 మెగా పిక్సెల్ మ్యాక్రో సెన్సర్ ఉంటాయి. సెల్ఫీలు, వీడియో కాల్స్ కోసం ఇందులో 32ఎంపి కెమెరా ఉండనుంది.
Tecno Phantom X2 లో 256జిబి యూఎఫ్ఎస్ 3.1 స్టోరేజీ అందించారు. 8జిబి ఎల్పీడీడీఆర్5 ర్యామ్ ఈ ఫోన్ లో ఉంది. ర్యామ్ ని మెమొరీ ఫ్యూజన్ ద్వారా 5జిబి వరకు పెంచుకోవచ్చు. అంటే మొత్తం 13జిబి ర్యామ్ అందుబాటులో ఉంటుంది. ఈ డివైజ్ లో 5160 ఎంఏహెచ్ బ్యాటరీ ఉంది. ఇది 45 వాట్ ఫాస్ట్ చార్జింగ్ కి సపోర్ట్ చేస్తుంది. 20 నిమిషాల్లో 50 శాతం చార్జ్ అవుతుందని కంపెనీ చెబుతోంది.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
