గింబల్ కెమెరా, డైమెన్సిటీ 9000 ప్రాసెసర్ తో వస్తోన్న Tecno Phantom X2

హైలైట్స్

• లాంచ్ కి ముందు లీకైన Tecno Phantom X2 డిజైన్, స్పెసిఫికేషన్స్
• మీడియాటెక్ డైమెన్సిటీ 9000, గింబల్ కెమెరా తో వస్తోన్న Tecno Phantom X2
• Tecno Phantom X2 లైనప్ లో లాంచ్ కానున్న స్టాండర్డ్ వేరియంట్ Phantom X2, Phantom X2 Pro
• డిసెంబర్ 7 న దుబాయ్ లో లాంచ్ అవుతోన్న Tecno Phantom X2

Phantom X కి సక్సెసర్ గా Tecno Phantom X2 ఫోన్ లాంచ్ అవుతోంది. ఈ ఫోన్ డిసెంబర్ 7 న దుబాయ్ లో లాంచ్ అవుతోంది. లాంచ్ ఈవెంట్ కి ముందు టెక్నో సంస్థ ఈ డివైజ్ కి సంబంధించిన కొన్ని కీలక విషయాలను వెల్లడించింది. మీడియాటెక్ డైమెన్సిటీ 9000 చిప్, ఈగల్ ఐ లెన్స్ కెమెరా టెక్నాలజీ తదితర ఫీచర్లతో Tecno Phantom X2 వస్తున్నట్లు టెక్నో కంపెనీ తెలిపింది. ఇదిలా ఉండగా, TechArena24 తాజాగా Tecno Phantom X2 యొక్క డిజైన్, ముఖ్యమైన స్పెసిఫికేషన్స్ ని రివీల్ చేసింది.

Tecno Phantom X2 సిరీస్ లో స్టాండర్డ్ వేరియంట్ Phantom X2 మరియు టాప్ వేరియంట్ Phantom X2 Pro ఉంటాయి. ఈ ఫోన్లు భారత్ లో కూడా లాంచ్ అయ్యే అవకాశం ఉంది. అయితే కచ్చితమైన సమయం ఇంకా తెలియదు. ఓసారి Tecno Phantom X2 స్పెసిఫికేషన్స్, డిజైన్, తదితర వివరాల గురించి తెలుసుకుందాం పదండి.

Tecno Phantom X2 స్పెసిఫికేషన్స్, ఫీచర్స్

Tecno Phantom X2 స్మార్ట్ ఫోన్ 6.8-ఇంచ్ ఫుల్ హెచ్డీ+ కర్వ్డ్ సూపర్ అమోలెడ్ డిస్ప్లే, 120 హెర్ట్జ్ రిఫ్రెష్ రేట్ తో వస్తోంది. ఇక కెమెరా విభాగం వైపు చూస్తే, ఈ ఫోన్ ట్రిపుల్ రియర్ కెమెరా సెటప్ తో రానుంది. ఇందులో 64ఎంపి ప్రైమరీ కెమెరా ఉంటుంది. వీడియో స్టెబిలిటీ కోసం ఇందులో గింబల్ కెమెరా ఉంటుందని సమాచారం. ఈ గింబల్ కెమెరా అల్ట్రావైడ్ మరియు మ్యాక్రో లెన్స్ గా కూడా పని చేస్తుంది. సెల్ఫీలు, వీడియో కాల్స్ కోసం Tecno Phantom X2 లో 32 ఎంపి ఫ్రంట్ కెమెరా ఉండనుంది.

Tecno Phantom X2 స్మార్ట్ ఫోన్ లో మీడియాటెక్ డైమెన్సిటీ 9000 చిప్సెట్ వాడినట్లు సమాచారం. లీక్స్ ద్వారా తెలిసిన సమాచారాన్ని బట్టి, ఈ డివైజ్ 8జిబి ర్యామ్, 256జిబి స్టోరేజీ, మైక్రోఎస్డీ కార్డ్ సపోర్ట్ తో వస్తున్నట్లు తెలుస్తోంది. ఈ స్మార్ట్ ఫోన్ లో 5100 ఎంఏహెచ్ బ్యారటీ, ఫాస్ట్ చార్జింగ్ సపోర్ట్ ఉంటాయి. ఈ డివైజ్ ఆండ్రాయిడ్ 12 ఓఎస్ ఆధారిత హైఓఎస్ 12 కస్టమ్ స్కిన్ పై పని చేస్తుంది. యూఎస్బీ టైప్ సీ పోర్ట్ ఉంటుంది. అయితే 3.5 ఎంఎం ఆడియో జాక్ ఉండదు. ఈ డివైజ్ లో అండర్-డిస్ప్లే ఫింగర్ ప్రింట్ స్కానర్ ఉంటుంది.

గత మోడల్ అయిన Tecno Phantom X రూ.25,999 ధరతో భారత్ లో లాంచ్ అయ్యింది. ఈ ఫోన్ 6.7-ఇంచ్ అమోలెడ్ ప్యానెల్, 90 హెర్ట్జ్ రిఫ్రెష్ రేట్, ఫుల్ హెచ్డీ+ రెజుల్యూషన్, మీడియాటెక్ హీలియో జీ95 చిప్సెట్ తో లాంచ్ అయ్యింది.

లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్‌బుక్ పేజీని లైక్ చేసి ఫాలో అవ్వండి.