హైలైట్స్
- ట్విట్టర్ ద్వారా Tecno Pova 4 లాంచ్ తేదీని ప్రకటించిన కంపెనీ
- డిసెంబర్ 7 న లాంచ్ అవుతోన్న Tecno Pova 4, అమెజాన్ ద్వారా సేల్
- డెడికేటెడ్ మైక్రోసైట్ ద్వారా ఖరారైన ప్రాసెసర్, స్టోరేజీ, కెమెరా, బ్యాటరీ స్పెసిఫికేషన్స్
- మీడియాటెక్ హీలియో జీ99 చిప్సెట్, 128జిబి స్టోరేజీ, డ్యూయల్ కెమెరాస్, 6000 ఎంఏహెచ్ బ్యాటరీతో వస్తోన్న Tecno Pova 4
Tecno Pova 4 స్మార్ట్ ఫోన్ డిసెంబర్ 7 న లాంచ్ అవుతుందని కంపెనీ తన ట్విట్టర్ హ్యాండిల్ ద్వారా ప్రకటించింది. Tecno Pova 3 కి సక్సెసర్ గా Tecno Pova 4 వస్తోంది. Tecno Pova 4 స్మార్ట్ ఫోన్ ని అమెజాన్ ద్వారా కొనుగోలు చేయవచ్చు. ఇప్పటికే అమెజాన్ లో Tecno Pova 4 యొక్క మైక్రోసైట్ దర్శనమిస్తోంది. దీంతో ఫోన్ యొక్క స్పెసిఫికేషన్స్ ఎలా ఉండనున్నాయో తెలిసింది. లిస్టింగ్ ద్వారా ఈ ఫోన్ మీడియాటెక్ హీలియో జీ99 చిప్సెట్ తో వస్తున్నట్లు అర్థమైంది.
Tecno Pova 4 స్మార్ట్ ఫోన్ 6000 ఎంఏహెచ్ బ్యాటరీతో రానుంది. ఇది 18 వాట్ ఫాస్ట్ చార్జింగ్ కి సపోర్ట్ చేస్తుంది. అమెజాన్ లిస్టింగ్ ని బట్టి, ఫోన్ బాక్సీ డిజైన్, రౌండెడ్ ఎడ్జెస్ తో ఉన్నట్లు తెలుస్తోంది.
Tecno Pova 4 డిజైన్
అమెజాన్ లో కనిపించిన Tecno Pova 4 యొక్క రెండర్స్ ఫోన్ డిజైన్ ని చూపించాయి. ఫోన్ కి కుడివైపున వాల్యూమ్ రాకర్, పవర్ బటన్, ఫింగర్ ప్రింట్ స్కానర్ ఉన్నాయి. ఫోన్ వెనకాల, వేర్వేరు సర్క్యులర్ రింగ్స్ లో డ్యూయల్ కెమెరాలు ఉన్నాయి. వీటికి తోడు ఒక ఎల్ఈడీ ఫ్లాష్ ఉంది. బ్యాక్ ప్యానెల్ పై డైమండ్ ప్యాటర్న్ ఉంది. ఫోన్ ముందువైపున, పంచ్-హోల్ కటౌట్ లో సెల్ఫీ కెమెరా ఉంది. అలాగే సన్నని బెజెల్స్ ఉన్నాయి. యూఎస్బీ టైప్-సీ పోర్ట్, స్పీకర్ గ్రిల్, 3.5 ఎంఎం ఆడియో జాక్ ఉన్నాయి.
అమెజాన్ లిస్టింగ్ ని బట్టి, Tecno Pova 4 స్మార్ట్ ఫోన్ 8జిబి ర్యామ్, 128జిబి స్టోరేజీ కలిగి ఉన్నట్లు తెలుస్తోంది. మెమొరీ ఫ్యూజన్ ద్వారా ర్యామ్ ని 5జిబి వరకు పెంచుకోవచ్చు. అమెజాన్ లిస్టింగ్ ద్వారా ఈ విషయాలు తెలిసాయి.
Tecno Pova 4 స్పెసిఫికేషన్స్
Tecno Pova 4 స్మార్ట్ ఫోన్ 6.82-ఇంచ్ ఎల్సీడీ డిస్ప్లే, 90 హెర్ట్జ్ రిఫ్రెష్ రేట్, 1640*720 పిక్సెల్స్ రెజుల్యూషన్ కలిగి ఉంటుంది. ఈ ఫోన్ లో మీడియాటెక్ హీలియో జీ99 ప్రాసెసర్ వాడారు. ఈ చిప్ 6ఎన్ఎం ప్రాసెస్ పై తయారైంది. గ్రాఫిక్స్ కోసం మాలి జీ57 జీపీయూ వాడారు. కెమెరా విభాగం ఎలా ఉందో తెలుసుకుందాం.
Tecno Pova 4 లో 50 మెగా పిక్సెల్ ప్రైమరీ కెమెరా, ఒక ఆగ్జిలరీ సెన్సర్, ఎల్ఈడీ ఫ్లాష్ ఉంటాయి. ముందువైపున 8 మెగా పిక్సెల్ కెమెరా, ఎల్ఈడీ ఫ్లాష్ ఉంటాయి.
Tecno Pova 4 స్మార్ట్ ఫోన్ డ్యూయల్ గేమ్ ఇంజిన్ తో వస్తున్నట్లు సమాచారం. అంటే గేమ్ ఇంజిన్ 2.0 మరియు హైపర్ ఇంజిన్ 2.0 కలిసి పని చేయనున్నాయి. Tecno Pova 4 ఫోన్ 170.59 మిల్లీ మీటర్ల పొడవు, 77.52 మిల్లీ మీటర్ల వెడల్పు, 8.7 మిల్లీ మీటర్ల మందం ఉంటుంది. 4జీ, డ్యూయల్ సిమ్, వై-ఫై, బ్లూటూత్ 5, జీపీఎస్, గ్లొనాస్, బైడూ వంటి కనెక్టివిటీ ఆప్షన్స్ ఈ ఫోన్ లో ఉన్నాయి. Tecno Pova 4 డివైజ్ ఆండ్రాయిడ్ 12 ఓఎస్ ఆధారిత హైఓఎస్ 6.0 పై పని చేయనుంది.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
