ప్రముఖ చైనా స్మార్ట్‌ఫోన్ మేకర్ Tecno మార్చి 29న భారత్ లో Tecno Pova 6 Pro డివైజ్ ని లాంచ్ చేయబోతోంది. అమెజాన్ ఎక్స్‌క్లూజివ్ ప్రొడక్ట్ అయిన ఈ ఫోన్ రేపు మధ్యాహ్నం 12 గంటలకు లాంచ్ కానుంది. 24జిబి ర్యామ్ పవర్, 6.78-ఇంచ్ ఫుల్ హెచ్డీ+ డిస్ప్లే, 120 హెర్ట్జ్ రిఫ్రెష్ రేట్, డైనమిక్ పోర్ట్ ఫీచర్, మీడియాటెక్ డైమెన్సిటీ 6080 చిప్సెట్, 108ఎంపి కెమెరా వంటి స్పెసిఫికేషన్స్ తో వస్తోంది. Tecno Pova 6 Pro లాంచ్ ని ప్రత్యక్షప్రసారం ద్వారా ఎలా చూడవచ్చో తెలుసుకుందాం పదండి.
Tecno Pova 6 Pro 5G లాంచ్‌ని లైవ్‌లో చూడండి
Tecno Pova 6 Pro 5G స్మార్ట్‌ఫోన్ మార్చి 29న మధ్యాహ్నం 12 గంటలకు లాంచ్ అవుతోంది.
Tecno Pova 6 Pro 5G స్మార్ట్‌ఫోన్ లాంచ్ ని టెక్నో ఇండియా అధికార వెబ్‌సైట్ ద్వారా చూడవచ్చు. అలాగే టెక్నో యొక్క సోషల్ మీడియా హ్యాండిల్స్ ద్వారా కూడా లాంచ్‌ని లైవ్ లో చూడవచ్చు. ఇంకా Tecno అఫీషియల్ యూట్యూబ్ చానల్ ద్వారా లాంచ్ కార్యక్రమాన్ని వీక్షించవచ్చు. అమెజాన్ వెబ్‌సైట్ ద్వారా కూడా లాంచ్‌ని లైవ్ ద్వారా చూడవచ్చు.
Tecno Pova 6 Pro 5G స్పెసిఫికేషన్స్
- డిస్ప్లే: Tecno Pova 6 Pro 5G లో 6.78-ఇంచ్ ఫుల్ హెచ్డీ+ అమోలెడ్ స్క్రీన్, 120 హెర్ట్జ్ రిఫ్రెష్ రేట్, 2160 హెర్ట్జ్ పీడబ్ల్యూఎమ్ సపోర్ట్, డైనమిక్ పోర్ట్ ఫీచర్ ఉంటాయి.
- ప్రాసెసర్: Tecno Pova 6 Pro 5G లో మీడియాటెక్ డైమెన్సిటీ 6080 చిప్సెట్, మాలి-జీ57 ఎంసీ2 జీపీయూ ఉంటాయి. చిప్సెట్ 6 నానోమీటర్ ఫ్యాబ్రికేషన్ పై తయారైంది.
- ర్యామ్, స్టోరేజీ: Tecno Pova 6 Pro 5G డివైజ్ 8జిబి/12జిబి ర్యామ్, 256జిబి స్టోరేజీ ఆప్షన్స్ లో లభిస్తుంది. ఈ ఫోన్ 12జిబి ఎక్స్‌టెండెడ్ ర్యామ్ ఫీచర్ తో వస్తోంది.
- కెమెరా: Tecno Pova 6 Pro 5G లో ట్రిపుల్ రియర్ కెమెరా సెటప్ ఉంటుంది. ఇందులో 108ఎంపి మెయిన్ కెమెరా, 2ఎంపి డెప్త్ సెన్సర్, ఏఐ థర్డ్ లెన్స్ ఉంటాయి. సెల్ఫీస్, వీడియో కాల్స్ కోసం 32ఎంపి కెమెరా ఉంటుంది.
- బ్యాటరీ: Tecno Pova 6 Pro 5G లో పవర్ బ్యాకప్ కోసం 6,000 ఎంఏహెచ్ బ్యాటరీ ఉంటుంది. ఇది 70 వాట్ ఫాస్ట్ చార్జింగ్ కి సపోర్ట్ చేస్తుంది.
- కనెక్టివిటీ: Tecno Pova 6 Pro 5G లో డ్యూయల్ సిమ్, 5జీ, 4జీ, బ్లూటూత్, వై-ఫై వంటి ఆప్షన్స్ ఉంటాయి.
